ELECSHÓN MAKKKAMBA

Esún qu tá siguiendo Papiamentu Bibu ya pa algún tempu, tá na altura qu pa nós no tin mashá diferencia ideológico entre e diferente partídonan político na Makkkambalandia. Cu un que otro diferencia mínimo den tonalidad, no por papia di izquierdismo na Makkkambalandia. Lenin a llama izquierdismo e «enfermedad infantil di comunismo». Si tábatin política progresivo o socialista realmente, anto lo por tábatin un crenchi di real bèrgüensa pa cu colonialismo y crimenan colonial makkkamba. Al contrario, loque tin tá un desbergüensa total.

Ni SP (Socialistische Partij), ni PvdA, ni GroenLinks no tá contra profundisashón y intensificashón di colonialismo makkkamba. Ningún di e representántenan di dicho partídonan a pronunciá nán contra colonialismo makkkamba, aínda, na aña 2010. Tur, sin ningún excepshón, ta bin cu mil un pretexto hipócrita pa hustificá dominashón, ocupashón y explotashón colonial rassista makkkamba pa cuátershen aña caba.

Nós no a tende por ehèmpel SP o GroenLinks bisa qu aínda makkkamba tá ocupando Antilla y a llega e ora di pone un fin na cuátershen aña di ocupashón colonial rassista makkkamba.

Nós quièr refrescá memoria: Bos di PvdA na 2006 den oposishón a vota na fabor di aumentá presencia militar makkkamba na Afganistán.

Por lo tanto mil biaha un PVV, pasobra e ora ey bó sa di cua squina e tiru ta bin.

PVV, manera nós a scirbi cu frecuencia, no tá un fenómeno na margen di sociedad makkkamba. PVV tá representativo pa sociedad makkkamba.

Anteriormente nós a exponé motíbunan qu a conducí na caída di gobièrnu di Balkenende. Supuestamente tá pa nan presencia militar na Uruzgán caminda nán tin algún «boyscout» stashoná.

Den e discushonan tocante e boyscoutnan ey, ningún político makkkamba den gobièrnu, y particularmente PvdA a menshoná e otro presencia militar na Afganistán. Ta trata di e avionan di guera F-16 qu tá participando diariamente na bombardéonan. Esaqui tá e actividad militar genocida criminal qu berdaderamente tá di nificashón den nan guera colonial contra pueblo afgano.

¿Paquico antó gobièrnu a cai? Pa esún qu no ta còrda mas, ora e actual crisis financiero a rementá, na Makkkambalandia gobièrnu a hinca billones den algún instituto financiero. Leynan di contabilidad ta exihí coregí gastu y/o debe inesperá. ¿Di qui forma? Cu un paquete di reducshón di gastu. ¿A base di cua fórmula? A base di e usual precéptonan di FMI y Banco Mundial manera reducshón di gastu den sector educativo, salú público, provishonan social y aumento di tarífanan fiscal.

Electoralmente PvdA qu tá pretendé di apelá na un electorado progresivo, no por bende e paquete aquí electoralmente. Di ningún manera PvdA, masque nán tábata que, por a bende e paquete cu nán supuesto electorado progresivo, e mesún electorado qu NO TÁ CONTRA OCUPASHÓN COLONIAL RASSISTA di Antilla.

Tur, sin ningún excepshón, tá pisca den e mesún saliña electoral rassista.
Nós ta prognosticá un gobièrnu derechista cla y raspá di VVD, PVV, CDA. Nada di e nònsèns «Paars Plus».

Mas aléu e resultado tá un bèrgüensa na nivel internashonal pasobra makkkamba ta haci tur lo posíbel pa cuida nan supuesto bon nòmber. O sea qu Makkkambalandia tá un país pacífico y tolerante.

Combiná cu e bèrgüensa na nivel internashonal qu van der Sloot a crea pa nán, tá factornan político qu ta cumbiní nos lucha pa independencia. Tá nos tarea exponé makkkamba na nivel internashonal.

Den e contexto aquí tá necesario analisá e caso van der Sloot detenidamente den un próximo capítulo.

Pa loque ta trata nos héndenan, e resultado electoral makkkamba tá un resultado excelente. Asina nos ta lanta for di soño pa caba y realisá nós cu qui mònster rassista nós tin di aber.

Papiamentu Bibu



E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).