Makamba a posishoná artillería

Awe nós ta sigui riba elecshón 2010. Tá necesario realisá nós algún asuntu.

1. E colonisadó opresor rassista tá spantá. Den su reacshón como gañadó compulsivo y trocedó di historia, e por reacshoná di dos manera. O e ta reacshoná demostrando inseguridad, o e ta tene su pulso tranquil y sin ningún clase di emoshón e ta reacshoná controlá. Cu e último variante aquí nós tin di aber cu e makamba colonial rassista. Rara bes un makamba ta pèrdè còntròl. E caso mas notábel tábata Balkenende día a pon’é sali for di WTC bai sconde den su bastión militar colonial na Parera rondoná pa su terorístanan militar makamba. Den su reacshón durante e rueda di prensa, e tábata notablemente iritá, descontrolá y for di base.

2. Ofensiva makamba tá tumando lugá, sea pa makamba mes o nan representántenan colonial local. Nós por nombra algún.

A. Ya nós a menshoná drechamentu di algún bario. Esaqui tá tumando lugá den estrecho relashón di quièr rebibá e aura di estadista, di mama di nashón di colaboradó colonial De Jongh-Elhage. Además, si nós sigui pensa riba e asuntu aquí, ta llama atenshón qu un proyecto na nivel insular y específicamente di e cartera di Godett, awor ta cai bou di coordinashón di otro diputado (si nós no ta herá Jacoba). Por lo tanto a hala Godett un banda.

B. Na di dos lugá a lansa e ofensiva di supuestamente bai combatí fuga di celéber cu e insulto di 1.6 millón. Tambe tá otro acto di quièr crea un bon imagen.

C. Na di tres lugá makamba, obviamente den colaborashón cu nan representante colonial local Bibalargu, ta bai promové un «Taalunie» pa papiamentu. Bibalargu ta cera un acuerdo cu makamba Pishifuerte. E mesún Pishifuerte aquí aña pasá a declará qu idioma makamba tá e «cemènt» (por cierto un prostitushón di idioma qu realmente ta nificá un arma di opreshón) di su supuesto reino makamba. Por lo tanto, e tá contradiciendo su propio palábranan. Por lo tanto, su intenshón di promové papiamentu tá falsu y hipócrita.

D. Na di cuáter lugá e ofensiva makamba di quièr eliminá, lubidá pasado, nan pasado colonial rassista nazi genocida. Nan pasado y presente genocida, di apartheid. Y asina nós por sigui. Riba e asuntu aquí, nós lo dedicá algún capítulo aparte qu no tá nada otro qu ripití loque ya nós tá scirbiendo pa mas qu dos aña.

3. Por último e promé encuesta qu a sali awe. Un encuesta ehecutá pa dos compañía makamba Stradius Media (e yu di tera como director tá un capa. Observá quen tá e «proxy holder») y Dragonfly Media. Nan dátonan na Cámara di Comercio tá Stradius y Dragonfly. Nán tá financiá pa e corant makamba colonial AD y Extra, qu tin un posishón cla na fabor di e opshón Colonia Plus. Por lo tanto, e «ménage à quatre» di dos compañía makamba, un corant makamba colonial y un corant local na fabor di dominio colonial profundisá no tin nada di independiente, ni imparcial. Tá bon còrda qu e mesún corant makamba AD riba e día di referéndum na mei pasá, contra tur ética y regla, e publicá resultado di un encuesta makamba qu lo a duna opshón Sí (Colonia Plus) un bentaha di 24% riba opshón Nò (Colonia), como último reacshón colonial convulsivo pa trata di influenciá y manipulá resultado di e referéndum.

Makamba y nan secuasnan, nan colaboradornan colonial local a posishoná nan artillería y a cuminsá tira. Nós ta quere qu, aparte di loque nós a bisa ayera tocante e imagen di supuesto mama di nashón y supuesto estadista intachábel, nós no méster cai den detalle y pleitamentu pa cos qu no ta di asina gran importancia. No méster laga nán seducí nós den cai den redu, den còmbersashón di snack. E colaboradornan tin diferente forma di quita atenshón for di esencia di e asuntu. Nán lo haci hopi uzo di e trámpanan qu llama Gomez y Sulvarán y asta Bibalargu (pa algu ta bai nombra Bibalargu líder di campaña) cu nan cangamentu di saya, pa protehá reina di e colmena qu tá De Jongh-Elhage. Bibalargu tin dos cartera pisá. ¿Con e ta haci carga un campaña sin neglishá su cartéranan? Tá algu pa pensa ariba como táctica di batalla. Méster considerá tur opshón, tur posibilidad y sigui tira despiadadamente, sin considerashón. Dominio colonial rassista nazi makamba tá coriendo pelíguer y lo resultá con qu bai bin den independencia. E derota 48%/52% a demostrá esey. Makamba den pèrtá lo haci tur cos posíbel pa por mantené y profundisá nan gara colonial rassista di nos cas.

Como último nós quiér consehá paga tinu riba cada unu di nós su seguridad personal.

Nós lo triunfá.


Papiamentu Bibu


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).