«Qu for di awo Merca lo considerá humano como lo mas precioso na mundu. Por lo tanto, ami como presidente di Merca lo haci tur lo posíbel pa respetá bida humano».
Nos posishón pa cu Barack Hussein Obama no a cambia. Nós tá di opinión qu lansamentu di Barack Hussein Obama pa e élite mericano blancu tá un paso estratégico genial. Después qu nán a combertí Merca den un porquería, un hòmber pretu awor por bin limpié. Manera sémper. E criá, e mayordomo y e mercenario por bai haci e trabóu shushi.
Tal bes e binti áñanan qu Obama a sinta den banqui y a scucha reverendo Jeremiah Wright duné cátedra di e bèrdad brutal y amargo di historia di Merca, lo ilumin’é y, dentro di e márgenan qu e establecimentu germano mericano lo permiti’é, pocopoco lo trece e berdadero cambio qu mundu quièr mira: un Merca no imperial, un Merca no militarista, un Merca qu lo cuminsá respetá bida humano, qu lo cuminsá realisé qu nós tur ta bin di e mesun troncón, por lo tanto lo cuminsá respetá nós.
Nós no ta spera qu bó ta guía nós. Nós no a pidibu guía nós. Nós sa quico nós que y nós sa unda nós que bai. Lo único qu nós que tá pa bó humanisá, bira humilde atrobe y cai sinta banda di nós como rumán.
Qu su bon dios lo iluminé.
Papiamentu Bibu
******
No hay comentarios:
Publicar un comentario