Den Antilliaans Dagblad (AD) di diabièrnè 15 di mei, riba día di referéndum, ta sali resultado di un encuesta qu ta duna Sí un bentaha di 24% riba Nò.
E encuesta ta tuma lugá riba orden di UDC, University of the Dutch Caribbean.
Contra tur regla di ética e corant macamba aquí ta saca un encuesta hustamente riba día di referéndum. E corant AD den su complicidad ta cooperá pa publicá e resultádonan di dicho encuesta.
Referéndum ta tras di lomba y e diferencia entre Sí y Nò ta resultá di tá apenas 4%, y no 24%.
Un encuesta serio, representativo y basá riba parámetronan científico di probabilidad, no sa desviá dramáticamente for di un resultado final. E salto di 24% pa 4% riba e mesún un día qu referéndum ta tuma lugá, tá mas qu sospechoso. E ta duna indicashón di complicidad, tantu di parti di UDC como di AD.
E complicidad entre nán dos ta queda comprobá su dialuna (ayera) den AD. Riba página 2 dicho corant ta laga UDC na palabra pa «splica» qu «hopi partidario di Sí no a vota». ¿Con nán por sa esey? ¿Acaso nán, UDC, a laga haci un encuesta entre diabièrnè y ayera?
Cómplice di UDC tá precisamente e corant qu a permití UDC publicá «resultado» di 24% riba día di referéndum: AD. Un complicidad qu AD ta confirmá permitiendo UDC bin «splica» qu «hopi partidario di Sí no a vota» sin ningún base. Jis pa hustificá e eror bárbaro y asina tapa nan complicidad.
AD tá cómplice den manipulá, distorshoná, intimidá pa por logra un resultado bentahoso pa Sí.
E único cos qu nós tin qu haci ta pone na evidencia, descubrí loque macamba tá, ya pa cuátershen aña.
Papiamentu Bibu
No hay comentarios:
Publicar un comentario