Reichskommissar Henk Kamp

Den e artículo Declarashón Final II nós a referí na similitudnan entre política macamba a partir di nan ocupashón y colonisashón di nos patria te cu awor y ocupashón nazi di Paisnan Abóu.

Nós a duna un ehemplo di actualidad qu tá e nombramentu, nombramentu colonial di Henk Kamp, ultraderechista di e partido VVD, como Comisario di Reino. Nós a menshoná qu su posishón como Comisario di Reino tá similar na e posishón di e nazi alemán Arthur Seyss-Inquart como Reichskommissar. Por lo tanto, for di awor nós lo referí na Henk Kamp como Reichskommissar Kamp.

Prensa ta menshoná qu Reichskommissar Kamp tá na caminda pa Antilla, cu sede na Boneiru, pa facilitá y agilisá e «transformashón» di e Antilla actual pa e constelashón nobo cu Còrçáo, Aruba y San Martín como teritorio autónomo y BES como municipio hulandés extraordinario.

Obviamente den idioma corecto, limpi di tur clase di mentira, eufemismo y lenguahe orweliano, tin qu lesa e noticia aquí manera ta sigui:

Reichskommissar Kamp tá na caminda pa Antilla pa percurá qu no tin tardansa mas den e proceso di balcanisashón di Antilla. E proceso aquí ta consistí di anecshón di BES y fortificashón y profundisashón di structúranan colonial na Còrçáo, Aruba y San Martin.

Por lo tanto, Reichskommissar Kamp no a queda nombrá solamente pa caba e proceso di anecshón di BES na tempu, sino tambe como agente colonial racista pa enter e proceso cana mas lihé y na tempu. Lo no por sigui hala caquiña.

Por lo tanto, tur político antillano qu tin di aber cu e proceso aquí  tá advertí y lo haña nán confrontá qu un colonial racista qu no tá dispuesto na haci conceshón. Reichskommissar Kamp tá na caminda pa cristalisá e resultado di Declarashón Final. Endlosung, Solushón Final pa Antilla sui generis, estilo macamba.

Esaqui tá e mensahe berdadero di nombramentu di Reichskommissar Kamp.

Papiamentu Bibu