Excelente Idea: Traha un Catesashi di Liberashón

Riba Facebook nós a formulá un remarque qu a «sali for di man» pa loque ta su largura. Nós a dicidí di poné aqui como un artículo. e artículo a resultá como reacshón riba un «facebuquero» qu a proponé traha algún «krùk» pa esnán qu no quièr cana o tin miedu di cana e caminda di independencia.

Excelente idea. P'esey mi ta proponé traha un Catesashi di Liberashón. Prócer sürnám Anton de Kom a scribi un buqui titulá «Wij Slaven van Suriname». De Kom NO tábata quièr men hende na cadena, sino catibu den espíritu y pensamentu qu tá resultá den hende desarticulá, sin iniciativa y cu miedu pa independencia.

Cuátershen aña di sclabitud, teror, intimidashón, asesinato, campo di concentrashón a crea hende RE-programá qu automáticamente y instintivamente ta reacshoná na defensa di su mes burdugu.

Lo mas extraordinario y absurdo di enter e asuntu tá qu nós ta ocupá nós cu mil y un asuntu rònd mundu, sinti odio y rabia pa loque ta pasa cu otro, demostrá activismo pa cu calvario di otro hende qu no tin directamente nada di aber cu nós, y nós mes caso nós ta ninga y rechasá structuralmente.

Cuátershen aña di dominashón colonial raSSista makkkamba a RE-programá nos héndenan pa reacshoná di tal manera. Ehèmpel di sobra tin den bida diario. Méster documentá nán, analisá nán, y exponé nán pa cuminsá cana e caminda di sanashón.

E situashón tá asina grave qu ORA papia di independencia, nos burdugu ta bisa: Tá bon. Ata porta. M'a despuès qu b'a pasa pa e porta ey, loque tin tá SOLEDAD. Abo mes mira con bo ta bai atendé awor. ¿Y quico e presu ta haci? Di puru miedu E MES ta cera e porta.

Nós méster cuminsá cu papia bèrdad. Y bèrdad ta cuminsá cu duna cada asuntu, concepto, situashón o loque sea su berdadero nòmber.

Algún ehèmpel qu ya m'a llega di formulá riba Facebook:

Papia di secuestro di hende
Papia di deportashón di catibu en bes di transporte
Papia di campo di concentrashón marítimo en bes di barcu di transporte
Papia di campo di concentrashón en bes di plantashi
Papia di economía di campo di concentrashón en bes di economía di plantashi
Papia di ocupadó en bes di partner den reino
Nós no tá miembro di reino makkkamba, sino teritorio ocupá pa makkkamba

Un ehèmpel mas:

Algún di nós ta referí ta Makkkambalandia como Madre Patria o Mama Hulanda.

Mi pregunta tá antó: Si bó ta considerá Hulanda mama, con por tá posíbel qu un mama por a secuestrá su yu, deportá su yu, interná su yu den un campo di concentrashón y finalmente bou di tortura, maltrato, teror, intimidashón ASESINÁ su yu? Qui tipo di mama esaqui tá?


¿Y QUI TIPO DI MAMA TA TENE SU YU AÍNDA SECUESTRÁ Y PRESU Y TA BISABU QU E QUE BO BON DEN BO CONDISHÓN DI PRESU?


¿Y NA QUI NIVEL E MAMÁ AQUÍ A DEGRADÁ SI NI SIQUIERA E NO TA RECONOCÉ BO CONDISHÓN DI TÁ SECUESTRÁ Y TÁ PRESU?

Además si bo bisa Madre Patria o Mama Hulanda bó ta bisando qu pa boluntad y benevolencia makkkamba a creabu. Ma nós tábata existí caba como tríbunan inján y africano soberano. Por lo tanto Secuestrá nós, Deportá nós, interná nós y asesiná nós tá un INTERUPSHÓN di nos soberanía di forma bárbaro di parti di makkkamba. Por lo tanto día nós BOLBE bira independiente y soberano nós ta papia di un REANUDASHÓN di nos SOBERANÍA brutalmente interumpí pa makkkamba. Den transcurso di miles di aña di historia, 400 aña di ocupashón colonial raSSista makkkamba lo tá un nota insignificante den historia.

Ta nificá qu nós méster scirbi nos historia AÍNDA! Loque tá scirbí te aínda tá falsificashón di historia. Y falsificashón di historia NO TÁ HISTORIA.

Nós historia bèrdadero tá cuminsá y caba cu BÈRDAD como único bandera.

Asina so por logra liberashón, pasobra BÈRDAD LO LIBERABU!

Tur loque nós haci finalmente méster sirbi un META SO: INDEPENDENCIA!

Tá nos obligashón sagrado y irrenunciábel.

Esún qu bisa: Mí tá líber di scohe, ta busca un pretexto pa ninga scohe pa su mes país.

Esún qu bisa tá un punto di bista radical:

Hende bèrdadero ta bai na raís. Radical no tá nada mas qu esey: esún qu ta bai na raís di e asuntu. No por llama radical esún qu no ta mira cos den su fondo.

Scirbi BÈRDAD, scirbi nos historia aínda, basá riba bèrdad, tá radical, tá bai na raís, ta bai na fondo di loque nós tá. Asina so por comprondé nos realidad y sana nos condishón colonisá pa por cana e caminda corecto: LIBERTAD!!!!!!


Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).