Awe Elis Juliana ta cumpli ochenta aña. Un octogenario di un solo carácter cu mil cara qu a sambuyá den cultura entre diferente continente.
Di mucha tábata ‘obligatorio’ scucha Ompi Elis su cuéntanan na radio — tur cos mester a para pa scucha — qu sin duda a laga plantá e similla y amor pa papiamentu qu awendía ta duna bida na Papiamentu Bibu.
Mashá tin scirbí caba y asta, danqui-dios, tin un website dedicá na Elis Juliana. Tur mérito pa sra. Clemencia.
Lo mi quièr adishoná solamente un nota personal:
Elis Juliana a salba nos di amnesia cultural y histórico pasobra su trabou arduo huntu cu Brenneker, a percurá duna nos un sentido di tin rais, un consenshi di quen nos, di unda nos ta bin. Ma na mes momentu su 'excurshonan' pa otro cultúranan tambe tábata indicashón di un spiritu universal y no solamente fihá riba loque tá 'di nos'.
Awetardi e yunan lo tá presente na Biblioteca Público pa por mira y cerá conocí cu e hòmber qu a hunga un papel asina importante den forha papiamentu di Papiamentu Bibu.
Nos deseo tá qu Elis Juliana lo tá pa mashá aña mas cu nos.
Papiamentu Bibu
No hay comentarios:
Publicar un comentario