Después qu Merca a sufri un derota contundente y histórico na e último asamblea general di OEA, diferente persona e remarcá qu a llega un fin na e abyecto y pernicioso doctrina di Monroe. ¿Ta asina? Nós mes no ta quere qu a logra esey completamente. Es decir, tá bèrdad qu diferente país latinoamericano ya no balia ora Merca toca, manera por ehemplo Venezuela, Ecuador, Bolivia. ¿E símpel echo qu tur país latinoamericano a exihí derogá e e resolushón di 1962, y qu a logr’é, tá pone un fin na e notorio doctrina? Pa e doctrina tá morto, su ehecutor mester deré. Qu Merca no a logra imponé su boluntad no ta nificá qu e doctrina no tin balidés mas. Al contrario, Obama a solicitá 320 millón dollar adishonal pa 2010 pa financiá «democracia» na América Latino. E monto adishonal aquí ta superá loque Bush a gasta durante 8 aña. Y cu e cèn aquí ta financiá tur clase di ONG qu ta queda uzá como instrumento pa inherencia y destabilisashón di gobièrnunan caribo-latinoamericano qu no ta balia según compas mericano.
Aunque derogamentu di e resolushón tá den tur sentido di palabra un victoria pa nós, e asuntu qu realmente falta tá eliminashón di e bloqueo económico di Cuba.
Pa diferente motibu Cuba no tin ningún clase di interés di bolbe drenta atrobe OEA.
Na promé lugá pasobra sémper bai OEA tábata y tá un instrumento di dominio y explotashón colonial na beneficio di Merca y su vasállonan macamba y inglés. ¿Paquico sémper nós ta menshoná nán tres huntu? Pasobra nán tres, Merca, Paisnan Abóu y Inglatera ta forma un «hermandad» germano, un germandad a través di 2000 aña di historia. Merca tá e patacabra pa por facilitá penetrashón y dominio colonial. Ma bon, OEA tin un historial macabro di condená e paisnan qu no ta balia na nán amèn, di interferí den paisnan qu no ta haci loque nán quièr. Mientras ta queda quetu ora ta cumbiní nán, manera e gòlpinan di estado contra Jacobo Arbenz na Guatemala na 1954, Velasco Ibarra na Ecuador na 1961, Juan Bosch na República Dominicano na 1963, Joao Goulart na Brasil na 1964, Allende na Chile na 1973, presidente Chávez na Venezuela na 2002 y Aristide na Haití na 2004. Tampoco OEA a condená Merca pa su agreshonan na Nicaragua, Honduras, El Salvador, Panamá, Grenada y diferente asesinato manera Che Guevara, Jorge Eliécer Gaitán, Luis Carlos Galán Sarmiento etc. etc. etc.
Un organisashón cu un historial di complicidad manera OEA na promé lugá no merecé sostén, ni existencia.
Na di dos lugá ta queda pendiente e real asuntu: terminashón di e bloqueo económico qu a costa Cuba asina tantu cèn. Por lo tanto, drenta OEA sin qu a eliminá e bloqueo tá stratégicamente un eror fatal. Drenta promé qu a eliminá e bloqueo ta nificá realmente qu Cuba no tin problema cu e bloqueo.
Na di tres lugá tá na interés di nós qu ta forma un organisashón caribo-latinoamericano sin presencia yanqui, macamba y inglés. Diferente país ta sclama pa pone un fin na e ministerio di colonia y lanta un organisashón di nós, caribe y latinoamericano. Día méster atendé cu mericano, macamba y inglés, ta atendé cu nán den Nashonan Uní. Tin diferente organisashón regional qu por sirbi como matrís di organisashón y cooperashón manera Alba, Mercosur, Unasur, CARICOM. Nós mes ta quere qu un promé paso di integrashón por tá un fushón entre Alba (qu tin país caribe) y CARICOM.
Nós a mustra na diferente ocashón qu macamba tin purá di caba cu e proceso di spat Antilla for di otro y anexá BES na promé instancia, St. Martín na di dos instancia y Aruba y Còrçáo na di tres instancia.
Un di e motíbunan tá qu macamba tá mas qu consciente qu algún día e cámbionan qu tá tumando lugá na América Latino, lo llega nos costa y definitivamente lo pone un fin na nan ocupashón colonial racista di cuátershen aña.
Nós lo bisa qu e cámbionan t’ey caba: 48%-52% a demostrá esey.
Papiamentu Bibu
No hay comentarios:
Publicar un comentario