Nós ta presentá algún opinión relashoná cu referéndum.
Nós ta cuminsá cu un carta di James Schrils. Schrils no ta bira rònd di e asuntu. E tá partidario di anecshón completo di Antilla.
Schrils no ta papia di anecshón, obviamente. Un colonial generalmente no tá directo. E ta papia di haci di nós un municipio art. 12. O sea tutela financiero absoluto. Ma pa por tá un municipio art. 12, méster bira un municipio macamba promé. Y esey tá anecshón.
Al fin y al cabo colonial.
Schrils ta bin cu algún cifra relashoná cu procedencia di hende qu a vota, y en particular relashoná cu macamba. E discushón cuantu macamba o strañero a vota, lo queda un discushón sin fin. Echo tá, manera nós a bisa anteriormente, referéndum tá fundamentalmente un asuntu di yu di tera.
Nos compañero di bida qu tá latino, qu tin yu aqui, nogoshi aqui, qu tin cas aqui, qu tin 11 aña bibá aqui, qu ta considerá e cas aquí su cas, qu tin e tera aquí na pechu mas qu calque macamba, qu quièr mira nos yunan un día cana líber riba na e tera aquí, independiente y soberano, no por a vota.
Loque ta llama atenshón di e artículo di Schrils tá su posishón «di antemano» qu bou di macamba su «tutela» nós como teritorio anexá (aplicando artículo 12), lo tá mihó pará. Ma nós tá bou di nan tutela colonial racista ya cuátershen aña. Macamba tin tur posibilidad di conbertí BES den un municipio macamba según artículo 12. Es mas, no solamente lo no conbertí BES den un municipio, sino qu lo duna BES un condishón di municipio di propio carácter (sui generis), loque no tá nada otro qu apartheid.
Nós lo no duna tur reacshón di político macamba mashá atenshón. Mayoría tá «contentu» qu e resultado di un mayoría símpel di 52%. E único qu a expresá preocupashón pa e minoría significativo di 48%, tá Bijleveld.
Nós ta bolbe riba e punto di «acercamentu» y «extendé man» na oposishón.
Nós ta cita pastor Simon Wilson:
«Pueblo ta warda riba e dos blokenan sinta na mesa dialogá ku otro pa futuro di Kòrsou.» Según pastor Wilson e dos grúponan méster por haña otro den diálogo.
Nós ta cita Skina di Sòrti di 18/5:
«Despues di a pèrsistí den un referèndem i pió ainda kampañanan polítiko den e referèndem, konsekuensia polítiko ta inevitabel. E resultado di e referèndem ta pone esnan di oposishon den un posishon elektoral faborabel.»
Otro cita for di Skina di Sòrti di 18/5:
«Na momento ku 48%, a pesar di e intimidashon ulandes te riba dia di referèndem ta vota pa Nò, e respuesta no mester ta un “handreiking” den direkshon di oposishon, pero un kambio drástiko, konkreto i visibel den e aserkamentu gubernamental.»
¿De Jong Elhage ta papia di un «acercamentu» y extendé man» a base di quico? ¿A base di loque tin riba mesa? ¿O sea e paquete colonial manera a dicidí na Mesa Rondó di decèmber 2008?
¿Di qui tipo di diálogo pastor Simon ta papia? ¿Un diálogo sin qu ta mishi cu e paquete colonial? ¿Qui tipo di diálogo esaqui tá?
Sòrti a cuminsá bon. 48% a vota Nò a pesar di intimidashón macamba, inclusive riba e dia di Referéndum. Referéndum tin consecuencia político. ¿Pero cua?
E posibilidad entre Colonia (Nò) y Colonia Plus (Sí) a duna un empate, a resultá den un cònòpi gordiano qu tin un solushón so.
E resultado ta indicá qu no por sigui cu e proceso manera a hacié te awor. E resultado ta nificá qu méster renegoshá completamente di nobo. ¿Pero renegoshá quico?
Referéndum tá un echo. Y e posishón colonial macamba ta conocí, ya cuátershen aña.
Nós ta den un posishon similar na Indonesia después di di dos guera mundial y Sürnám áñanan 60/70. Un situashón di impase qu solamente por a solushoná cu independencia.
E conclushón político qu méster saca for di e impase aquí, e cònòpi gordiano aquí tá, qu asina sigur no por sigui. E único alternativa serio qu ta queda nós tá independencia. No tin ningún argumento bálido qu ta impidí e caminda pa independencia.
Artículo 3 di Resolushón 1514 di Nashonan Uní tá cla riba e asuntu aquí:
«E falta di preparashón den orden político, económico, social o educativo no por sirbi nunca como pretexto para retrasá independencia.»
Por lo tanto méster tuma e decishón político awor y bai mesa cu macamba pa regla tur asuntu qu ta regardá reconocementu di nos independencia, reconocementu di nos soberanía y transferencia di poder, separashón di bienes y indemnisashón como consecuencia di cuátershen aña di colonialismo.
Papiamentu Bibu
No hay comentarios:
Publicar un comentario