Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

4/08/2011

Méster Pisa Cada Palabra

Sinta Duru

Scirbí pa Erwin Rafaela
Último Noticia 8/4/2011

Rafaela bou di e título Katibu di shon pa semper?, ta atendé cu e proyecto di Ley KKKolonial pa llega na restricshón di entrada na y expulshón for di MaKKKambalandia di nos héndenan.

E ley KKKolonial mester duna maKKKamba e instrumento legalisá (y no legal, pasobra legal e no tá) pa por expulsá nos héndenan y limitá nos entrada na MaKKKambalandia.

En esencia, e ley tin como meta dicidí quen di nós SÍ tá di balor pa desarollá nan economía.

No tin diferencia entre balotá un di nos héndenan na un marshe público antes y selecshón awor a base di política raSSista nazi.

Manera amigu Marcel Kross, independentista y Comandante di e Movementu qu a concretisá Sürnam su Independensha, a formul'é: nazismo no a nace den e cámponan di concentrashón di Alemania nazi siglo pasá, sino entre otro den e cámponan di concentrashón maKKKamba aqui, na Sürnam, Indonesia y Suráfrica.

E asuntu di selecshón, tin dos nificashón:

1. Fuga di seléber. Nos héndenan, particularmente nos yunan, bou di e PRETEXTO di bai studia afó, mansamente ta queda deportá. Condishonan tá di tal manera qu bolbe cas, pa hopi tá un ilushón. P.e. magnitud di e fiansa.

2. No nós méster di nán, sino nán méster di nós. Asina símpel.

Den tempu di sclabitud, usa nós como OBHETO di trabou SIN PAGA, SIN PAGA prima social etc., ocupá teritorio aheno SIN PAGA etc., etc., a crea, a acumulá un riquesa inmenso.

Esaqui Karl Marx a llama Acumulashón Originario, loque tábata y aínda tá e fundamento di nan riquesa y bienestar. Nán a acumulá riquesa cu cos di otro hende, propiedad di otro hende: teritorio, materia prima y BIDA HUMANO.

CU MENTIRA, día adén, día afó, deportashón, campo di concentrashón, teror, intimidashón, asesinato den un situashón infrahumano a bati den nós e PERCEPSHÓN qu nós no ta sirbi, qu nos no tá hende, qu nós tá INFRAHUMANO, qu solamente nos tin derecho di existensha TANTEN nàn, maKKKamba, t'ey. Qu nós mester di nán. Qu nós sin nán, tá NADA.

M'a loque nán, maKKKamba, tá, nán tá pasobra nán tábatin y aínda tin nós como instrumento, obheto, método di nan riquesa, bienestar y enriquecimentu ILÍCITO.

MaKKKambalandia tá un ESTADO PARASITARIO, den tur sentido di palabra.

Esaqui tábata un introducshón pa brevemente bisa algu di e artículo di Erwin Raphaëla.

Ora nós scirbi, particularmente ora un periodista scirbi, tá necesario pisa cada palabra pa algún motibu.

E promé motibu tá, pa bo detractornan, opositornan no haña e posibilidad pa debilitá loque bó tin di bisa, no contra-átacá y neutralisabu. E otro motibu tá, pa arguméntonan tin e EFECTO MÀXIMO.

Den nos análisis di Raphaëla su texto, nós lo atendé su EFECTO MÁXIMO.



Raphaëla ta scirbi:

"Yunan di Kòrsou, di generashon pa generashon a biba bou di e yugo kolonial ku su influenshanan negativo debí na e nogoshi di hende ku yama sklabitut."

Bisa "influenshanan negativo" tá un DEBILITAMENTU CONSIDERÁBEL di e CONSECUÉNSHANAN NEFASTO, BÁRBARO Y INFRAHUMANO di "nogoshi di hende" qu, na su turno, tá otro DEBILITAMENTU CONSIDERÁBEL di loque tábata SECUESTRO, DEPORTASHÓN, CAMPO DI CONCENTRASHÓN, TEROR, ASESINATO Y GENOCIDIO.

Palabra, Pisa cada palabra, tá importante.

"un katibu tabata MANERA un opheto", tá otro DEBILITAMENTU CONSIDERÁBEL di loque méster tá simplemente "un katibu TABATA un obheto". Ni mas, ni menos.

Bisa "probablemente ta di e periodo di sklabitut e aktitut sumiso i inferior ku algun di nos tin ainda", tá un EUFEMISMO, UN DEBILITAMENTU CONSIDERÁBEL di loque tin su RAISNAN DIRECTAMENTE ANCRÁ den SECUESTRO, DEPORTASHÓN, CAMPO DI CONCENTRASHÓN, TEROR, ASESINATO Y GENOCIDIO, PERPETRÁ PA MAKKKAMBA.

SUMISHÓN,CAPITULASHÓN, CLAUDICASHÓN y RESIGNASHÓN ta haña su forma mas PALPÁBEL den nos Miedu pa INDEPENDENSHA a causa di e CONSECUÉNSHANAN DI 400 AÑA di SECUESTRO, DEPORTASHÓN, CAMPO DI CONCENTRASHÓN, TEROR, ASESINATO, GENOCIDIO, EXPLOTASHÓN y UN OCUPASHÓN KKKOLONIAL RASSISTA QU AÍNDA, AíNDA NO A LLEGA NA SU FIN.

SOLAMENTE POR CUMINSÁ CAMBIA NOS SOCIEDAD FUNDAMENTALMENTE DESPUÉS QU NOS A RE-ANUDÁ NOS INDEPENDENSHA Y SOBERANÍA.

Pésey:



INDEPENDENSHA AWÓ, NO AWORÓ!!!


Papiamentu Bibu


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

No hay comentarios: