Ta trata di e historia di Robert Mugabe, un bia mas enemigu di mundu germano. E artículo a sali riba e página-web di Global Research titulá Mugabe's Biggest Sin.
Mescos qu na áñanan 80 presidente Mugabe tábata enemigu principalmente pa su política di reforma di tereno, awendía atrobe e tá enemigu di mundu germano (mericano-inglés-macamba) pa su resistencia na dominio di e mesún mundu germano ey. E artículo en cuestión ta splica tur cos.
Loque nós quièr a adishoná tá e actual y futuro analogía cu Suráfrica, Zimbabue su oochi den e mesún tragedia di racismo, genocidio, bantustán y apartheid.
Después qu Suráfrica e conocé eliminashón di apartheid y liberashón di Mandela, a sigui un periodo te cu awor di relativo tranquilidad. Pues a pesar di eliminashón di e leynan di apartheid, de echo na e structúranan colonial racial y desigualdad no a cambia mashá. Además, mescos qu Zimbabue, e boernan (descendiente di macamba), manera sémper tá e caso na tur colonia, a apoderá di e mihó téranan pa nán biba.
Por a continuá e relativo tranquilidad na Suráfrica ora Mbeki a sigui Mandela. Sin embargo, sémper bai e problema racial y e problema di desigualdad a sigui herebé. Pues nós méster tá consciente qu Mandela no a trece cambio na Suráfrica, sino militancia di ANC. Y e militancia ey nunca a disparcé.
Awendía e militancia ey tá simbolisá den figura di Jacob Zuma, e actual presidente di ANC y, si nada no pasa cun'é, e futuro presidente di Suráfrica.
¿Cua tá e analogíanan entre Zimbabue y Suráfrica?
Na promé lugá tur dos a queda someté na colonialismo racista macamba-inglés. Na di dos lugá tur dos a conocé bantustán y apartheid, di cua esún surafricano, cu su diseñadonan macamba, esún mas brutal y qu a dura mas. Na di tres lugá, mescos qu e tempu allá na Zimbabue Robert Mugabe a sigui un política di redistribushón y reforma di tereno, ya Jacob Zuma, adelantando riba su futuro presidencia, a laga sa qu méster profundisá reforma agrario. Esaqui ta nificá un confrontashón directo cu e anterior colonisadó racista macamba.
¿Quico tur esaqui por nificá? Wèl, e por nificá, tal bes aínda promé qu Mandela su biahe pa cámponan eliseo, qu na Inglatera y Paisnan Abóu méster cuminsá presupuestá con ricibí nan famíanan qu méster hui for di Suráfrica.
Adishonalmente nós quièr remarcá lo siguiente: Awendía den mundu occidental-germano ta existí e tendencia di honra y resaltá e lógronan di lídernan pacifista manera Mandela y Ghandi. Esaqui nán ta haci mientras tantu nán sí ta sigui invadí, ocupá, saquea, terorisá y intimidá resto di mundu. Na mes momentu ta trata di evitá qu lídernan militante revolucionario manera Jacob Zuma ta tuma mando o ta trata di reversá procésonan revolucionario manera esún bolivariano na Venezuela, Bolivia, Ecuador. Eliminashón di cabés di e movementu, den e caso por ehemplo di presidente Chávez pa medio di magnicidio o gòlpi di estado, tá e meta principal. Lo no tá promé bes:
Jorge Eliécer Gaitán (Colombia)
Salvador Allende (Chile)
Luis Carlos Galán Sarmiento (Colombia)
Ernesto Guevara (Argentina)
Jacobo Arbenz Guzmán
Aqui ta sigui algún artículo qu ta referí na Jacob Zuma su posishón pa cu reforma agrario, siguí pa e artículo principal riba Robert Mugabe for di Global Research na man di William Engdahl.
Un nota crítico relashoná cu Engdahl su artículo: atrobe macamba ta sali líber pasobra no ta menshoná nán, mientras macamba ta forma un parti integral di e compleho mafioso aquí.
Papiamentu Bibu
No hay comentarios:
Publicar un comentario