Nótanan di Prensa

A sali den corant awe qu famíanan di dr. Da Costa Gomez y dr. Efrain Jonckheer quièr prohibí NO di uzo nan nòmber. ¡Esaqui tá insólito!

For di día qu e dos persónanan aquí a dicidí di bira figura público, nan idéanan a bira público, por lo tanto loque nán a publicá y bisa tá di dominio público.

Tá nos opinión qu loque tanto Da Costa Gomez y Jonckheer a para p’e, tá históricamente un eror. Día a declará qu nós tá supuestamente autónomo, nán a libra macamba di tur loque macamba a cometé a través di treshen-ti-picu di aña.

Awor lo siguiente. Cu e supuesto eliminashón di Competencia o Facultad di Instrucshón for di Declarashón Final, tantu macamba como nan colaboradornan local a quita un di púntanan di lansa for di Grupo NO. Esún qu a lansa e asuntu aquí cu mas vehemencia tá e grupo Sulvarán. Rònd di e grupo ey a acumulá algún hende di credencial dudoso.

Tá existí e posibilidad qu a fiha atenshón riba enter e asuntu di Instrucshón a sabiendas qu lo quit’é for di mesa y di tal forma frena Grupo NO. Tá algu pa pensa ariba.

Otro asuntu pa pensa ariba. E asuntu aquí un amigu a sugerí. Nós a llega di papia di colaborashón local cu e ocupadó y colonisadó.

CFT tá e entidad dictatorial, como instrumento di gobièrnu macamba qu tá decidiendo riba nos presupuesto y den futuro lo dicta riba tur elemento di nos presupuesto. Y no solamente riba nos presupuesto, sino tambe riba tur entidad semi-privá y sociedad anónimo di gobièrnu.

Si nós considerá lo anterior, ¿anto no tá asina qu e antillánonan qu tá forma parti di CFT, tur o en todo caso dos di nán como experto y conocedó di nos finanza público y tur otro shirishiri di nós, tá colaborador di macamba y tá traicionando nan patria?

Sémper tábata asina y sémper lo tá asina: ocupashón y colonisashón ta logra solamente qu colaborashón local.

Papiamentu Bibu