Pax Neerlandica 2

Día macamba a bin cue Stanley Ignacio bai cun’é, un di nos contáctonan ta conta nós qu un ferviente partidario di opshón Sí y Declarashón Final, hòmber conocí den sociedad, a bisa: «¿con por ta posíbel qu macamba ta llega aqui bai asina-asina qu un di nos héndenan?».

Sí, ¿con por tá posíbel? Ladrón o no. Asesino o no. Delincuente o no. Corupto o no. Traidor o no. Tá pasobra nós tá bou di e tapaqueshi macamba o Pax Neerlandica.

Awe nós quièr a sigui discurí riba Pax Neerlandica. Pax Neerlandica, simplemente formulá , no á nada otro qu «ley y orden» imponé pa macamba, pacificashón di un teritorio, un pueblo bou di nan «réglanan». Por lo tanto, obviamente ta aplicá e«ley y orden» macamba aquí según ta cumbiní nán. Nós ta bolbe ripití: córda e caso Van der Sloot. Lesa e texto di ayera y un artículo qu nós a dedicá na e caso aquí: Caso van der Sloot den Contexto.

Ora macamba ta papia antó di «ley y orden» pa combatí droga, criminalidad, terorismo etc. etc., nán no ta menshoná loque nán a haci durante cuátershen aña y tá haciendo aínda. Ora ta papia di deréchonan humano y democracia, nán no ta menshoná e violashonan di nos deréchonan humano ya prácticamente cuátershen aña. Ora nán ta papia di terorismo, nán no ta menshoná e teror y intimidashón qu nán a imponé y aínda tá imponiendo ya prácticamente cuátershen aña. Ora nán ta papia di corupshón, nán no ta menshoná qu nan sociedad tá basá riba corupshón, qu estado macamba na su génesis tábata corupto, qu Statüt tá un modelo corupto y coruptivo. Ora nán ta papia di combatí traficashón di droga, nán no ta menshoná qu nan sociedad ta dependé pa un parti esencial di droga, qu nán a legalicé, no pa princípionan humanista ―¿quen cu un poco di sano huicio por tá na fabor di legalisashón di droga?― sino pa motíbunan netamente económico. A legalisá cierto tipo di droga y ta cobra impuesto riba nán. Lesa nos artículo titulá Narco-Estado Macamba.

¿Paquico huzga cierto político qu a bai preso y qu entre tanto tá liber atrobe (bou di direcshón macamba)? Den liberashón di un di e líderan político, macamba a hunga e papel principal pasobra tábatin méster di un mayoría político pa por cristalisá Declarashón Final, mientras tanto e criminal di guera Balkenende, qu a baña su manan den sánguer iraquí y afgano inocente, ta cana rònd líber. Y asina nós por sigui.

Nós ta frega man den otro chiquí-chiquí pasobra a eliminá un contrincante político. Awor nós ta goza un bòl pasobra nos momento a llega, por fin. Pax Neerlandica, Tapaqueshi Macamba no conocé lealtad. Pax Neerlandica y su actor principal, macamba, conocé solamente su propio interés. Si awe bó ta sirbi pa algu, mañán bó ta desechábel, eliminábel, y ta reemplasabu pa otro figurante qu ta sirbi interés macamba.

¿Den cua direcshón nós quièr bai cu nos discurso? Nós a trece cu e cásonan Ignacio y Booi dos ehèmpel di e consecuencia di Pax Neerlandica. No tá cuestión di aplaudí ora macamba a atendé cu un supuesto corupto entre nós. Tá cuestión di mustra macamba riba su historia y realidad ladrón, corupto, violador di deréchonan humano. Nán, macamba, tá e ladronan pa excelencia, Nán, macamba tá e corúptonan pa excelencia. Nán, macamba, tá e violadornan di deréchonan humano di tur tempu pa excelencia. Por lo tanto e problema no tá nos mes héndenan, sino macamba tá e problema, e único problema qu tin nós caminda nós tá.

Ora cu tur euforia di mundu nós ta referí na nos «zwartboek», manera Lorito den Laprensa a menshoná ayera, nos méster menshoná na promé y último lugá esún macamba, pretu te sobra, di tantu asesinato, genocidio, robo, rapto, deportashón, teror, intimidashón, ocupashón, extorshón ya prácticamente cuátershen aña. Esún di nós tá ñaña, nada, cos di mala mucha chiquitu, compará cu loque macamba ya tá haciendo cuátershen aña. Den Dante su Divina Commedia, den e punto mas profundo y e centro di Fièrnu, nós por reemplasá Lucifer, qu a traishoná Dios su amor, pa macamba. Un macamba na cadena torturá pa un sacu di placa qu e no por alcansá. Al fin y al cabo Lucifer tábata un ángel qu a cai.

E momento qu nós, den nos discurso, ta desviá atenshón riba nos mes héndenan, macamba a logra loque e tábata quièr: Divide et impera. Pax Neerlandica ta dependé totalmente riba e divishón qu e por crea entre nós, creando enemistad y guera entre nós, creando discordia entre nós, mientras e burdugu, e enemigu histórico, visceral, di ayera y di awe, y di mañán tá macamba.

Papiamentu Bibu



E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).