Pa falta di tempu y algún asuntu personal, nós a neglishá Papiamentu Bibu. Awe nós ta presentá tres artículo for di e página-web Global Research. Su tema tá yaciméntunan di GAS. Nós ta pidi atenshón pa e artículonan aquí pa e siguiente motíbunan:
1. GAS tá birando mas importante qu PETROLI como fuente di energía. Nós por considerá GAS como un combustíbel limpi. Su procesamentu tá mas símpel y su eféctonan como combustíbel tá nada compará cu petroli y su derivádonan.
2. Tin diferente yacimentu di GAS na mundu na TERCER MUNDU qu tá prácticamente intacto.
3. Mientras na Europa e yaciméntunan di GAS tá cabando poco-poco, na otro parti di mundu apenas tá cuminsando cu explorashón di GAS.
4. Costa caribe venezolano tin diferente yacimentu di GAS comprobá y certificá (mira e video qu nós a publicá).
5. Antilla sotavento (ABC) tá mei-mei den e área marítimo aquí.
6. Cerca di límite marítimo entre Venezuela y colonia Aruba, Venezuela y Rusia ta explorando. Esaqui tá cerca di península di Paraguaná. E asuntu a sòru pa preocupashón cerca makamba:
7. Pa tur e púntonan anterior makamba tá PROFUNDISANDO PODER COLONIAL na Antilla: GAS y PETROLI
Pa loque ta trata nos posishón geográfico, nós tá ideal pa base militar di còntròl y dominashón. E básenan militar yanki na Colombia tá parti di un plan terorista mas grandi aínda pa entre otro caba cu revolushón bolivariano. Ma e básenan militar makamba y yanki na Antilla tá e cañón qu tá directamente riba Venezuela su pechu. E básenan militar makamba y yanki tá pa còntròl, dominashón, penetrashón, desestabilisashón, invashón y guera. Ora nos rumanan latino papia di imperialismo yanki, nán no ta realisá nán qu MAKAMBA sémper tá pará na promé rei. Y tá MAKAMBA ta prostituí nos cas mas aínda, permitiendo un base militar yanki banda esún di nán. No laga ningún hende quibuqu’é: e básenan militar makamba y yanki no tá aqui pa changa traficante di droga. Además nán mes tá traficá den droga pa financiá nan áctonan di teror y guera contra nós.
Na mil y un manera makamba ta trata di sconde participashón directo den ambishonan imperial. Nan alianza cu Merca tá directo y total. Un ehèmpel tá nan participashón activo den tur e guéranan di OTAN rònd mundu.
Un ehèmpel clásico tá e baliamentu hipócrita rònd di caída di gabinete Balkenende y e supuesto posishón di principio di nan OCUPASHÓN MILITAR na Uruzgán. Nan presencia militar qu realmente ta contribuí na e guera colonial na Afganistán, nan avionan bombardero, no tá tópico di discushón. Mientras nan avionan no tá tópico di discushón, prensa mundial ta raportá qu makamba tá optando pa retirá tropa. Nós ta lagué te aqui pa no desviá muchu for di nos propósito.
En fin, e importancia qu GAS tá hañando mas y mas, tá un prueba mas di cuátershen aña di DOMINASHÓN COLONIAL RASSISTA MAKAMBA. Declarashón Final y anecshón di BES tá EXCLUSIVAMENTE pa e recurso balioso aquí qu día pa día tá birando mas importante.
Aunque e artículonan no ta referí na Caribe y América Latino, tin un alinea den e artículonan di William Engdahl qu ta papia pa mil:
«The defusing of major Washington military threats is far from the only gain for Moscow in having a neutral but stable Ukrainian neighbor. Russia now vastly improves its ability to expand the one great power lever it has, outside of its remaining and still formidable nuclear strike force. That lever is to counter Washington’s relentless mililtary pressure by cleverly using export of the world’s largest reserves of natural gas, a fuel much in demand in Western Europe and even in UK where North Sea fields are in DECLINE.»
Específicamente Makambalandia, qu tin prácticamente solamente GAS como recurso natural qu además ta cabando, ta opera como parásito rònd mundu pa por sustentá loque nán tá: un di e paisnan mas ricu na mundu y den historia humano. Un riquesa acumulá HORTANDO RÒND MUNDU, AÍNDA.
Y Antilla ta hunga un papel importante den esaqui.
Ukraine Geopolitics and the US-NATO Military Agenda: Tectonic Shift in Heartland Power - by F. William Engdahl - 2010-03-16
 | High-stakes Eurasian Chess Game: Russia’s New Geopolitical Energy Calculus Tectonic Shift in Heartland Power: Part II - by F. William Engdahl - 2010-03-20 |
 | Iran’s Natural Gas Riches: US Knife to the Heart of World Future Energy - by Finian Cunningham - 2010-03-18 |
Iran is the undisputed top holder of gas reserves. Its South Pars gas field is the world’s largest. Papiamentu Bibu |
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario