Obama

Si nós tábata mericano, probablemente nós lo a sinti nós orgulloso di un discurso manera esún di Obama durante DNC (Democratic National Convention).

Ma nós no tá. Pues nós mester tá atento pa e otro mensahe di Obama y, naturalmente y especialmente, di Biden.

Entre tantu den e artículo di Global Research Obama selects Biden to reassure the US ruling elite a caracterisá e elecshón di Biden como un siguransa pa e grupo élite di poder.

Nós no méster lubidá por ehemplo e «rudilla» qu Obama a hinca ante AIPAC, e poderoso organisashón sionista. Den su discurso el a duna su apoyo incondicional na Israel.

Obama ta na fabor di ampliashón y intensificashón di e guera di ocupashón colonial na Afganistán y, si tá necesario, hiba e guera aquí te na teritorio paquistaní.

Obama a menshoná nós, Caribe y Latinoamérica, como un área qu mester reafirmá interés mericano. Y nós muchu bon quico esey ta nificá: intervenshón sin importá e método.

Nós ya a llega di scirbi qu Obama ta ideológicamente «contaminá». Es decir, Obama como hòmber pretu tá indoctriná pa e concéptonan y ideología di imperialismo di e mericano blancu.

Tur tempu den historia a existí imperio na mundu. For di tempu qu mundu ta mundu. Nós tá conocí cu algún di nán manera imperio romano, mozarabe (Al Andalus), británico, macamba (siglo dieshete o Siglo di Oro) y naturalmente mericano.

Imperio mericano a cuminsá haña forma a partir di e momento qu a expandé den direcshón wèst y posteriormente a consolidá cu diferente «adquisishón» di tera (manera Louisiana Purchase) y guera di agreshón contra México qu a resultá den ocupashón di teritorio mexicano y anecshón. Nós ta referí na Tejas (Texas) y California. Tá generalmente aceptá den mundu latino qu e diferente guéranan di independencia latinoamericano tá e factor principal qu a wanta e expanshón colonial mericano.

Cu Merca su independencia for di Inglatera, a llega un fin dramático na imperio británico. Na mes momento nós mester realisá nós qu imperio británico mes a tuma batuta for di otro imperio, unu principalmente marítimo: esún macamba.

Imperio macamba, británico y imperio mericano, finalmente no tábata nada mas qu un pleitu entre rumanan germano pa hegemonía qu finalmente a haña otro den un solo fin di goberná, dominá y explotá mundu manera nán ta haña qu tá bon. Tur tábata basá riba e ideología racista qu nán ta inmaculado y destiná pa goberná mundu, simbolisá den mericano su destino evidente y macamba su predestinashón calvinista. Concéptonan qu aínda tá vigente. Finalmente ta trata di un continuidad imperial colonial racista cu cada vez otro actor principal, e ótronan qu un tempu tábata principal a pasa pa di dos y di tres lugá apoyando esún qu ta carga bandera na e momento ey.

Den nan necesidad incontrolábel di quièr controlá, dominá, subyugá mundu y hòrta loque no tá di nán, a crea un sistema qu nós conocé awendía como capitalismo.

Na comienso di siglo pasá, ta nace un sistema social nobo bou di guía di consecutivamente Lenin y Stalin, qu den su fundamento tábata diametralmente opuesto na mundu capitalista. E sistema aquí tá inspirá pa teoríanan manera formulá pa Marx, Engels etc. etc.

For di su concepshón como sistema opuesto na capitalismo, mundu germano no a duna e sistema aquí tregua, no a dun’é «or’i porta»,manera nós sa bisa. E posishón qu mundu germano capitalista a tuma contra «comunismo» o «bolchevismo» tábatin como origen nan miedu qu e sistema social aquí totalmente diferente, lo a influenciá nan sistema social di organisá sociedad, basa riba capitalismo. Tá ampliamente aceptá qu e diferente leynan social qu mundu occidental, especialmente europeo, a introducí den transcurso di tempu, tábata pa nan miedu qu nan mes poblashón lo por a queda influenshá pa un sistema totalmente diferente.

Un ehemplo di intervenshón germano tábata e intervenshón den guera civil ruso (soviético) den cua nán a respaldá emperador ruso. A pesar qu tábata trata di un intervenshón respaldá pa 20 nashón, su «autornan intelectual» tábata germano.

E famía germano aquí, liderá pa mericano, inglés y macamba a uza otro rumán germano, alemán den e caso aquí, como frente den nan guera contra Unión Soviético. No tábatin antagonismo entre nán. Appeasement inglés manera ehecutá pa e miníster británico Chamberlain, no tábata nada otro qu un farsa. Nós por bisa qu appeasement tábata realmente un lus bèrdè pa Hitler su guera contra Unión Soviético. Tin suficiente informashón histórico disponíbel awendía pa proba qu Merca y Inglatera e crea Hitler su imperio como frente contra Unión Soviético.

Finalmente e desarollo imperialista di rasa germano no tábatin ningún base ético y moral, sino un solo base: codicia, codicia simbolisá pa nan hámber incontrolábel pa cèn. Pa por logra esaqui a deportá, sclavisá, exterminá, colonisá, explotá. Antes nán paquet’é den forma di cristianismo y civilisashón. Awendía e mesún germano ta paquet’é den forma di democracia y derecho humano.

Idioma macamba ta patapata di e tipo di formulashonan aquí qu ta referí na derecho humano y democracia, mientras nán mes continuamente ta violá derecho humano di otro nashonan, manera tá por ehemplo e caso den nan participashón na e guéranan di agreshón y ocupashón na Iraq y Afganistán. Nán a haci’é pa mas qu 350 aña y aínda tá haciendo cu nán ocupashón colonial racista di nos tera. Nán ta participe na y cómplice den e genocidio qu ta tumando lugá alla. Por lo tanto nán, macamba, tá mes culpábel di atrocidad y barbarismo qu nan rumanan germano na Merca y Inglatera.

Recientemente Merca a activá e cuarta flota naval qu nós a batisá den e cuarta flota imperial. Tá importante tene sémper cla nós dilanti qu Paisnan Abóu ta forma parti integral di e complejo mafioso huntu cu Merca y Inglatera. Tin papiá qu e «morto» qu que propiná DOK tá pa transformé den un facilidad naval pa e cuarta flota imperial mericano. No tá nada nobo. Ya macamba a uza nos teritorio pa un base mericano dirigí contra Caribe, Latinoamérica y específicamente Venezuela.

Tá den e contexto histórico aquí di mundu germano tin qu huzga Obama.

Nós a trata di duna un resumen breve di historia germano. Un historia qu a conocé un expanshón paulatino for di tempu qu nán a queda civilisá pa imperio romano. Un expanshón paulatino qu a cristalisá den e imperio mas poderoso y mas brutal qu historia a conocé.

Nos conclushón lo ta breve.

Obama, un hòmber pretu, lo tin qu ehecutá e mesún política imperial genocida di Merca, Inglatera y Paisnan Abou dirigí contra restu di mundu. Obama como hòmber pretu lo confundí hopi di nós qu, den nós euforia, ta pensando qu Obama como hòmber di «coló» tá un di nós. Obama tá un di nós. Simplemente Obama no ta nada mas qu un di e tantu catíbunan entre nós. Obama tá, pa parafraseá Franz Fanon, e hòmber pretu cu un másquer blancu.


Papiamentu Bibu