Diasabra a sali un noticia qu entre otro tres matutino a publicá. Ta trata di e entrádanan hudicial qu en particular efectívonan makkkamba a tene na Boneiru y Còrçáo. E entrádanan hudicial supuestamente tá relashoná cu Booi y Elhage di Boneiru. A tene entrada na e oficínanan di Price Waterhouse Coopers y Caribbean Accounting Services. Tambe a tene un entrada hudicial na cas di un di e director-partnernan di PWC-CAS, de Windt, quende tá un di e miémbronan di Comishón di Supervishón Financiero.
Nós ta referí na e tres corantnan qu nós ta cumpra tur maínta: Extra, Último y Antilliaans Dagblad.
Extra y AD tá prácticamente idéntico den nan relato. Tá evidente qu ta trata di un mero transcripshón di un comunicado di prensa di probablemente Ministerio Público. O sea, e frase «Van een onzer verslaggevers» manera tá pará den Antilliaans Dagblad, tá un mentira.
Nós atenshón ta bai pa e artículo di Último qu a trata di duna mas profundidad y relieve na e noticia menshoná.
Un remarque preliminar: Esún qu a scirbi e comentario den Último, no gusta acento. Ningún palabra na papiamentu no tin acento. E omishón aquí tá suficiente pa descalificá enter e artículo.
Nós tá cita comienso di e artículo riba p. 2:
«Esun ku planta bientu ta kosecha orkan. Esun ku bende su pueblo, tin di paga tardi of tempran pa su traishon, i ta parse ku e pila di ladronnan ku a usa Boneiru i su pueblo pa hasi nan mes bira millonario, no ta bai tin masha oportunidat pa gosa di nan rikesanan.»
Di dos remarque: autor di e frase aquí, méster bai scol di nobo pa siña construí frase drechi. No ta trata di un periodista.
E frase qu nós a cita, ta bisa tur cos di e nivel di consenshi di e autor.
E persónanan e cuestión qu tá meta di investigashón, Booi y Elhage NO TÁ PAGANDO pa nan traishón pasobra makkkamba tá persigiendo nán. Solamente si Boneiru, independiente y cu su propio sistema hudicial, lo a persiguí Booi y Elhage, nós por papia di paga pa nan traishón.
Den e caso makkkamba aquí nós tá papiando di un sistema colonial feudal arbitrario ilegítimo pa eliminá tur loque ta stroba nán den nan còntròl colonial rassista.
Por lo tanto, ningún hende, ningún colaborador, ningún bendepatria, ningún traidor qu cooperá y yuda makkkamba profundisá nan gáranan colonial rassista riba Antilla (incluyendo Aruba) no tá salbá di áctonan arbitrario y ilegítimo makkkamba. NINGÚN.
Tur hende tá desechábel pa makkkamba. No laga tin ningún duda riba esaqui. Ora bó no tá útil mas, ta eliminabu y ta reemplasabu pa otro mas útil.
Den términonan un poco mas teórico ta llama esaqui EFECTO NORIEGA (relashoná cu Noriega di Panamá). Es decir, ora pa e poder ocupador colonial un persona no ta útil mas o e tá birando un problema, ta eliminá e persona en cuestión.
Ta nificá qu e frase di Último tá totalmente robés. No ta trata di paga pa traishón. No ta trata di un acto di husticia, sino di un acto arbitrario y ilegítimo di represalia y eliminashón di un problema pa e ocupador colonial rassista makkkamba.
Supuestamente na 1939 Roosevelt lo a bisa di e dictador nicaragüense Anastacio Somoza lo siguiente:
«Somoza may be a son of a bitch, but he is our son of a bitch.»
Esey ta conta pa tur e traidornan bendepátrianan qu a bende nos cas cu makkkamba.
Día nós regla cuenta cu nán, nós ta papia di husticia. Tanten nán sirbi interés makkkamba, nán tá e «son of a bitchnan», e MALÍNCHENAN na servicio di interés makkkamba.
Mientras tantu, nán tambe tá nós «son of a bitchnan», pasobra nán no tá nós obhetivo PRINCIPAL, sino MAKKKAMBA.
Cu otro palabra, nós méster tá contra e acshonan makkkamba arbitrario contra nos «son of a bitchnan». E día lo llega qu NÓS lo regla cuenta cu nos mes «son of a bitchnan».
Nós enfoque méster tá sémper dirigí riba makkkamba, e ÚNICO META.
Nós méster tá intransigente.
Papiamentu Bibu
Post Scriptum:
Tene un entrada hudicial den cas di de Windt, director di PWC y miembro di Comishón di Supervishón Financiero tá particularmente remarcábel. ¿Tá un mensahe pa de Windt? ¿Algu a pasa den e comishón? ¿De Windt tal bes no tá cooperando debidamente? Héndenan qu ta operá na e nivel qu de Windt ta operá, no sa laga ningún rastro atrás. Por lo tanto, e entrada den cas, nos cada unu su santuario, no tábata pa haña nada particular tocante e persecushón arbitrario makkkamba contra Booi y Elhage, sino un mensahe cla den direcshón di particularmente de Windt. Y pa extenshón en general tá un mensahe cla den direcshón di nós tur: NINGÚN HENDE TÁ SALBÁ DI ARBITRARIEDAD COLONIAL RASSISTA MAKKKAMBA ora méster defendé interesnan económico-financiero makkkamba.
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario