Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

9/08/2009

Pax Neerlandica

Algún acontecimentu ta requerí un análisis mas a fondo. Tin diferente asuntu qu ta pidi atenshón. Nós lo menshoná algún,aunque lo no atendé cu tur den e artículo aquí:

1. Aprenshón di e yu di tera Stanley Ignacio (entre tantu ya e á líber)
2. Delineashón di áwanan teritorial y zónanan económico exclusivo
3. Diferente redada especialmente na Boneiru directamente relashoná cu Ramoncito Booi, macamba su anterior «sweet heart».

Na algún ocashón caba nós a atendé cu e asuntu di áwanan teritorial y zona económico exclusivo.

Awe nós lo dirigí nos análisis únicamente riba e relashón entre e caso Stanley Ignacio y e caso Ramoncito booi.

¿Quico tá e relashón entre Stanley Ignacio y Ramoncito Booi? E relashón entre loque a pasa cu Ignacio y loque tá pasando na Boneiru ta bira cla, cristalino, solamente y únicamente ora nós ta sali for di e único bèrdad qu ta dominá nos bida, nos existencia ya prácticamente cuátershen aña: nós tá teritorio ocupá y colonisá. Por lo tanto precisamente e condishón di tá teritorio colonisá y ocupá ta permití macamba ehecutá calque actividad extrahudicial. E mero echo qu nós tá teritorio ocupá y colonisá tá haci qu no por papia di estado di derecho, simplemente pasobra como colonia y teritorio ocupá no por papia di estado y pa loque méster pasa pa derecho, tá derecho macamba. Pax Neerlandica.

Nos leynan tá rigí bou di dominio y ocupashón colonial macamba. Ora ta papia di concordancia di ley, den práctica esey ta nificá adaptá nos leynan na esunan macamba. Esey ta conta pa derecho civil, derecho penal, y tur otro área hurídico. Recientemente por a nota e preshón macamba pa cu matrimonio entre dos persona di e mesún sexo.

Por lo tanto, como nos sistema hurídico y hudicial ta totalmente bou di influencia y dominio macamba, macamba ora ta cumbiní nán, ta haci y deshací. Nomas nós ta referí na a caso Van der Sloot, den cua precisamente complicidad entre e dos nivelnan di magistratura (fiscalía y corte di husticia), dénter di e contexto colonial feudal, di previlegio colonial macamba, a permití Van der Sloot sali líber for di e caso aquí.

Tá práctica colonial di tur tempu. Y precisamente esnán qu ta quere qu nán tá na gracia cu e colonisadó y ocupadó, pasobra nán ta cumpli cu tur deseo colonial, ta core mas pelíguer. Ora nán no tá necesario mas, tá reemplasá o eliminá nán.

Tur loque tábata posíbel a partir di Declarashón Final, solamente tábata posíbel cu colaborashón y complicidad di nos mes héndenan. ¿Con por tá posíbel? Pasobra di cada unu di e actornan, macamba tin un expediente pa por a chantaheá y menasá nán. Sin e esaqui, hamás Declarashón Final por a bira realidad.

Papiamentu Bibu


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

No hay comentarios: