Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

6/02/2009

E Enigma qu llama de Jong-Elhage

Notábel tábata ausencia di De Jong-Elhage na caminda pa referéndum.

For di día qu a lanza de Jong-Elhage, después qu PAR mes a demonisá Ijs y a còrta e píanan bou di su stul, a purba crea un figura intachábel, prácticamente mítico, un mama di tur curasoleño. Comparábel cu e reina macamba como figura mítico como capa pa tapa e practica abyecto y pernicioso di colonialismo racista macamba.

No tá sin rasón qu de Jong-Elhage no a participá den e debátenan y discushonan na caminda pa referéndum. No, manera frecuentemente oposishón a alegá, pasobra e no ta dominá e materia, o pasobra e tin miedu. E no a participá pasobra e tá elevá riba sobrá, e tá e «estadista» qu tá riba tur otro hende. Intachábel y inmaculado. Pero mientras e a hunga e papel di «estadista» elevá riba sobrá, sí el a lòs su «cachonan» manera Gomez, Leeflang, Sulvaran y obviamente Jesus-Leito.

Un Gomez por ehemplo no ta bisa nada cu sentido. E tá un experto den cangamentu di saya. Nada mas. Sulvaran tambe. Mescos ta conta pa shon Bibalargu. Esey tá tambe nán funshón, grita duru, inclusive riba tópico y asuntu qu nán no sa nada di je, y asina lanta un cortina di huma laga hende bai pèrdè adén.

Ora ta mishi cu de Jong-Elhage su supuesto integridad, pues e ta superior y elevá, su ataque tá su defensa den forma di indignashón. Demostrando un indignashón pa e echo qu a ataqu’é, generalmente no ta logra changa de Jong-Elhage.

Su otro arma prácticamente impenetrábel ta uzo di e concéptonan «bienestar» y «desarollo». Específicamente bienestar tá su lema. Un lema di concepto vago, inaprensíbel, incategorisábel. Un soño qu nunca tin qu bira realidad, tantén ta mante’ele como soño. Raturatu tá nutri’é qu un que otro logro menor pa «comprobá» pueblo qu «bienestar» tá un realidad y qu e tá na caminda.

Remarcábel tá qu ya nós tin algún aña ta papia di bienestar, sin bai, sin bin. Y e concepto aquí den combinashón cu un aura di intocabilidad, a producí PAR cada bes atrobe tantu beneficio electoral.

Awor a llega e ora pa demostrá qu tur promesa tá realisábel. Oposishón no tin nada di demostrá o cooperá cun’é.

Laga 11/10 cuminsá trahá awor.

Papiamentu Bibu

No hay comentarios: