Un yu di tera ta contestá un makamba di PVV

Den e siguiente episodio di e opera buffa diario qu llama Pauw & Witteman, e presentadornan ta logra qu e cantante curasoleño Giovanca Ostiana, qu originalmente tábata invitá pa canta, ta drenta den discushón cu un representante di PVV.

Un poco pasenshi pasobra e programa ta atendé cu mas tópico. Nós ta pone dos player diferente.



o



Si ningún di dos ta logra, e enlace tá: http://player.omroep.nl/?aflID=10197269

Post Scriptum:

Na promé instancia nós no quièr a remarcá lo siguiente, pero nós tá convencí qu e sinbèrgüensanan qu ta presentá e programá, intenshonalmente y premeditá a incitá e discushón entre Giovanca Ostiana y representante di PVV. O sea, tá un plan qu nán a concebí promé qu e programa a cuminsá. Nán a dal den duru pasobra ta trata di un yu di tera bon prepará. Nós lo a bisa cosnan muchu mas fuerte y curú, pero cada quen tin su estilo. ¿Quico bóso di si compará su lider político, Wilders, den e programa cu e notorio nazi Seyss-Inquart y compará Brinkman cu e SA názinan, e notorio grúponan di choque y haci e conecshón directo qu nan prácticanan nazi den tempu colonial den p.e. e campo di concentrashón na Quenepa y comparé directamente cu e cámponan di concentrashón nazi den di dos guera mundial? ¿Qui bóso di si nós bisa qu rassista Wilders, y rassista scirbí cu dos «s», símbolo nazi di e grupo élite paramilitar brutal Schutzstaffel, tá nan heroe, qu Wilders no tá un fenómeno na margen di sociedad makamba, sino representativo? ¿Qui bóso ta pensa di bisa qu Balkenende, e promé responsábel makamba pa participashón na e guéranan genocida na Iraq, Afganistán y Paquistán, tá un criminal di guera? E méster prácticamente cruza calla for di su oficina pa Corte Criminal International. ¿Y di llama makamba su «presencia» na Antilla ocupashón? ¿Y di llama nan «adquisishón» di BES anecshón?

Si Giovanca Ostiana tábata na altura di e 2.200.000.000.000 florín antillano qu ta core vía nos teritorio, anto l'e por a laga e sinbèrgüensa di PVV mira qu nós tá di sumo importancia pa nán. Qu nós y tur e otro colónianan qu makamba a explotá durante e último cuátershen áñanan y tur e otro pártinan na mundu qu nán ta explotá, tá nan liña di bida. No nán ta desarollá nós, sino nós ta desarollá nán, inclusive cu recurso humano, nada mas qu mercancia, manera Giovanca Ostiana. Mundu contrali. «El mundo al revés», manera Eduardo Galeano a llam'é.

Si Giovanca lo a bisa lo anterior, e lo a bira un paria. No pasobra el a gaña, sino pasobra el a bisa bèrdad.

Mundu tá cambiando. Gravedad tá moviendo pocopoco den direcshón sur. E victoria di Rio de Janeiro tá notábel. No sin rasón e lema di Telesur tá «Nuestro norte es el Sur».

Laga nós lagué te aqui. Nós a cuminsá simán motor bon zetá. Tá dialuna. Bon simán.



E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).