Den fin di simán qu a pasa, pa tá exacto 12 di òctober, a conmemorá na Venezuela Día de la Resistencia Indígena, día qu supuestamente a descubrí America y inicio di un genocidio di parti di europeo di puéblonan inján y africano qu no conocé ni algu semehante den historia di humanidad. Y sí, calque unu tá di mas y totalmente inaceptábel, pero Shoah no tá excepshonal, ni único. Shoah a dura algún aña cu seis millón asesinato di parti di germánonan, cu complicidad y participashón europeo y mericano, en particular makamba cu nan NSB. Y ora ta papia di Shoah, ta lubidá otro 5 pa 10 millón di romani (gitano), sinti (gitano), polaco, ruso, homosexual y otro oponente religioso y político qu tambe a fallecé den e teríbel, nefasto y infausto cámponan di concentrashón nazi. Ma pió tábata loque a pasa na América Latino y Caribe. Mientras Shoah hudíu a dura algún aña, nos Shoah a dura algún siglo, cu alrededor di 150.000.000 pa 200.000.000 asesinato. Y mientras nos rumanan hudíu ― e Levi-nan, e Salomon-nan y ótronan ― después di di dos guera mundial aínda tábatin memoria, tábata sa quen nán tábata, tábata còrda nan nòmber y tábata còrda di unda nán tábata bin, cerca nós den e cámponan di concentrashón después di algún generashón nós no tábata còrda mas di unda nós tábata bini y con nós tábata llama. «No por compará nán cu otro» makamba sa bisa. Pseudo-científiconan manera Oostindie pa complicidad ta refutá qu por llamé genocidio. Esey tá su asuntu. Nós ta haña qu tá un genocidio, anto e tá un genocidio. Sí, shoah hudíu no tá comparábel cu esún di nós, pasobra e tábata pió. Finalmente nós no ta carga cu e asesinato di seis millón hudíu riba nos consenshi. Al contrario, nós tá e descendiéntenan di nos propio Shoah.
Precisamente e simán aquí riba e página-web di Rebelión ta sali un artículo relashoná cu sionismo: Desmitificando el sionismo.
Y nós ta queda bisa qu nós tá e descendiéntenan di un shoah pió qu esún hudíu, no pa ofendé nos rumanan hudíu, sino pa mira si bou di e vèrnis fini ey, e casca delegá ey di hipocresía y mentira makamba, makamba aínda tin un crenchi di consenshi, un crenchi di bèrgüenza. Nós no tin speransa. Finalmente e palábranan aquí tá dirigí na nos compatriótanan pa yuda nán sali for di e Tapaqueshi Makamba.
Pues, nós ta tene nós relato awe còrticu pa presentá un video di Conmemorashón di e Día di Invashón, antes llamá Día de la Raza (¿cua rasa?), qu awor llama Día de la Resistencia Indígena.
Finalmente nós ta pidi nos rumanan cristián den lucha enfáticamente mira e video aquí y especialmente pa paga tinu riba e discurso di diputada Nohelí Pocaterra, ora den e segundo mitar di su discurso e ta referí na penetrashón seudo-religioso yanki (y naturalmente makamba) di parti di seudo-séctanan na América Latino (y naturalmente Caribe) como arma pa nubla y controlá nos mente y obviamente nos combatividad. Tá un variante mas di e Tapaqueshi Makamba. Tá un proceso qu ta pone qu nós no ta mira realidad cla. Nós, te e día di awe no quièr a mishi cu e punto aquí, consciente qu no tin tópico mas problemático y divisionario qu religión. Algu parecido ta pasa cu Israel y sionismo. Esún qu atacá Israel sionista pa su crimenan contra pueblo palestino, «automáticamente» tá un antisemita. Tá otro ehèmpel di «Mundu Contrali». Sin embargo a llega e ora qu poco-poco nós ta atendé cu e punto aquí pa clara cierto punto pa nos héndenan en general y nos rumanan Cristián en particular. E palábranan di Nohelí Pocaterra tá e promé impulso.
Específicamente min 17.05 di video no. 5. Pocaterra su palábranan:
Advertir y denunciar la agresiva invasión colonial de sectas seudo-religiosas norteamericanas por parte de las viejas y nuevas teologías de dominación hacia los pueblos indígenas del mundo.
http://vtv.gov.ve/videos-emisiones-anteriores/24802
Papiamentu Bibu
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario