Vanguardia y Retaguardia

Den calque lucha pa independencia, e movementu qu ta hiba e lucha aquí tá consistí di diferente estrato.

Loque sémper méster tene na cuenta tá qu calque lucha tá cargá pa un grupo chiquitu qu ta guía mayoría. Por lo tanto tá esencial qu e grupo aquí estratégicamente y adecuadamente ta amplia su base y su retaguardia pa por llega na e «masa crítico» qu ta guía e pueblo aquí na independencia. Mas importante aínda tá qu e grupo vanguardista ta consistí di hende di diferente estrato di sociedad.

Un lucha además tá multifacético: e tá pacífico y, tambe, armá. Mira p.e. e ola independentista latinoamericano bou di guía di Simón Bolívar. Considerá tambe independencia mericano.Un ehemplo mas recién tá e lucha castrista na Cuba. Un lucha qu esencialmente a queda concentrá den Sierra Maestra for di unda Castro, como comandante, tábata hiba un lucha armá. Riba e procésonan aquí Ernesto (Che) Guevara a scirbi un buqui titulá La Guerra de las Guerrillas. Pa loque ta trata teoría di guera y insurgencia, Guevara tá den compañía di Lenin, Mao Tse-Tung y e general alemán von Clausewitz qu a scirbi e buqui Vom Criege. Di je tá e famoso expreshón Guera no tá nada mas qu continuashón di política di estado cu otro método. Algún otro hende a formul’é como simplemente un continuashón di comunicashón político, cu adishón di otro método.

A pesar di tantu teoría y práctica teoretisá alrededor di e concepto lucha armá, mayoría tesis tá basá riba e proto-texto di e estratega chinés Tzun-Zu, qu a scirbi e buqui Tocante Guera.

Còrçao tambe conocé su lucha armá cu e rebelión di Tula, Carpata, Mercier, Wacawa y ótronan. 30 di mei tábata otro ehemplo di rebelión.

Awendía ta parce anticuado qu lúchanan di independencia no necesariamente méster tuma lugá di forma armá, ora considerá por ehemplo independencia di diferente pais caribe.[1] Aunque den mayoría di caso por papia di un ola di decolonisashón qu e tempu ey tábata mas fuerte, aunque no eliminá for di agènda di Nashonan Uní. Además, e tempu ey tábatin e Organisashón di Paisnan no-Alineá combiná cu bloque soviético qu tábata forma un forsa considerábel contra especialmente e bloque germano Merca-Inglatera-Paisnan Abou (triángulo MIP). Tambe no méster lubidá for di bista e diferente organisashonan progresivo / revolucionario den curasón di e propio paisnan den campo germano (p.e. protéstanan civil contra e guéranan imperial na Corea y Vietnam).

¿Cua posishón Nashonan Uní ta tuma pa cu colonia y/o independencia?

Nashonan Uní ta reconocé tres figura den derecho internashonal:

1. Estado independiente den asociashón líber cu otro estado (estado líber asociá)
2. Integrashón cu otro estado
3. Independencia

Nashonan Uní ta formulá den resolushón 1514 (XV) qu «subyugashón na subyugashón strañero, dominashón y explotashón ta constituí rechazo / negashón di deréchonan humano fundamental, loque tá contrali na Constitushón di Nashonan Uní, y además ta constituí un impedimentu pa promoshón di pas mundial y cooperashón, y méster tuma paso pa transferí, incondishonalmente, tur poder na e teritórionan fideicomiso o no-autónomo pa di tal forma nán lo por gosa di libertad completo y independencia.»Nós ta sugerí qu e lector mes ta studia e documéntonan relevante riba e página-web di Nashonan Uní.

Loque sí continuamente ta resaltá tá qu e derecho di autodeterminashón y independencia tá inalienábel. Obviamente den e caso di un colonia y/o como territorio fideicomiso sémper bai ta queda existí e derecho inalienábel di autodeterminashón y consiguientemente soberanía.

Autodeterminashón tambe ta conta pa paisnan líber asociá. Pues, un teritorio manera Puerto Rico tin na tur momento e derecho di autodeterminashón di separá for di Merca y declará su independencia.[2]

Aínda tá obligatorio, si un pais ta poseé colonia, qu méster raportá na Comishón di Decolonisashón di Nashonan Uní. Si un teritorio ta obtené un supuesto status autónomo, manera Antilla, antó e obligashón di raportá no tá necesario.

Esún qu studia e procésonan qu a tuma lugá na caminda pa formalisashón di Statüt, lo comprondé qu Paisnan Abou a scapa na wowo di angua, pasobra e aberashón hurídico qu llama Statüt, qu no tá nada mas qu un documento colonial racista, hamás mester a pasa examinashón di Comishón di Decolonisashón, si no tábata pasobra nos mes héndenan a testiguá qu nós de facto tin un forma di autonomía.


Nos lucha pa libertad

Nós tá na un crusada importante den nos historia. Historia pa mayoría di nós ta parce irevocábel después qu a caba di concretisá declarashón final. ¿Pero tá asina? ¿Nós lo pèrdè nos derecho di autodeterminashón después qu e fase aquí di colonisashón cristalisá?

Según derecho internashonal esey nunca por tá e caso.

Manera nós a remarcá anteriormente, sémper, históricamente, un grupo vanguardista a gara e batuta independentista y lastra pueblo su tras, un grupo, cargadó di e antorcha di libertad, apoyá pa su retaguardia.

Sémper bai lo tin un grupo qu lo tá contra. Especialmente den nos sociedad, un sociedad profundamente marcá pa un angustia, un miedu, un pánico histórico ora e palabra independencia ta zona.

Sin embargo internamente ta trata, pa un gran parti, di un grupo no-antagónico (contrario na antagónico), loque implícitamente ta nificá qu den transcurso di e proceso hende di e grupo «no-antagónico» lo por pasa pa e grupo qu ta apoyá independencia. Mientras e proceso pa independencia ta sigui desarollá, mas y mas e grupo antagónico lo queda definí. Sin embargo, finalmente, ora no tin otro caminda mas qu independencia, asta e grupo antagónico aquí lo uni pa por salvaguardia su posishón.

Esaqui ta zona un poco abstracto, ma, pa esnán qu ta un poco na altura di e proceso di independencia sürnam, e formulashón anterior, lo bira evidente si nós bisa qu e grupo antagónico tábata representá pa Lachmon y su partido VHP.

Pa cu exterior, den e caso aquí Paisnan Abou como elemento di e triángulo MIP, e «relashón» sémper lo tá antagónico y, por lo tanto, ireconciliábel.

Nós no méster pèrdè speransa. Ni Statüt, ni declarashón final tá eterno. Ya den e bastión colonial racista a bati un brecha mayó. E promé brecha tá e grupo abiertamente racista di Verdonk/Wilders. Según e último sondéonan, un secshón mayoritario di sociedad hulandés no «quièr nós mas» (entre 70-90%). E grupo aquí ta representativo pa sociedad hulandés y tá su portabós. Pa tá nos aliádonan, Verdonk y Wilders merecé di nos parti un sunchi y un fuerte brasa (obviamente e sunchi tá pa Verdonk y e brasa pa Wilders).

E segundo, importantísimo, desarrollo di último díanan tá qu algún persona prominente di nos sociedad a apoyá independencia abiertamente. Por lo tanto, ya e lucha aquí no ta reservá mas na un grupo di «idealista», progresivo y/o revolucionario, tal bes peligroso, for di tinu den bista di otro hende, sino qu, den cierto sentido, aqui tambe a bati otro brecha den e bastión colonial racista. E colonisadó racista ta conta cu sostén di cierto grupo di nos sociedad.

Evidentemente antó, e base independentista ta ampliando.

Aqui nós tin di aber antó qu algún componente importante. Nós ta resumí:

1. E grupo Verdonk / Wilders como nos aliádonan
2. Un ampliashón di e base independentista

E dos factornan aquí aínda no tá suficiente pa logra independencia, pasobra en específico mundu no sa quico tá pasando realmente den e «proceso di desmantelashón di Antilla».

¿Quico nós quièr men cu mundu? En esencia nós ta referí na e amnesia histórico den cua nós ta bira rònd pa loque ta trata conocementu di nos realidad, nos historia, nos cultura etc., etc. Loque nós quièr men concretamente tá: aparte di loque nós sa di nós mes, ¿quico mundu sa di nós? ¿Quen ey ’fo sa quico tá pasando realmente?

Concretamente: si nós contemplá historiografía colonial di Latino-América y Caribe, qu continuamente ta describí y denunciá colonialismo y su consecuéncianan, ¿unda concretamente, na spañó y inglés, ta describí e parti macamba den genocidio y barbarismo? Además na hulandés mes nan «koeterwaals» macamba y nán complicidad ta pone qu mundu no tá al tanto.[3]

E amnesia hisotórico aquí tá hustamente continuamente nan salbashón: resto di mundu no tá al tanto di qui tipo di mònster a colonisá nós den e cámponan di concentrashón manera Quenepa. Mundu no tá al tanto qu tá e mesún mònster, e mesún bárbaro qu aqui banda na flus y bistí ta hari cu nós, allabanda tá participá activamente den ocupashón y genocidio na Iraq.

Un excepshón importante tá tal bes e relato di John Gabriël Stedman qu a scirbi un documento extenso di su experiéncianan na Sürnam. Stedman tábata un mercenario den servicio di Paisnan Abou pa yag riba cimaronan. Stedman, e mes un mercenario manera nós a bisa, mes a queda hororisá pa crueldad y bestialidad macamba.[4]^,[5]

Tábatin un diferencia fundamental entre colonialismo germano y colonialismo latino. Den su buqui Un Pueblo na Kaminda, difuntu gobernador Römer ta scirbi esey, diplomáticamente. Römer a papia di colonialismo anglosahón vs. latino.

En esencia e diferencia, mirá filosóficamente, tábata qu colonisashón germano tábata unu di exclushón, apartheid y exterminashón, mientras colonisashón latino, a pesar di tur bestialidad, crueldad y genocidio tábata tambe unu di aceptashón y di inclushón, a pesar di tantu sufrimentu humano.

Tá emblemático e diferencia entre colonialismo germano y latino qu hustamente den contexto latino, e diferente religionan antiguo qu colonialismo a purba saca afó con-qu-bai-bin, manera voodoo y santería tá bibu-bibu na Cuba, Brasil y Haití. Sürnam su winti a sobrebibí pa e catíbunan qu a hui. Cerca nós brua tá den un posishón «subversivo».

Mescos ta conta pa idioma criollo. Merca p.e. qu a conocé e sistema di campo di concentrashón mas vasto y mas extenso, en especial na sur di Merca, prácticamente no conocé ningún idioma criollo o religión antiguo manera santería o voodoo. Criollo di Lousiana a desarollá den contexto francés.

¿Y papiamentu? Wèl ya nós sa qu no tá pa birtud macamba qu el a forma, sobrebibí, crece y haña e reconocementu qu e tin.

Bisa qu colonialismo macamba tábata y tá diabólico no ta capta su malignidad y perversidad, pasobra finalmente asta Lucifer tábata un ángel caí.


Sürnam, Kosovo y Antilla

Nós a menshoná anteriormente dos obhetivo pa loque ta trata e lucha pa independencia di Antilla. Nán tá, pa refrescá memoria:

1. E grupo Verdonk / Wilders como nos aliádonan
2. Un ampliashón di e base independentista

Tambe nós a menshoná qu e dos factornan aquí no tá suficiente, pasobra por llega na un mobilisashón mayó.

Si nós considerá e actual constelashón geopolítico, anto nós por cuminsá mustra riba algún analogía cu e proceso di independencia di Sürnam.

Mescos qu e tempu allá, e organisashón imperial colonial MIP, atrobe tá pegá den un pantano. Nós ta referí específicamente na e analogía Vietnam – Afganistán/Iraq.

E echo geopolítico aquí, combiná qu diferente cambio político faborábel na Latino-América, por facilitá nos salida for di e coshèt colonial racista di Statüt y e tapaqueshi macamba.

Simplemente pasobra e triángulo MIP no ta goza di popularidad na mundu. Tá importante sí pa mundu mira e vínculo estrecho qu Paisnan Abou tin como miembro di e triángulo.

Loque tá tumando lugá na Balcan entre Serbia y Kosovo, tin tur cos di aber cu nós. Tá e mesún receta di sémper di «divide et impera». Por lo tanto, si no por haña e bolo completo, aínda, anto ta cuminsá partié na pida. Den análisisnan na mundu, qu ta tuma lugá pafó di e tapaqueshi macamba, ta papia di balcanisashón. Tin mas concepto relevante manera gibraltarisashón (relashoná cu e enclave inglés na Gibraltar) y malvinisashón (relashoná cu e ocupashón inglés di Malvinas). Tin mas: Guantánamo, Iraq, Afganistán, etc., etc., etc. Además, si e triángulo MIP ta bai asina leu di hunga e wega geopolítico di «divide et impera» den curasón di Europa, ¿anto quico no ta spera nós?

E divishón di Antilla tá análogo na e procésonan aquí di política imperial colonial di balcanisashón.

Esaqui ta nificá qu mester conectá e guera colonial imperialista di e triángulo MIP cu e proceso di consolidashón colonial racial qu tá tumando lugá na Antilla. Tambe tá di sumo importancia qu nos vanguardia no ta uza e concepto recolonisashón mas y ta papia simplemente di colonisashón o consolidashón di e política colonial racial di tur tempu.

Tá posíbel exponé e política colonial racista macamba, si na un manera sistemático ta exponé e política colonial racista aquí na fóronan internashonal manera Nashonan Uní. Tá importante mantené un línea consistente en especial pa loque ta trata e diferencia di concepto entre recolonisashón y consolidashón di colonisashón. E grupo vanguardista tá suficientemente documentá pa por logra esey.

Un otro arma tá loque nós quièr llama « còrta abri e parti moli di bariga di e mònster» Cu esey nós a bisa tur cos. Esaqui tal bes, paradóhicamente, tá e arma mas poderoso den e totalidad. Pa razonan estratégico nós lo no detallá mas riba e punto aquí.

E último factor tá unidad.

Na promé lugá e declarashonan di Lionel Capriles. Lo a spera qu Capriles senior, nestor di e guardia bieu, lo a tuma un posishón conservativo y qu Capriles junior lo tábata esún qu lo a tuma un posishón mas progresivo.

A resultá contrali. Hustamente esún qu mas experiencia di bida ta mira e exactitud di independencia. Hustamente Capriles senior a analisá e situashón adecuadamente y cu precishón a determiná síntomanan di e pashènt. El a constatá «anemia» y «avitaminosis» a causa di presencia di parásito y chupasánguer macamba. Su diagnosis di e causa tá «nán no quièr nós mas». Su diagnosis «no menshoná», nós ta bis’é p’e, tá «colonialismo», «racismo» y «sentido di superioridad».

Después di a determiná e síntomanan di «anemia» y «avitaminosis» y a diagnosticá colonialismo como causa, Capriles a determiná e remedi corecto: Independencia.

¿Paquico? Pasobra e proceso actual tá un minashón peligroso y serio di mundu empresarial.

E remedi drástico: independencia

Capriles junior probablemente tambe a llega na e mesún determinashón di e síntomanan, pero tal bes tin miedu di haci un diagnosis exacto, pasobra ¿cua tá e remedi antó?

Rosaria.

Entre Capriles y Rosaria tin un relashón causal. Capriles su palábranan a revitalisá Rosaria.

Por lo tanto, aunque ta parce qu Rosaria tá posishoná den e «campo contrali», finalmente e tá un independentista. Por lo tanto, Rosaria tá un aliado, y un aliado balioso.

E mero echo qu independencia tá awor tambe parti di e vocabulario di un exponente di peso di mundu empresarial / bancario, y qu un político di peso tambe a mustra den e direcshón di independencia, ya tá remarcábel pa un cambio fundamental den pensamentu di e grupo élite.

Finalmente, antó, tá di gran importancia pa e «grupo» independentista forha un unidad y mantené su fílanan uní y huntu pa por guía Antilla na independencia.

Nós ta resumí, pa finalisá, e púntonan / condishonan mas importante den e lucha pa independencia:

1. E grupo Verdonk / Wilders como nos aliádonan
2. Un ampliashón di e base independentista
3. Constelashón geopolítico actual
4. Còrta abri e parti moli di bariga di e mònster
5. Unidad di independentista

Ora e cincu factornan aquí convergí den un solo punto di enfoque, y nós logra pone na pelíguer esún solo dios qu cada macamba ta adorá y venerá, y que e ta sintí qu esey tá na pelíguer, anto independencia tá un echo. Nán tá cobarde y lo sucumbí y lo declará loque nán a declará tempu di Surnam: mescos qu Antilla tin e derecho di autodeterminashón, Hulanda tambe tin e derecho di autodeterminashón. Por lo tanto nós lo duna Antilla su independencia.

Y nós lo bisa: nós tá eternamente gradecido qu por fin bó ta duna nós nos independencia.

Mientras nán lo gloria curpa tur día convencí qu nán tábata asina bondadoso di a duna nós nos independencia, nós sí sa mihó. Ma ya e necesidad di convencé nán qu no tá asina no tá necesario mas pasobra nós a libra di nán.

Paisnan Abou como ladrón di nos soberanía, no por duna nós nos independencia. Paisnan Abou como ladrón di nos soberanía méster reconocé nos soberanía.

Sin independencia nada tá posíbel. Cu independencia, en principio, tur cos tá posíbel.

PB

---

[1] Especialmente Occidente tá promoviendo un supuesto pacifismo ora p.e. ta duna honor na persónanan qu a lucha pa libertad / independencia di un forma pacífico manera Mandela y Gandhi. Nós méster tá consciente di un agènda dòbel. Es decir, un agenda qu bisa nós qu nós méster tá pacífico mientras nán, e triángulo MIP, sí ta sigui cu nan planan genocida na p.e. Iraq. Nán sí ta sigui bombardeá, invadí, exterminá y hòrta loque no tá di nán.

¿Pero nós tá consciente p.e. quico tá pasando na Sur África? Nós tá consciente qu pa mayoría abrumador, Joseph Zuma awor tin poder den ANC y qu e tá representando e mayoría qu probablemente tá wardando pa Mandela haci su último biahe pa cámponan elíseo pa asina «regla cuenta cu pasado»?

[2] http://www.un.org/News/Press/docs/2007/gacol3160.doc.htm

[3] Nós conocé páginanan-web importante den mundu latino y germano qu ta duna un contrapeso continuo y ta duna e otro banda di medalla di médionan di comunicashón manera CNN, Fox etc. Den mundu latino y germano tin suficiente, pa no bisa innumerábel documento disponíbel qu continuamente ya pone barbarismo na conocementu di mundu. ¿Unda e intelectualnan macamba tá qu ta haci mescos? Al contrario, nós tin di aber cu suhétonan manera Emmer y Oostindie qu sea ta falsificá historia o supuestamente ta tuma un posishón “neutral” y cu esey ta bisa qu e capítulo tá cerá. E «neutralidad» aquí ta haci’é cómplice di e amnesia general tocante historia colonial racista.

[4] Reize naar Surinamen, en door de Binnenste Gedeelten van Guiana, John Gabriël Stedman. E buqui aquí tá disponíbel na Biblioteca Público.

[5] Eduardo Galeano den su precioso trilogía Memorias del Fuego ta menshoná práctica macamba na Sürnam den apenas 3 pa 4 fragmento. Den un di nán e ta describí e práctica di còrta e tendón di Aquiles di catíbunan qu a queda capturá después di a hui. Esey tá tur cos. Sobrá tá amnesia, complicidad macamba y falsificashón di historia.

E bitácora aquí tá abrí awor pa reacshón. Tur reacshón tá someté na moderashón y solamente lo sali publicá si e "bitacorístanan" ta haña qu ta trata di un reacshón constructivo (no necesariamente mester tá di acuerdo cu nós).