Soberania, Triunfo, Libertat - Un poema

Cu pèrmit di e autor nós ta publicá e siguiente poema qu a sali riba Facebook:

Soberania, Triunfo, Libertat


Kla i raspá
Seku i sin manteka
Kòrsou ta avansá
Soberania ta e meta

Hopi tempu e pueblo a warda
Hopi tempu e pueblo a sufri
Nos no por pèrdè tempu mas
Nos no por laga e lucha muri

E pueblo ta kla
E ruta ’ki, bo no por evitá
Kobardia tin ku hala un banda
Nos ta serio, nos no ta chansa

Pa kiko buska talento Hulandes ?
Yu’i Kòrsou Tin
I e por papia esaki pa su mes

Pa kiko kuestioná su kapasidat ?
Yu’i Kòrsou Ta
Esaki ya kaba a keda demostrá

Pa kiko duda den su abilidat
Yu’i Kòrsou Por
I na muchu mas mihó kalidat

Nos no por warda mas
Te ora boso sinti e seguridat
Muchu ménos pa saku di plaka
Nos lo entrega nos libertat

© Lionel Spratt


20-aug 2010


http://www.facebook.com/home.php?#!/photo.php?pid=326938&id=100000550897738&ref=fbx_album


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).