Monopolio Mediático y Manipulashón Mediático

Den e artículo Narco-Estado Macamba, nós a elaborá con precisamente estádonan manera esún macamba ta dependé di narcotráfico, qu un parti sustancial di economía macamba ta dependé di narcotráfico.

Recientemente Merca, un biá mas, a cuminsá crea e matrís di opinión pa por crea un expediente contra nos bisíñanan rumán na Venezuela. Den e contexto aquí ta bai crea entretanto shete base militar yanqui na teritorio colombiano soberano.

E mesún sistema continuamente ta queda aplicá contra nós. Mas aléu mas. Promé nós lo discurí riba e diferente fórmanan pa crea un expediente contra un país soberano o colonia manera nós.

¿Cua tá e matrisnan di opinión qu a uza pa por crea un «caso», un expediente contra otro estado?

1. Humanitario.
E argumento aquí a uza pa por a acusá di un supuesto limpiesa étnico den teritorio balcánico (Bosnia-Herzegovina / Serbia). E argumento aquí tambe lo uza por ehemplo den caso di prisòn na Còrçáo. E asuntu aquí recientemente tábata tópico den Nashonan Uní.

2. Ármanan di destrucshón masivo.
Riba e premisa aquí e germánonan tá menasando Irán y Corea. Y riba e premisa aquí a invadí Iraq. Entre tanto mundu sa qu na ningún momento Iraq tábata den poseshón di ningún arma di destrucshón masivo.

3. Terorismo.
Riba e premisa aquí a invadí Afganistán. Promé ta papia di cooperashón cu terorista. Después ta papia di protecshón di terorismo. Finalmente ta papia di albergamentu di terorista. Riba e premisa aquí ta acusando Venezuela di tin relashón íntimo cu FARC, qu Rafael Correa di Ecuador a ricibí cèn di FARC, qu Venezuela ta supli FARC di arma, etc. etc.

4. Narcotráfico.
Aqui ta conta e mesún historia. Recientemente congreso mericano a traha un informe qu ta mustra dede riba Venezuela como un narco-estado. Venezuela, bisiña di e productor mas grandi di cocaína (Colombia), ta culpábel di e echo qu Merca ta e consumidor mas grandi di droga. Tur esaqui mientras Nashonan Uní a reconocé Venezuela como un di e paisnan qu ta combatí tráfico y cultivo di droga cu mas eficiencia. Venezuela inclusive a queda declará como país líber di cultivo. Pa colmo 70% di exportashón di droga for di Colombia pa Merca ta tuma lugá na Colombia su costa pacífico. Y Venezuela no tin costa na Océano Pacífico.

Riba e premisa aquí lo militarisá México den cuadro di Plan Mérida, mescos qu a haci na Colombia cu Plan Colombia.

5. Deréchonan Humano y Democracia
Si antes mishón y civilisá nós como supuesto salbahe tábata e pretéxtonan pa husitificá crimen, sclabitud, dominio, explotashón y genocidio, awor a reemplasá nán pa deréchonan humano y democracia pa por hustificá e mesún áctonan bárbaro.

E agreshón, primeramente político y secundariamente militar y/o desestabilidasadó via ONG-nan occidental cómplice, ta cuminsá sémper vía nan principal misil qu tá e médionan di comunicashón masivo. Ehemplo clásico tá un corant manera De Telegraaf qu sémper ta atacá nós sirbiendo interés macamba. De Telegraaf su satélite na Antilla tá Antilliaans Dagblad. Cu frecuencia ta sali artículo den AD sin ningún fundamento o prueba di veracidad. E atáquenan a sirbi pa crea un matrís di pensamentu, di indoctrinashón di manipulashón pa por hustificá calque intervenshón di calque tipo. Y nos héndenan qu no tin e habilidad di discerní e manióbranan aquí, ta paralisá ante e atáquenan aquí. Es mas, nós ta quere fielmente loque e fuéntenan aquí ta «benta den nos tayó». Un ehemplo: Omayra Leeflang su canal faborito tá CNN.

Otro canal di agreshón político tá uzo di diferente organisashón no-gubernamental (ONG o NGO) qu ta sirbi interés mericano-macamba. Un caso recién tá e bochincha entre Aruba na un banda y macamba y e gobièrnu di De Jong como fiel satélite di interés macamba na e otro banda. A uza entre otro e argumento di corupshón na Aruba pa pone preshón riba gobièrnu di Oduber pa, manera Hirsch Ballin a bisa recientemente: «Alles aan gedaan om Oranjestad in het gareel te krijgen.»

Hirsch Ballin den su mentalidad colonial ingenuo, den un momento di franquesa inusual, di desbèrgüensa total, realmente a confesá precisamente loque macamba ta pensa di nós cu e expreshón aquí, clásicamente colonial: «in het gareel krijgen.»

¿Quico exactamente macamba a haci pa haña Aruba caminda nán tábata quièr? ¿Qui relashón e remarque di Hirsch Ballin tin relashoná cu e intenshón di regente colonial Bijleveld di duna orden di haci un investigashón riba corupshón na Aruba vía e ONG Transparency International?

Además macamba den Conseho di Ministro di Reino, qu tá un entidad dominá pa miníster macamba y dos miníster antillano como decorashón di fondo, a haci uzo di e atribútonan colonial pa por tuma decishón na nan fabor ora nós no quièr cooperá.

Den e caso aquí a haci uzo di artículo 43:
Inciso 1
Cada un di e paisnan ta percurá pa realisashón di deréchonan y libertadnan humano fundamental, estado di derecho y credibilidad y seguridad di gobièrnu.

Awor ta bin e parti colonial, inciso 2:
Garantía di e deréchonan aquí, libertadnan, estado di derecho y credibilidad y seguridad di gobièrnu ta asuntu di Reino.

¿Y quen ta Reino? Conseho di miníster macamba mas dos figurante antillano (artículo 7 Statüt) como decorashón di fondo sin bos ni voto. Y ora tá necesario, tur cos por bira un asuntu di Reino, pa por intervení basá riba artículo 43.

Haci uzo di e ONG Transparency International tá otro ehemplo clásico di aparentá un supuesto neutralidad di parti di macamba, haciendo uzo di un supuesto organisashón no-gubernamental, supuestamente independiente, Transparency International, pa interferí indirectamente y directamente den asúntunan interno rubiano.

E corúptonan pa excelencia, e corúptonan na nán génesis como estado pirata-terorista, corupto di tal forma qu colonisahón, ocupashón y dominio di Antilla qu macamba no ta mir’é como tal, qu a institushonalisá inclusive uzo y especialmente comercialisashón di droga y someté su uzo y su comercialisashón na impuesto, qu a institushonalisá corupshón den nán legislashón cu por ehemplo «gástunan di representashón» (representatiekosten) y «compensashón di gastu» (onkostenvergoeding), ta acusá nós di corupshón. E violadornan pa excelencia di deréchonan humano a través di colonisashón, explotashón y genocidio, ta acusá nós di violashón di deréchonan humano.

Mescos ta conta pa e acusashón contra Venezuela. E estádonan terorista pa excelencia, Merca y Macambalandia ta acusá otro país di terorismo. E narcoestádonan pa excelencia Merca y Macambalandia ta acusá otro di tá un narcoestado. Esnán qu tin arma di destrucshón masivo y a uz’é caba manera Merca na Hiroshima y Nagasaki, y entretanto cu uranio empobrecí na Iraq ya for di e promé guera di Papa Bush, ta acusá otro país di quièr adquirí arma di destrucshón masivo. E violadornan structural y permanente di deréchonan humano ya pa casi cuáter siglo, ta acusá otro di violá deréchonan humano.

Den e serie Perfil Sicológico di un Racista nós a llama a táctica aquí «inculpatio». E racista, e fascista, e nazi, pa purba tapa su bèrdad y su crimen, ta contratacá culpando un otro hende di precisamente loque e mes tá y tá haciendo ya cuátershen aña.

E victimario ta bòltu realidad y acusá e víctima di loque e mes tá y loque e mes tá culpábel di je.

Ultimo ehemplo clásico di manipulashón. Den Newsweek a caba di sali otro artículo riba Venezuela qu ta papia di «brain drain», fuga di celéber, como consecuencia di 10 aña di gobièrnu revolucionario.

Na promé lugá sémper a aplicá e táctica ey cu nós. Es decir saca e mihonan. Soborná y cumpra e mihonan entre nós. O sea «brain drain» sémper a existí. «Brain drain» tá un di e motíbunan principal di nos subdesarollo. Awor e pregunta: ¿con e supuesto fuga di celéber aquí qu Newsweek ta señalá ta relashoná qu e dramático mehoramentu di nivel educashonal venezolano a partir di e 10 áñanan di gobièrnu revolucionario? ¿con e ta relashoná cu e dramático aumento di cantidad di studiante universitario, alfabetisashón, scolnan secundario etc etc etc etc? ¿Con esaqui ta relashoná cu e echo qu Venezuela ta un di e poco paisnan qu ta registrá un crecementu económico y un aumento di actividad industrial/comercial a pesar di e crisis económico/financiero? ¿Unda ta saca hende antó pa por supli mercado laboral y e echo qu a partir di Chávez su gobièrnu revolucionario desempleo e baha paulatinamente y consecuentemente?

Ya na diferente ocashón nós a mishi cu e punto aquí di fuga di celéber, tan fundamental y tan influyente den nos desarrollo y determinante pa nos subdesarollo.

Newsweek, mescos qu e gran mayoría di fuente di medio di comunicashón masivo, ta forma parti di e maquinaria di falacia y mentira, di indoctrinashón pa sirbi interés imperial mericano-macamba-inglés.

Y pa finalisá cu e asuntu di droga: Por cierto, si na e momento aquí Merca lo a atendé cu narcotráfico manera méster tá. Es decir, no solamente combatí tráfico di droga, sino tambe incautá tur bien, sea capital o propiedad inmobiliario, y tur loque enter e dinámica qu narcotráfico ta producí na riqueza ilícito, Merca y mundu lo sufri un crisis económico financiero mas grave aínda qu esún actual.

Conclushón

E batalla entre bèrdad y mentira, e batalla di idéanan, lo tá presente sémper. Si antes nós tábata indefenso, awendía a logra cierto nivel di democratisashón di informashón. Nós tin qu gradicí Internet pa e democratisashón aquí. Pues, a pesar qu médionan di informashón masivo manera CNN, Fox, El Pais, MSNBC, Telegraaf, NRC, Volkskrant etc. etc. tá den man di esnán qu tá complíce di e maquinaria genocida occidental, y específicamente noroccidental germano, mas y mas hende tá hañando acceso na médionan di comunicashón alternativo pa por forma un opinión alternativo, balansá y contrali na e avalancha di mentira y indoctrinashón diario.

E batalla di idéanan a agudisá pasobra e contrincante tambe a descubrí Internet como un arma poderoso.

E presencia di Telesur a proba esey. Telesur a bati un brecha den e monopolio mediatico cómplice den e caso di e gòlpi di estado na Honduras.

Papiamentu Bibu ta forma parti di e lucha aquí. Papiamentu Bibu ta sigui bati brecha den e tapaqueshi macamba qu ta determiná pensamentu di asina tantu di nos héndenan.


Papiamentu Bibu