Ofensiva Macamba

Macamba a drenta den e siguiente fase di ofensiva pa loque ta trata e próximo referéndum. E simán aquí a sali diferente artículo den corant cu un mensahe cla: Si NÒ gana, anto ta para tur proceso di saneamentu di debe. Es mas, e supuesto partido di izquierda SP (Partido Socialista / SP pa su síglanan) asta a proponé para tur canal di cèn den direcshón di Còrçáo o Còrçáo méster bira independiente. No solamente tá tratando di manipulá y menasá, creando un ambiente di pánico y miedu (cu independencia y cera cranchi di cèn)), sino pa colmo e posishón di mas extremo no ta bini di política macamba derechista, sino di supuesto política macamba izquierdista. ¿Quico e último desaróllonan tá indicando?

Tá imperioso sa e raisnan di SP, en breve. E SP-eístanan di awendía, especialmente e guardia bieu, tábata e maoístanan (según teoríanan revolucionario di Mao) supuestamente extremo pa quende izquierdismo no tábata suficientemente izquierda, contra democracia, parlamentarismo y burguesía. Nán awendía tá e regéntenan, alcalde aqui y alcalde alla, político aqui y político alla. O sea totalmente burgués. Y nán no ta papia di bèrgüenza y infamia di colonialismo, opreshón, racismo y genocidio, sino di «si bó no haci loque nós quièr, anto….». Más colonial no por. E izquierdístanan di antaño entre tantu a para bira e derechístanan di awendía. Esaqui tá un ehemplo clásico di polderismo: Polderismo tá e acto di engaño y hipocresía macamba pa falta di principio qu tin oportunismo como consecuencia máximo. Pues, esún qu ta practicá polderismo, tá e oportunista qu ta busca consenso pa su mes mayor beneficio. ¿Paquico? Pasobra e esencia di macamba tá placa. Esún qu ta comprondé esey, tin e llabi di tur misterio macamba.

SP a pèrdè un parti sustancial di su electorado cu PVV. ¿No tá notábel qu un partido supuestamente izquierdista ta pèrdè votadó cu un partido di extremo derecha?

Paisnan Abóu no conocé izquierda. Tur tin qu tira liña den e mesún saliña electoral racista. Cu su extremismo SP méster laga su electorado mira qu e tá den bon man cerca je tambe y qu no tin ningún necesidad di muda bai PVV.

Tábata SP, mashá tempu promé qu Jan Maat, Fortuyn, Wilders y Verdonk, trinta aña pasá caba, qu a bisa qu obrero strañero méster sea adaptá o laga cai.

¿Pero paquico ta hiba e debate aquí na un nivel cu asina tantu riesgo político? Paquico e «sino fono» colonial macamba aquí? ¿No tá tratando di un referéndum consultativo, por lo tanto un referéndum sin ningún clase de consecuencia hurídico?

Algún punto:

1. Tantu den caso di un NÒ o un sí, e colonisadó por bisa qu tá un referéndum consultativo, por lo tanto sin consecuencia legal. P’esey e referéndum tá consultativo en caso un NÒ lo por gana. Den caso den un referéndum obligatorio, e consecuencia pa nan interesnan tá enorme.
2. Un NÒ den caso di un referéndum consultativo tá un derota político y moral. Por lo tanto, tambe ta trece nán den problema serio y ta pone nan interesnan na pelíguer.
3. E reacshón extremo macamba aquí tá motivá pa e colonisadó su miedu subconsciente y latente pa represalia hustamente pa motibu di su maldad a través di casi cuáter siglo di colonialismo, opreshón y explotashón. Como colonisadó bó por tá con poderoso y arogante qu bo quièr, e día di regla cuenta lo llega.

Tá p’esey qu nán tá hungando e wega di riesgo aquí, pasobra un NÒ tá un derota y lo nificá comienso di fin, pa macamba su colonialismo y dominio colonial racista.

Papiamentu Bibu


********************