Nós méster tá manera Elegua ora nós tin di aber cu colonial racista macamba. Ora e ta quere qu e ta sali otro caminda, ey nós tá pará wardando riba je, pasobra promé qu el a nace, ya nós sa con e ta pensa y quico e ta bai bisa.
E actitud y pensamentu colonial racista macamba di awendía no ta diferenciá for di e actitud colonial racista di e último 350 áñanan.
P’esey ya pa algún tempu nós tá bisando qu Wilders, Brinkman y Verdonk ta papia idioma cla. Sin bira rònd. Sin zíquinza. E pelíguer di farsa y engaño tá formá pa esnán qu ta papia di stima Antilla y antillano, esnán qu ta papia di reino hulandés, di igualdad di reino hulandés, Statüt etc., etc.
Nós a duna algún día pasá un manual di guía den forma di un escala cumulativo qu nós a llama Síndrome Colonial Racista di Superioridad den e artículo Perfil Sicológico di un Racista. Tambe nós a duna, den forma di ehemplo, con e escala por determiná un racista macamba.
Nós ta bolbe pone nán aqui pa refrescá memoria:
1. Negatio
2. Indignatio
3. Inculpatio
4. Concessio
5. Indiferentia
6. Iactantia
Den e artículo aquí, nós lo duna un ehemplo concreto —usando un escrito den un di nos corantnan— con disecá un racista a base di su mes palábranan.
Den Amigoe di diahuebs 13/3/2008 a sali un remetido di ningún hende menos qu e controversial filántropo Gelt Dekker. E remetido tábata titulá Intimidatiemanagement. Aqui na hulandés, como excepshón, nós lo pone e texto integral pa esnán qu no a logra lesé:
Intimidatie is een machtig managementgereedschap, al eeuwen in gebruik bij beide zijden van de maatschappij. Angst voor represailles gebruikt de manager om zijn wil te laten geschieden: de ‘carrot’ maar vooral de ‘stick’!
De oppositie van het slotakkoord aarzelt niet om zo veel mogelijk intimidatie te gebruiken om haar, tot op heden mislukte pogingen, de hervormingen in ‘roversnest’ Curaçao tot staan te brengen.
Ik behoor tot die groep die meent dat de oppositie willens en wetens, en geheel te kwader trouw, het publiek misleidt met vervalste informatie en ongepaste, tot zelfs criminele, intimidatie, alles slechts gevoed vanuit een poging hun eigen bevoorrechte positie in een door en door corrupte samenleving, waarbinnen geen gelijkheid van rechten, plichten of kansen voor iedere burger bestaan, te handhaven.
Intimidatiemanagement is met het stijgende ontwikkelingsniveau van de burger steeds minder effectief en productief gebleken. In onze moderne maatschappij werkt het alleen nog een beetje op korte termijn. Intimidatie heeft in een beschaafde samenleving plaatsgemaakt voor samenwerking en overleg, gebaseerd op wederzijds respect.
Uitgerekend de oppositie van Curaçao, die naar buiten eens uitdroeg voorstander te zijn van een democratie, waarbinnen eenieder gelijke rechten geniet, kan zich nu handhaven met intimidatie. Zo zijn de socialistische strijders van voorheen, verworden tot de neofascisten van vandaag.
Te aqui Gelt Dekker. Tal bes algún di nós lo pensa qu tá atrobe un di su diatríbanan di custúmber. Por lo tanto, no méster duné atenshón. Atenshón ta dun’é si scirbi un remitido den e mesún corant. Esey nós no tin pensá di haci. Ya nós a pèrdè demasiado tempu cu macamba. 350 aña caba. Tá basta. Tá ora pa nós mes atendé cu otro. E caso Gelt Dekker tá nada mas qu un pathologicum qu ta bale la pena analisá, y asina comprondé e mecanísmonan di racismo macamba. Awor nós tin nán den «couchi» pa observashón.
Loque Gelt Dekker tá bisando no ta diferenciá for di e lenguahe di Wilders, Brinkman y Verdonk. E diferencia tá, qu e ta trata di hacié di un forma camuflá, no abrí. Esaqui tá característica di racismo macamba: hipocresía.
Gelt Dekker tin razón, ora ta trata di intimidashón.
Intimidashón ta nificá qu tá menasá cu violencia. Tá nificá qu e intimidadó tá un persona violento. Y esaqui tá loque hustamente a tuma lugá bou di colonialismo y racismo macamba: pa mas qu 300 aña ta aplicá violencia y intimidashón pa priva un pueblo di su libertad y su dignidad.
Awendía intimidashón colonial racista a alcansá e nivel qu ta haci qu violencia no tá necesario (mas), pasobra e intimidado sa qu e intimidadó tá violento.
E intimidado a internalisá intimidashón y a bira permanentemente manehábel. Pues mientras ta parce qu e intimidado ta pensa, haci y dicidí conforme su propio boluntad, en realidad e ta actua manera catibu.
Por papia di intimidashón a còntròl remoto. Intimidashón a bira un «presencia» permanente pa e intimidado.
Tábata posíbel logra esaqui cu un ehecushón sistemático, prolongá, intensivo y sin compashón di violencia criminal. Esaqui a tuma lugá na e notorio «plantáshinan», qu nós a duna nan nòmber berdadero: campo di concentrashón.
E proceso aquí a queda institushonalisá pa e opresor/intimidadó y e oprimido/intimidado y internalisá pa e oprimido/intimidado. E internalisashón aquí a conducí na un penetrashón di intimidashón den forma total, o totalitario: esaqui tá un di e métanan principal di fascismo. El a penetrá den tur fibra.
Esaqui tá berdadero maneho di intimidashón di colonialismo racista di Paisnan Abou na Antilla, den su berdadero contexto.
E ta haña expreshón como práctica di violencia colonial racista di parti di macamba como grupo y na nivel personal di macamba pa cu antillano.
Un caso concreto tá e caso di Joran van der Sloot.
Esún qu a sigui e caso aquí, por a determiná e forma con e ta papia di su amígunan (catíbunan) Kalpoe. Ademas, no tin fin di huzgué, mientras e caso tá obvio. Nós ta referí na e artículo Caso van der Sloot den contexto.
¿Con antó méster interpretá qu Gelt Dekker tá acusá «nós» di intimidashón? Pasobra esaqui tá e fase tres di e scala cumulativo: Inculpatio. Es decir, e ta bòltu e argumentashón, y culpa «nós» di intimidashón. Esaqui tá idéntico na e caso di e ladrón qu ta grita «¡gara e ladrón!», o e criminal qu ta grita «¡gara e criminal!», o e asesino qu ta grita «¡gara e asesino!», o e genocida qu ta grita «¡genocidio!».
Den a artículo Perfil Sicológico di un Racista, nós a bisa qu e escala tá cumulativo. Por lo tanto, cada fase ta implicá esún o esunan anterior.
Gelt Dekker ta haci su acusashón cu un rabia, un odio qu casi e no por disimulá: Indignatio.
E tá asina indigná qu e no ta logra sconde su rabia y odio.
Y esaqui e ta haci den e convicshón qu e mes no ta aplicá maneho di intimidashón: Negatio.
Na e di cuáter fase di e escala, Consessio, Gelt Dekker no ta llega pa su falsedad, mendacidad, insinceridad y hipocresía.
Esaqui tá parti di maneho di intimidashón: papia tapá, cu eufemismo, no franco y no cu carta abrí.
Manera nós a bisa anteriormente, e proceso di intimidashón a queda institushonalisá pa e opresor/intimidadó y e oprimido/intimidado y internalisá pa e oprimido/intimidado.
E internalisashón aquí a conducí na un penetrashón di intimidashón den forma total, o totalitario: esaqui tá un di e métanan principal di fascismo. El a penetrá den tur fibra.
Atrobe Gelt Dekker ta aplicá Inculpatio: e fascista ta acusá nós di fascismo.
Tá necesario coregí Gelt Dekker. Fascismo, manera diseñá pa Mussolini tábata un sistema totalitario basá riba superioridad cultural.
Nazismo, en cambio, tábata algu totalmente diferente, pasobra su fundamento tábata superioridad racial. Pero manera nós a llega di bisa: Nazismo no a nace na áñanan 30 di siglo pasá, sino muchu antes, pa mas qu treshen aña pasá, den e mundu infrahumano di cámponan di concentrashón qu Paisnan Abou a diseñá den su colónianan na Indonesia, Sürnam y Antilla pa deshumanisá hende.
E mundu ey no tábata un mundu común y coriente cu algún plantashi den periferia, sino un sistema di campo di concentrashón qu den forma di economía di campo di concentrashón como proceso económico di producshón, tábata origen y aínda tá e origen di nan edad di oro; un edad di oro qu a producí y aínda tá produciendo billones y billones di florín pa macamba.¿Paquico antó e exploshón di rabia y odio di Gelt Dekker? ¿Paquico su Negatio, su Indignatio y su Inculpatio? Pasobra den e dialéctica di opresor/intimidadó y oprimido/intimidado, cos no ta cana mas manera e que: catibu sumiso y sin boluntad propio tá pasando pa historia. E ta sinti qu su còntròl pocopoco tá llegando na su fin. Tá e último convulshón di e colonial racista qu tá perdiendo còntròl. Su ilushón di superioridad racial a dòl bira locura di superioridad racial. E, e opresor/intimidadó, ta acusá nós di intimidashón y fascismo: Inculpatio.
Y den e locura ey di superioridad racial, e ta crea su propio mentira patológico, pasobra:
Mientras shon tá mas shon, catibu tá mas catibu.
Mientras cada bes mas y mas shon ta laga cos na catibu pa haci, mas catibu ta bira shon.
Mientras mas shon tá presu den su locura patológico di superioridad, catibu ta bira mas líber.
E acusashón qu Gelt Dekker ta haci tocante corupshón, nós ta laga pa otro «descarga» di Perfil Sicológico di un Racista.
Cua caminda qu e spiritu racista colonial maligno ta tuma, cua salida qu e ta quere qu l’e por tin, Elegua sémper lo para wardé.
Papiamentu Bibu
No hay comentarios:
Publicar un comentario