TOCANTE E CONCÉPTONAN PÁIS Y CONSTITUSHÓN: Mundu Contrali

Tin be méster busca un splicashón pa cierto comportamentu humano, sin qu tur ora tin unu na man. Esaqui tábata e caso ora nós a lesa den corant e siguiente expreshón di diputado Jesus-Leito:

«Nos konstitushon ta bai mas leu ku “grondwet” hulandés»

Nós a scirbi ya diferente be:

E concepto constitushón tá solamente reservá pa un país independiente y soberano. Di ningún manera por uza e concepto constitushón den nós contexto colonial feudal. Ni masque bin cu un definishón manera Jesus-Leito a trece. Según Jesus-Leito e palabra constitushón ta nificá e ley, o conhunto di ley mas importante di un PAÍS.

Jesus-Leito tá contradiciendo su mes definishón. Pa por determiná loque Jesus-Leito tá bisando, méster cuminsá definí promé e concepto «PAÍS».

¿Na qui momento por considerá un entidad como un país? Es decir, cua tá e atribútonan di un país?

Pa no haci nos bida difícil, nós ta cita for di Statüt, artículo 3 qu tá formulá e supuesto responsabilidadnan di reino makkkamba qu no tá nada otro qu atribútonan di un estado independiente y soberano. ¿Cua tá e atribútonan?

Defensa

Nashonalidad

Relashonan Exterior

Na e lista aquí nós lo quièr adishoná membrecía di Nashonan Uní.

Ora nós bisa reino, nós ta bisa makkkamba. Por lo tanto ora nós bisa responsabilidadnan di reino, TÁ UN MENTIRA pa tapa e realidad di ocupashón y dominashón colonial rassista makkkamba. Controlando e atribútonan Y USURPANDO E PODERNAN di loque ta pertenecé na un estado independiente, makkkamba ta isolando nos como colonia for di mundu pa su único y exclusivo còntròl, dominashón y explotashón.

Den e proceso pa bira independiente, Makkkambalandia a trata di changa Indonesia den un tipo di mancomunidad. Lo a forma un tipo mancomunidad entre dos estado independiente y soberano. Nós ta referí na e «Nederlands-Indonesische Unie». Tábatin un PERO grandi. Makkkamba a purba haña bou di nán còntròl precisamente e atribútonan di un estado independiente y mas qu esey. Nós ta cita:

Defensa

Relashonan exterior

Finansa

Relashonan económico

Relashonan cultural

Di un banda makkkamba no por a wanta independencia indonés. Di otro banda a través di triqui a trata di tur manera mantené nan dominashón colonial rassista riba Indonesia.

Y pa caba di rematá e reina y rey makkkamba lo tá cabés di e unión.

Algu parecido makkkamba a trata durante e proceso pa Sürnám bira independiente.

¿Paquico e ehèmpel di Indonesia? Pasobra sémper makkkamba lo haci tur lo posíbel pa mantené nan dominashón colonial rassista riba nós. Statüt, e documento colonial rassista pa excelencia, tan alabá pa nos mes héndenan, TÁ EHÈMPEL con di manera refiná ta formulá dominashón y explotashón. Tambe día nós bira independiente porfín, lo uza pretéxtonan manera relashonan histórico, cultural etc. etc.

No por duna makkkamba ningún beneficio di duda.

Pa parafraseá Che Guevara: No por confia colonialismo makkkamba ni un crenchi asina. NADA.

Laga nós bolbe na e palábranan di Jesus-Leito.

Cu uzo di concéptonan manera CONSTITUSHÓN y PAÍS pa COLONIA Antillas, catibu Jesus-Leito tá tratando di mantené e PERCEPSHÓN qu nós a scohe libremente pa tá den reino makkkamba[1], y qu realmente nós tá un socio den reino makkkamba respetá pa makkkamba.

Uzo di e concéptonan menshoná tá parti di e serie di MENTIRA di cuátershen aña di dominashón y ocupashón colonial rassista makkkamba pa sigui mantené nós den e estado di ignorancia.

Palabra di Dios den  Beibel den Oseas 4:6 ta bisa: «Mi pueblo tá destruí pa falta di conocementu.»

Simón Bolívar a llega di bisa lo siguiente:

«Nos han dominado más por la ignorancia que por la fuerza»

«Un pueblo ignorante es arma ciego de su propia destrucción»

E concéptonan PAÍS y CONSTITUSHÓN pa un COLONIA, producto di e mente colonisá di Jesus-Leito, tá e MENTÍRANAN qu ta mantené nós den nos estado di ignorancia.

Nós ignorancia na su turno tá e arma principal di dominashón colonial rassista makkkamba. Ignorancia tá loque ta mantené nós bou di e TAPAKESHI  MAKKKAMBA.

Nós méster «scirbi, sigui scirbi» pa habracá e mentíranan makkkamba na filingrana.

TROCA MENTIRA PA BÈRDAD.

BÉRDAD TÁ E VEHÍCULO PA LIBERTAD, INDEPENDENCIA Y SOBERANÍA.

¡NÓS LO TRIUNFÁ!



Papiamentu Bibu

---

[1] O sea nós a scohe pa a secuestrá nós, deportá nós, interná nós den cámponan di concentrashón etc. etc.

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).