Ofensiva final
Pa esún qu a lesa e texto caba, nós a haci e cuchú cirúgico aínda un poco mas scèrpi.
Awe nós ta analisá un texto di un periodista macamba como entremés na caminda pa referéndum. E siguiente análisis ta relashoná cu referéndum, cu nos historia, no solamente awor, sino a través di cuátershen aña.
E artículo a sali den e corant macamba NRC Handelsblad y tá na man di un tal Elsbeth Etty, qu un tempu den su tempu di supuesto revolucionario tábata asta miembro di CPN (Communistische Partij Nederland). Awor e tá totalmente «burgués» y asta ta scirbi pa esún corant «burgués» macamba: NRC Handelsblad. Y awor como miembro di e supuesto partido socialista PvdA, e ta scirbi pa un corant derechista.
E artículo ta titulá Een Multicurltureel Drama.
Nós lo no, manera nós a haci den pasado, cue pida-pida texto y abrié na filingrana, sino qu nós lo duna un comentario general.
Mescos qu e otro artículo den Volkskrant qu ta referí na macamba su supuesto inocencia pèrdí a rasón di e atentado di un aficionado, e artículo aquí ta suponé qu tábatin un momento qu cos tábata mihó na Paisnan Abóu.
Tur dos artículo ta presuponé qu algún tempu tur cos tábata mihó, qu Paisnan Abóu tábata e ehemplo di «tolerancia». Y hustamente e adorashón nashonal di tolerancia, tábata un gran mentira pasobra sémper tábatin odio pa cu e otro, nós, esún no-germano.
Ora ta «sclama» con cos por a llega asina leu, ta parce como si fuera e ta manera un bos den desierto qu ta alertando contra un pelíguer inminente qu ningún hende tá mirando. Y e ta producí den nós e siguiente reacshón: «Exactamente, ¿con cos por e llega asina leu? Por fin un macamba qu ta bisa e cos manera e tá. Siquiera e sí ta bis'é.»
Esaqui tá e mentira di mentira: e artículonan ta presuponé qu den pasado Paisnan Abóu tábata decente.
Paisnan Abóu ta totalmente corupto. Corupto na su génesis. Corupto ya cuátershen aña, pasobra colonialismo, ocupashón, explotashón, opreshón, sclabitud y genocidio tá expreshón di un mente corupto, un pueblo corupto. Y di tal manera corupto qu awendía ta trata di bagatelisá y desconocé cuátershen aña di barbarismo. Corupto te tal grado, y mas abóu no por bai, qu ta desconocé e pasado bárbaro genocida macamba. Corupto di tal grado, y mas abóu no por bai, qu nan historiadornan cómplice manera Emmer y Oostindie ta desconocé y bagatelisá barbarismo y genocidio. Bagatelisando y desconociendo barbarismo y genocidio cu un Balkenende qu ta elogiá mentalidad VOC. Pero tá e mentalidad VOC corupto aquí qu a producí barbarismo y genocidio y qu a reducí nos antepasádonan na nivel di un recurso mas na sirbishi di nan sed incontrolábel di cèn. Y tá e mesún mentalidad qu tin nós na nivel di recurso awendía pa nan beneficio.
Ta e mesún mente corupto qu a crea Statüt y laga nós quere qu e ilushón qu llama Statüt tábata duna nos e ilushón di autonomía cu un supuesto poder di automaneho, sin realisá nós qu e tá un sistema, o recurso ―nós antó― sirbiendo nán. Den tur sentido di palabra. E huésped sirbiendo y nutriendo e parásito.
¿Con corupto sique macamba no a bira mas aínda si nán a haci tur loque nán a haci y después bagatelisé, ningué, deconocele? ¿Con corupto sique macamba no tá pa por a perpetrá tantu crimen di lesa humanidad? ¿Pasado? Ata macamba cu autorisashón di Balkenende tá participando na e guéranan di actualidad na Afganistán y Iraq, cometiendo un genocidio di mas di 1.000.000 iraquí? Balkenende tá un criminal di guera. Ora e menshoná derecho humano, e tá ofendiendo millones di iraquí y tur nos mórtonan a través di cuátershen aña.
¿E lector quièr sa quico realmente tá corupshón? Corupshón tá e supuesto izquierdista Wouter Bos qu como oposishón a vota na fabor di aumentá presencia militar macamba na Afganistán. E apoyo macamba aquí na guéranan qu tin como resultado mas di 1.000.000 iraquí asesiná a resultá den un premio mayó pa macamba: acceso di Shell na diferente campo petrolero y gasífero. Bos tábata un «top manager» na Shell. Lesa: Iraq, Macamba y Royal Dutch Shell.
¿Macamba a pèrdè su inocencia? ¿Inocente? Na ningún momento. Ni na su génesis Paisnan Abóu tábata inocente. Tempu nan tábata bringa pa nan libertad contra spañó, nan a haci’é como pirata terorista y no como ehército. Y asta teror tábata nogoshi pasobra pa un futuro pirata terorista por a bira pirata terorista, e tábatin mester di un pèrmit di estado. Por lo tanto ta trata di teror di estado.
Naturalmente un estado asina ta producí bestia rapás y asesino. Historia di cuátershen aña tá na nos banda.
Nos humanidad ta exihí di nós, trata di detectá algu di humanidad den macamba, aínda, a pesar di cuátershen aña di barbarismo. Nós a busca y te aínda nós no a haña nada.
Papiamentu Bibu
No hay comentarios:
Publicar un comentario