Poesía Vertical IV -1

Bida ta pinta un palu
y morto ta pinta otro.
Bida ta pinta un nèshi
y morto ta copi’é.
Bida ta pinta un para
p’e biba den e nèshi
y morto mesora
ta pinta otro para.

Un man qu n’ ta pinta nada
ta queiru entre tur dibuho
y cada tantu ratu e ta cambia unu di lugá.
Por ehèmpel:
e para di bida
ta ocupá e nèshi di morto
riba e palu pintá pa bida.

Otro bia
e man qu n’ ta pinta nada
ta paga un dibuho di e serie.
Por ehèmpel:
e palu di morto
ta sostené e nèshi di morto,
pero no ta ocup’é ningún para.

Y otro bia
e man qu n’ ta pinta nada
ta conbertí e mes
den imagen sobrante,
cu figura di para,
cu figura di palu,
cu figura di nèshi.

Y e or’ey, sólo e or’ey,
n’ ta falta ni sobra nada.
Por ehèmpel:
dos para
ta ocupá e nèshi di bida
riba e palu di morto.

O e palu di bida
ta sostené dos nèshi
den cua ta biba un para so.

O un para único
ta biba den un sólo nèshi
riba e palu di bida
y e palu di morto.

Roberto Juarroz


© 2007 Papiamentu Bibu