Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

2/25/2009

Wilders (3)

Esaqui tá por lo pronto e último artículo riba rassissta Wilders. Algún asuntu tá importante pa nós no pèrdè perspectiva riba e persona Wilders y cu quen realmente nós tin di aber.

Wilders a llega di menshoná qu méster bende Antilla na findishi. For di punto di bista macamba, obviamente no ta regalá nada. ¿Pero tá bèrdad loque rassissta Wilders a bisa? Su secuás Brinkman continuamente ta vociferá e idea aquí.

Tá importante realisá nós qu Wilders no tá jis un político di segundo rango o un macamba sin nada mas di equipahe qu su indecencia desbordando for di su boca, ofendiendo hende, confundiendo franquesa cu indecencia. Wilders no tá Brinkman. Brinkman tá e sòldá qu nan ta manda frente di batalla. Brinkman den concepto nazi, tá e SA, Sturmabteilung, e grúponan di asalto qu Alemania nazi tábata uza pa agredí eliminá esnán contra nán. Por lo pronto Brinkman ta asaltá verbalmente. Wilders tá élite, Wilders tá e líder. E líder ta queda den fondo observando.

¿Quen tá Wilders? Promé qu nós contestá e pregunta aquí, tá importante determiná su raisnan político. No ta interesá nós di cua famía e ta bin, o si el a bai tal scol o biba den tal bario. Loque nós quièr men tá cua tá su cuna político.

Wilders ta bini directamente for di e nèshi (ultra)derechista VVD. Y e partido ey, qu sémper bai tábata y tá íntimamente ligá na mundu empresarial macamba, tá un partido qu tá na promé lugá mira pa y vigilá interés macamba local y internashonal.

Den política macamba tur partido obviamente ta mira pa interés macamba. No tin diferencia entre supuesto izquierda y derecha. Día di Declarashón Final no tábatin diferencia entre izquierda y derecha. Un bloque macamba a forma, bou di mil y un pretexto hipócrita, ma un bloque. Interés macamba na promé lugá. Pa macamba e asuntu aquí tá serio. Si bó mishi cu su interés, bo ta mishi cu su esencia. E único diferencia tá qu algún partido manera VVD y CDA tá mas pronunciá y e ótronan, hipócritamente, tá menos pronunciá. Por lo tanto, basá riba e concepto ey, qu interés macamba tá e único rasón di existencia di un macamba, simbolisá pa cèn, pensamentu macamba tá totalitario, di izquierda pa derecha. E diferencia entre fascismo como ideología totalitario abyecto y nazismo tá qu nazismo tá basá riba superioridad racial, manera ya macamba e bin ta exponé y practicá durante e último 3 siglo y pico.

Esaqui tá tambe e único rasón di existencia di Wilders: su interés. Wilders ta sali directamente for di un partido qu tá mas qu consciente di loque interés macamba ta nificá, den tur sentido di palabra.

Wilders recientemente a tene su promé manifestashón político público. Mashá hende a acudí. Wilders cu su partido PVV na e momento aquí ta ocupá e di dos lugá den encuesta cu 25 asiento, apenas 2 asiento tras di CDA.

Wilders, mescos qu Fortuyn e tempu allá, tá loque nós a formulá anteriormente den e artículonan Wilders y Wilders 2: E tá portabos pa un gran mayoría. Como excepshón un artículo recién den Volkskrant: PVV zegt wat velen denken.

E pregunta tá, si nós considerá loque continuamente Brinkman ta vociferá tocante Antilla, si rassissta Wilders lo quièr bende Antilla. Obviamente for di nos punto di bista no ta papia di bendementu di Antilla, sino di tres pilá di e proceso:
1. Transferencia di poder
2. Reconocementu di nós soberanía
3. Indemnisashón / Aceptashón di culpabilidad pa casi cuáter siglo di colonialismo, ocupashón, sclabitud, explotashón di e colonisadó rassissta.

Pero, laga nós ripití e pregunta: ¿Wilders lo tá dispuesto di «laga» Antilla bai asina-asina?

Nós sémper a bisa: un pueblo manera esún macamba qu ta lanta y bai drumi, soña y biba pa placa, no ta ocupá y colonisá un teritorio si no tin beneficio. Nós tá importante pa nán. Nós ta bolbe ripití e tres rasonan qu macamba tá ocupando teritorio antillano:
1. Teritorial (terrestre / marítimo / zona económico exclusivo)
2. Económico / financiero (como Antilla y como puente for di unda tá operá pa
tin acceso na e vasto y inmenso teritorio caribo-latinoamericano)
3. Militar / geopolítico (como miembro / vasallo di e compleho militar huntu cu Merca y Inglatera dénter di e hermandad blancu germano)

Nós ta bolbe ripití e pregunta: ¿Wilders lo tá dispuesto di «laga» Antilla bai asina-asina, conociendo su origen, su cuna político?

Nos contesta tá: No.

Nós ta quere qu lo e, na mil y un disfrás, trata di hinca Antilla den algu manera un mancomunidad qu atrobe e figura «mitológico» di nan reina qu nos héndenan, como un tipo di droga bou di e tapaqueshi macamba, tin qu adorá mientras ta uz’é como capa pa prácticanan colonial rassissta pernicioso y abyecto.

Papiamentu Bibu

*****************

No hay comentarios: