A través di Twitter nós a menshoná brevemente algu riba e echo qu Antilla tá asina importante qu makamba tá violando deláster un regla scirbí y no–scirbí di derecho constitushonal makamba qu ta dicta qu no tá trata ningún asuntu nobo, ningún asuntu controversial y ta limit’é na asúntunan di urgencia.
A pesar di no tá gozando di un mayoría den parlamento makamba, pues PvdA a retirá su sostén y bandoná gobièrnu, gobièrnu di Balkenende tá tratando di tur manera pa sigui cu e proceso colonial di sigui parti Antilla na pida y finalmente anexá BES.
Sin tá pa CÈN, makamba no ta haci nada. Por lo tanto e mero echo qu con-qu-bai-bin ta sigui primi pa caba qu e proceso colonial bergonsoso, tá indicá e interesnan stratégico qu Antilla ta representá pa makamba.
Méster realisá algu hopi bon. Gobièrnu makamba, mescos qu gobièrnu mericano, a hinca billones y billones di euro den institútonan financiero insolvente pa por scapa nán di un quiebro sigur. Tá papiando di mas o menos 35.000 millón euro. E montante astronómico aquí obviamente ta queda riba balansa como un déficit. Loque ta nificá qu gobièrnu makamba mashá tempu méster a cuminsá còrta di forma drástico den presupuesto di tur departamento. Gabinete Balkenende a queda aplasá tumamentu di decishón riba e asuntu aquí. Awor qu gobièrnu tá dimisionario, e problema mayúsculo aquí lo resultá riba tayo di e próximo gobièrnu makamba.
Tumamentu di medida pa bolbe balansá presupuesto den un coalishón cu PvdA tábata imposíbel. PvdA di ningún manera lo por a hustificá medídanan sin considerashón pa cu su base.
Uruzgán no tábatin nada di aber cu caimentu di gobièrnu makamba. Mas aínda si nós realisá nós qu ningún político makamba a atendé cu e berdadero participashón militar makamba na Afganistán qu tá e avionan bombardero F-16 makamba. Un ehèmpel, manera nós a bisa caba, di hipocresía makamba.
E asuntu berdadero tábata crea un conflicto pa por deshací di PvdA. Asina por forma un coalishón derechista-ultraderechista di CDA, PVV y VVD pa por tuma medida.
Qu makamba a risca un conflicto laga gobièrnu cai y, sin embargo, sigui cu e proceso colonial raSSista tá indicá clacla e importancia stratégico di Antilla pa makamba.
Un importancia stratégico muchu mas grandi qu tur otro problema di carácter financiero y económico.
Papiamentu Bibu
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario