Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

3/03/2009

Wilders (4)

Nós tábata falta un artículo mas qu ta analisá e analogía di totalitarismo nazi macamba cu nazismo di áñanan 30-40 di siglo pasá. Nós ta bolbe ripití pa refrescá memoria:

1. Nazismo como concepto racista totalitario por a haña su nòmber oficial siglo pasá cu Hitler, su concepshón ta data for di tempu di sclabitud como ideología totalitario racista den e cámponan di concentrashón entre otro na Quenepa y Santa Cruz.

2. Den actualidad tin diferente analogía entre figúranan o institútonan colonial racista y ocupashón nazi na Alemania. Por ehemplo e figura di Kamp na Boneiru como comisario representando gobièrnu macamba, tá análogo na e figura di reichskommissar na Paisnan Abóu como representante directo di Alemania nazi na un país ocupá. Den calque ocupashón, sémper e ocupadó colonial, den caso di macamba además racista, ta reemplasá o crea posishón clave pa por controlá y manehá su ocupashón. Aparte di conta cu colaborashón local. Pensa bon riba tur loque tá tumando lugá cu Declarashón Final.

Awor Wilders atrobe. Nós a scirbi tres artículo tocante Wilders. Nós a desarollá nán según actualidad tábata desarollá. Promé qu nós sigui, laga nós refrescá memoria riba otro asuntu. Den e serie Perfil Sicológico di un Racista, Marcel Kross a desarollá un cuadro pa por analisá y determiná un racista, basá riba e Escala di seis di e síndrome colonial racista di superioridad. Nós lo no repasá su concepto detalladamente. Tá suficiente nota qu cada fase di e escala ta implicá tur fase anterior (no sémper asina obvio). Laga nós tuma nos material di laboratorio Wilders, qu a scirbi lo siguiente:

«En de Koran is het Mein Kampf[1] van een religie die beoogt anderen te elimineren, die die anderen - niet-moslims - ongelovige honden noemt, inferieure wezens. Lees de Koran, dat Mein Kampf, nog eens. In welke versie dan ook, je zult zien dat al het kwade dat de zoons van Allah tegen ons en henzelf begaan, uit dat boek afkomstig is.» (Remetido den De Volkskrant);

(Y Corán tá e Mein Kampf di un religión qu tin como meta eliminá otro hende, qu ta llama otro hende – qu no tá muslime – cachó infiel, ser inferior. Lesa Corán, e Mein Kampf ey, un biá mas. Den cua vershón qu tá, lo bó mira qu tur maldad qu e yunan di Alá ta cometé contra nós y nán mes, tá procedente di e buqui ey)

«De kern van het probleem is de fascistische islam, de zieke ideologie van Allah en Mohammed zoals neergelegd in de islamitische Mein Kampf: de Koran.» (Remetido den De Volkskrant)

(Esencia di e problema tá Islam fascista, e ideología enfermo ey di Alá y Mohamed manera describí den e Mein Kampf islámico: Corán)

Den un escrito for di 2007 titulá Prostitushon di Idioma, nós a laga mira con pa prostitushón di idioma ta tapa realidad, caminda mentira ta bira «bèrdad». Alemania nazi a desarollá e mecanismo aquí cu e concepto Die Grosse Lüge ( E Gran Mentira). Tá algu qu ta sosodé diariamente na escala chiquitu y grandi. Esaqui tá tumando lugá cu nós pa casi cuáter siglo cu Nos Gran Mentira: Nos Mes No Por.

¿Quico Wilders, según e citádonan, realmente ta haci? Wilders, e fascista racista nazi, ta acusá otro hende di racismo y fascismo. Den ámbos caso. E tá papia continuamente di un religión inferior, y awor ta bòltu e argumentashón y ta bisa qu Islam ta considerá tur loque no tá Islam, inferior. Tá trapi tres riba e escala: Inculpatio. Culpa e otro di loque abo mes tá, ta pensa y ta bisa. Un maestro den esaqui tá Geld Dekker qu ta gusta presenté como un ser superior qu tá educando Calibán (Shakespeare). Nós lo analisá pronto un carta di Geld Dekker titulá Poldermodel, como un ehemplo excelente di e mecanísmonan racista sutil di un racista colonial macamba, na moda di un autopsia.

Laga nós bolbe actualidad awor. Wilders entre tantu según e ultimo sondeo a bira a partido mas grandi di Paisnan Abóu. Haroon Raza, un abogado na Paisnan Abóu a compará Wilders cu Hitler. Aunque, nós méster suponé, Raza a comprondé esencia di e analogía entre Wilders su racismo nazi, e comparashón no tá corecto. Esaqui tal bes ta debí na su falta di conocementu di historia nazi macamba.

Raza no mester a compará Wilders cu Hilter, sino cu otro figura nazi macamba. ¿Quen nós quièr men? Nós ta referí na cofundador di e partido nazi macamba NSB, Anton Mussert.

Esaqui tá e analogía.

Wilders a bisa qu méster pone Antilla na Findishi. Riba e página-web di PVV na e imagen di Brinkman tá pará: «Antilla méster sali for di reino.» Nós a haci e pregunta anteriormente. ¿Ta asina? Si (Ora) Wilders bira promé miníster macamba, ¿l’e reconocé nos soberanía y entregá nós e llabi di e propiedad qu nán ocupá y hòrta casi cuáter siglo pasá?

Nós ta quere, una bes e tá sintá riba su stul di promé miníster, qu l’e haña instrucshón den forma di un curso di emergencia y di ripiente Antilla lo no tin qu «sali» mas for di reino macamba. Nós lo mira un fortificashón di presencia militar y policial macamba, bou pretexto di garantisá democracia, derecho humano y den cuadro di combatimentu di terorismo, por si acaso tá necesario suprimí nos lucha di libertad.

Papiamentu Bibu


Nota:

[1] Mein Kampf tá e buqui qu Adolf Hitler a scirbi. E buqui tá obteníbel sin ningún clase na Amazon.com y Barnes and Noble.

***************

No hay comentarios: