Riba e día aquí obligatoriamente líber pa motibu di folclor macamba, nós a dicidí di haci algu útil y caba un artículo qu ya pa algún día tábata pendiente.
Mundu, nós, su habitántenan tá pará ante rétonan formidábel. Na un banda nós tin di aber cu loque nós ta considerá economía mundial, na bispu di, o ya den un crisis profundo. Un crisis principalmente alimentá pa guéranan imperial y colonial infinito y inpagábel, promoví pa e triángulo di e paisnan terorista Merca-Inglatera-Paisnan Abou. E Premio Nobel Joseph Stiglitz ta papia di «The three Trillion Dollar War». 3.000.000.000.000 dòler. Na otro banda nós tin di aber cu cóstonan di bida subiendo cada día mas y mas. Preis di petroli llegando nivelnan inimaginábel ($120 pa barí). Continuamente tá papiando di bispu di un parti sustancial di hende na mundu qu ta core pelíguer di bida inmediato y directo pa motibu di hámber. Y mientras tá papiando di esey, ta sigui sacrificá alimento pa producí biocombustíbel. Fidel Castro den su promé Reflexiones ya a atendé riba asuntu aquí. El a llam’é Condenados a muerte prematura por hambre y sed más de 3 mil millones de personas en el mundo y La internacionalización del genocidio.
Esunan qu mas tá vociferando awendía qu hámber tá menasando hende, tá hustamente e institútonan qu pa motibu di nan política financiero, como instrumento di e triangulo criminal mafioso Merca-Inglatera-Paisnan Abou, cu instruméntonan financiero bárbaro qu tin diferente país den desarollo horcá, a crea hámber na mundu: Banco Mundial y Fondo Monetario Internashonal.
¿Di quico antó nós tá papiando realmente? Laga nós no bai muchu atrás den tempu. Laga nós pa e biaha aquí laga un banda e genocidio durante deportashón y sclabitud di hende a través di diferente siglo.
Laga nós para quetu na aña 1974. Na 1974 den un reunión di e oculto organisashón mericano NSC (National Security Council) un político hoben llamá Henry Kissinger ta presentá un proposishón bou di e título National Security Study Memorandum 200 (NSSM 200) qu después lo haña e nòmber Kissinger Report.
NSSM 200 ta proponé aplicashón di diferente instrumento político, económico, financiero, social pa por llega na còntròl y reducshón di populashón na especialmente y específicamente paisnan di tercer mundu qu tá di importancia como fuente di recurso natural (calque recurso natural). E autornan, berdadero nazi, ta rasoná qu pa por controlá un región di «vital y estratégico importancia», reducshón di populashón tá un requisito primordial.
Pa por logra esaqui, y pa no tá na «vanguardia» di e política criminal, monstruoso y bárbaro aquí, a hiba e política aquí na promé lugá propagando qu crecementu di poblashón mundial tá un bòm di tempu y lo conducí na catástrofe. Na di dos lugá, a crea, manera nós a scirbi anteriormente, diferente instrumento na paisnan tercermundista pa por llega na bahamentu di populashón. Pa promé bes, explícitamente, un país ta formulá còntròl di populashón mundial como instrumento pa nán necesidad incontrolábel di controlá, dominá y hòrta loque no tá di nán.
Tá inefábel, pero bèrdad: crea instrumento pa reducí populashón qu un meta único: acceso na recurso natural.
Aqui ta sigui algún di nán, formulá den NSSM 200, y algún di nán como práctica diario pa llega na reducshón di populashón mundial.
1. Aborto
2. Contracepshon
3. Hámber
4. Guera
Awendía guera hibá pa e triángulo Merca-Inglatera-Paisnan Abou ta uza como carga standarisá uranio empobrecí (depleted uranium) pa nan bòmnan. Ya áreanan vasto di Afganistán y Iraq tá totalmente contaminá pa e tóxico sustancia radioactivo aquí. Esaqui ta nificá qu e material radioactivo aquí ya tá afectando e código genético di vegetal, bestia y hende di tal manera qu lo llega na un reducshón di populashón (p.e. infertilidad, morto prematuro pa motibu di cáncer) manera visualisá pa e názinan qu a concebí NSSM 200, siguiendo e «bon» tradishón di genocidio di e último 500 áñanan.
Ya e guera aquí so a costa mas qu 1.000.000 bida iraquí. Durante e periodo entre e dos guéranan contra Iraq, ta papia di morto di 500.000 mucha pa falta di remedi, mal nutrishón. pa motibu di e notorio y bárbaro plan macabro «Cuminda pa Petroli» imponé pa Merca. Ya tá di dominio público qu a manipulá conscientemente cu e sistema aquí pa por crea genocidio bou di especialmente mucha.
¿Unda tur esaqui ta laga Paisnan Abou? Manera sémper den su trayectoria hipócrita como vasallo, Paisnan Abou ta scondé tras di su rumán genocida mas grandi pa purba queda invisíbel. Pero ya esey no tá posíbel. E último informe tocante racismo macamba y Fitna mas y mas tá exponiendo nan berdadero naturalesa.
_________________________
Entremés
Nos situashón:
Tambe Paisnan Abou tá aplicando e táctica aquí si mira e diferencia di «acercamentu» pa cu Boneiru y Còrçao. Boneiru, cu menos hende y mas fácil di controlá sí ta haña «total atenshón» manera den e caso di aeropuerto di Boneiru, mientras Còrçao, cu un poblashón mas grandi tin qu wanta castigu pa dobla rudia mas y mas. Asina tá creando mas y mas pobresa y tá creando un éxodo di hende pa asina, vía reducshón di populashón y reemplaso di antillano pa macamba na posishonan clave, còntròl di posishonan clave manera procurador general, aparato hudicial etc. etc., por llega na un mihó còntròl (grip) colonial y consecuentemente mihó acceso na recurso natural qu principalmente tá localisá na teritorio marino (petroli, Sababank). Mira nos artículo Islanan Inútil.
Esaqui tá un ehemplo qu e prácticanan nazi aquí no tá leu for di cas. Pero esey no tá nada particular. Esaqui tá e política hibá pa e último treshen áñanan y awendía pa e cristián Balkenende, e cristián Hirsch Ballin, e cristian Bijleveld-Schouten, e cristián Rouvoet (Christen Unie) y e «izquierdista» Wouter Bos. Tur, miémbronan di coalishón di gobièrnu macamba, for di Derecha te Izquierda, tá participando activamente den extorshón, explotashón, colonisashón (no recolonisashón) y deshumanisashón di Antilla y genocidio na Iraq.
Relashoná cu e asunto aquí, nós quièr atendé e lector riba e mensahe di Obispu Monseñor Luis Secco qu durante Hubileo di Oro di Obispado di Antilla a bisa qu «nós méster mantené nos consenshi histórico como ánquer qu méster duna nós siguridad y confiansa pa futuro» (sacá for Amigoe).
¿Y quico otro e consenshi ey tá, si no tá e realisashón qu e macamba colonisadó racista di awor (Balkenende, Hirsch Ballin, Bijleveld-Schouten, Rouvoet y Bos) tá e mesún macamba colonisadó racista qu a crea e cámponan di concentrashón na Quenepa y Santa Cruz? Esey tá consenshi histórico.
_____________________________________________
Promé qu nós finalisá nós tin un pregunta pa e lector: ¿Hustamente riba e día aqui di folclor macamba, aínda bó quièr tá orgulloso di tá den un «reino» qu ya pa mas qu 300 aña, como genuino predecesor y maestro di política nazi a deportá, sclavisá y exterminá nos antepasádonan (pretu y inján), y aínda tá practicando genocidio activo na Iraq y Afganistán y tá colonisando y deshumanisando Antilla?
Elohim, después qu Caín a asesiná Abel, ta puntra Caín unda Abel a queda. Caín ta contestá: «Mí no sa. ¿Acaso mí tá wardadó di mi rumán?» E escritor(nan) di e fragmento bíblico aquí realmente a concebí un pregunta retórico pa nós mes contesté: «Sí, mí tá wardadó di mi rumán.»
© 2008 Papiamentu Bibu
___________________________
Literatura:
1. Reflexiones de Fidel. Granma.
2. David Edwards & David Cromwell. Guardians of Power. The Myth of the Liberal Media. London: Pluto Press, 2006. p.13-31.
3. William Engdahl. A Century of War. Anglo-american Oil Politics and the New World Order.London: Pluto Press, 2004.
4. Guido Jacomo Preparata. Conjuring Hitler. How Brittain and America Made the Third Reich. London: Pluto Press, 2008.
5. National Security Study Memorandum - NSSM 200.
6. Stephen Lendmann: Reviewing David Cromwell and David Edwards' "Guardians of Power".
7. Papiamentu Bibu: Islanan Inútil.
8. James Petras: Military and Market-Driven Empire Building.
9. Glen Ford: The Lords of Capital Decree Mass Death by Starvation.
10. Jimmy Carter: State of the Union Address 1980.
11. Presidential Directive: NSC-63
12. Jean-Paul Rodrique: Straits, Passages and Chokepoints. A Maritime Geostrategy of Petroleum Distribution.
E bitácora aquí tá abrí awor pa reacshón. Cada reacshón tá someté na moderashón y solamente lo publiqu'é si e "bitacorístanan" ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario