Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

3/10/2010

BES Anexá

Makamba a logra un paso importante den nan afán di anexá teritorio antillano. Diferente proyecto di ley referente na BES a pasa parlamento makamba.

Una  bes BES anexá, separashón, loque llama seceshón, tá un asuntu extremadamente complicá y difícil. Especialmente na Boneiru makamba lo bai crea un mayoría demográfico qu lo haci calque referéndum pa seceshón y posteriormente independencia prácticamente imposíbel.

Pa diferente motibu makamba a as riba Boneiru. Nós lo nombra algún di nán.

1.       Cu BES makamba a adquirí teritorio regalá. Teritorio sémper tin balor. Makamba a hañ’é pòrnada. Caminda tin cos regalá, makamba ta promé den rei.

2.       Cu expanshón di teritorio makamba a adquirí espacio vital  for di cua por sigui expandé. Nazinan a llam’é Lebensraum. BES no tá solamente BES, sino tambe áwanan marítimo y zona económico exclusivo.

3.       Cu un aumento considerábel na especialmente áwanan marítimo y zona económico exclusivo, makamba a adquirí, aunque di manera ilegal, acceso sin límite na biodiversidad, rútanan marítimo, gas natural tantu den lamán Caribe como rònd di Saba na Sababank.

4.       Awor qu indiscriminadamente por explorá teritorio antillano anexá, lo no tin ningún instancia nashonal o internashonal qu lo vigilá loque e pirátanan aquí ya tá haciendo cuátershen aña: HÒRTA.

5.       Ora resultá problema cu Còrçáo y Aruba, y nan ocupashón llega un su fin, sémper bai ta queda Boneiru como base de operashón tantu den sentido financiero, económico y militar. Lo transferí e base militar di ocupashón pa por sigui qu nan guéranan di conquista.

6.       Boneriano lo tá un bia mas criá y mayordomo di shon makamba.

7.       Tá un proceso di exterminio lento di boneriano. Lo no tarda mashá qu e boneriano manera nós conocé awor, pronto lo no existí mas simplemente pasobra makamba ta bai haci tur lo posíbel pa expulsá mayoría boneriano for di nan mes cas.

Ma mientras nós tá lesando noticia tocante BES relashoná cu introducshón di leynan pa regulá aborto, eutanasia y matrimonio entre persona di e mesún sexo, algu a cuminsá clara cerca nós.

Nós tá opinión qu sémper méster respetá bida y qu tá tarea di cada unu di nós na mundu pa respetá bida. E mas, bida sémper ta bale la pena, bou di calque circunstancia. No tá un punto di bista for di algún dogma religioso, sino simplemente for di un punto di bista humanístico. Nos bida tá lo mas precioso qu cada unu di nós tin.

Bou di pretexto di humanismo, makamba a comercialisá bida humano. Y nós no tá papiando di comercialisá bida humano manera nán tá haciendo ya cuátershen aña, sino eutanasia. Eutanasia no tá nada mas qu un pretexto pa controlá gastu di cuido di hende. A comercialis’é di tal manera qu a crea céntronan caminda especialmente hende grandi ta queda eliminá, pa por baha y controlá gastu. Nós tá laga descripshón di e práctica nauseabundo y maligno aquí pa otro momento.

Igualmente nós ta còrda, durante nos exilio na Makambalandia, qu nós a tuma nota di un buqui qu tábata sirbi como manual, especialmente hende hoben, con mata curpa. O sea cua tá e mihó manera di cometé suicidio. Nós ta sigui insistí: Bida bou di calque circunstancia ta bale la pena.

Considerando lo anterior y considerando makamba su «blachi di bida» di e último cuátershen áñanan, a cuminsá clara cerca nós qu e purá qu makamba tin pa introducí e leynan ariba menshoná, tá pa precisamente crea e céntronan di eutanasia.

Lo crea e landfillnan humano makamba aquí tras di fachada bunita pa dehací di bida humano. E práctica aquí al fin y al cabo no tá diferente for di e práctica nazi di exterminio di hudíu.

Cu argumento nós a scirbi den pasado qu nazismo no a nace den a cámponan di concentrashón na áñanan cuarenta di silgo pasá, sino den e cámponan di concentrashón na entre otro Quenepa y Santa Cruz. E makámbanan qu tá haciendo tur lo posíbel pa anexá BES, ta fiel y legítimo heredero di nan pasado colonial raSSista nazi.

Loque ta haci crimen aquí pio tá, qu diferente di nós pa ignorancia, pa comodidad, pa interes propio y pa puru tapaqueshi makamba den cabés a desampará nos otro rumanan antillano y tá permitiendo makamba anexá BES.

Esún qu ta concedé makamba beneficio di duda, ta cai den trampa.

Papiamentu Bibu


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

No hay comentarios: