Polderismo

Den Amigoe di simán pasá e concepto «polder model» a cai algún be. Esún qu a lans’é tábata Geld Dekker. El a referí na e palabra aquí relashoná cu un proposishón anterior di Bijleveld pa asina llega na cooperashón entre tur «integrante» y llega asina na un modelo di diálogo y cooperashón.

Loque na promé instancia ta mustra di tá di bon intenshón, ora ta trata macamba, sémper ta requerí profundisashón. Macamba sémper tá mira pa su propio interés. Pues e proposishón ey tin su motibu.

Riba e punto aquí nós lo bolbe otro día. Nós quièr, pa finalisá e breve intervenshón aquí, describí e palabra «polderismo», un sustantivo nobo pa papiamentu, deducí for di e concepto macamba «polder model».

Polderismo tá e acto di engaño y hipocresía pa falta di principio qu tin oportunismo como consecuencia máximo. Pues, esún qu ta practicá polderismo, tá e oportunista qu ta busca consenso pa su mes mayor beneficio.

Papiamentu Bibu


***********************