Pues sí, ¿quen ta costa quen cuantu? Ya pa algún tempu, aparte di e usual atáquenan verbal contra strañero y hende «di coló», demonisashón y criminalisashón di strañero y hende di coló, Wilders tá expresando e tradishonal custúmber makamba tratando di cuantificá na placa cuantu nós ta costa nán. Y ni siquiera nós lo por llam’é un regreshón mental: cai back riba un mal custúmber después di a purba, di mil y un manera, sana e enfermedad mental. Nò, tá un «bon» custúmber makamba, genética makamba, di ni siquiera quièr cuantificá, sino genética makamba qu méster inevitablemente cuantificá tur cos den forma di placa. For di nacementu te después di morto y mas allá. Asina a bai sémper, y especialmente asina a bai día a cuminsá sclavisá hende den nan cámponan di concentrashón na Antilla, Sürnám y Indonesia. Por lo tanto, nazi Wilders, representativo pa sociedad makamba, a bin riba e idea tradishonalmente makamba di haci e pregunta cuantu nós ta costa nán.
Nos contesta, como aporte na e futuro Catesashi di Liberashón:
Na promé lugá «nós» no a costa makamba nada den tempu di sclabitud. Al contrario, makamba a haci ganashi astronómico, ganashi di usura den tempu di sclabitud. Na di dos lugá atrobe makamba a haci ganashi di usura ora bou di teror y intimidashón a sclavisá hende den nan cámponan di concentrashón na Antilla, Sürnám y Indonesia sin ningún clase di pago o remunerashón, sin pago di prímanan social, impuesto. Nada. Tá loque Marx a llama enriquecimentu originario. Y no solamente qu no a paga nada, sino además a invadí, ocupá y apropiá di teritórionan vasto cu tur nan riquésanan, sin gastu algún. E lector por imagin’é cuantu placa makamba a acumulá. Esaqui definitivamente nos por llama un «gezonde startpositie». E práctica abyecto aquí tá tumando lugá ya cuátershen aña y a forma e base di nan Epoca di Oro qu aínda tá continuando.
Aparentemente makamba tábatin un «amor» especial pa colonia Indonesia y tábata considerá e otro colónianan un peso na nan pía, indigente. Sin beneficio. Un mentira flagrante. E inbestigadó Armand Zunder a determiná qu makamba durante tempu colonial te áñanan cuarenta di siglo pasá a gana, mihó bisá hòrta casi 300 billón euro. Por lo tanto Sürnám den tur sentido di palabra tábata beneficioso. Además, nan acumulashón originario (hòrtamentu originario) na Sürnám tábata e base pa apropiá di Indonesia. Y asina mes Zunder no a calculá for di áñanan cuarenta di siglo pasá te e último día di nan ocupashón colonial na 1975. Complicidad académico makamba en todo caso aínda no a conducí y lo no conducí na semehante investigashón. Na Paisnan Abóu bou di mil y un pretexto hipócrita y mentira a torpediá e investigashón di Armand Zunder. Finalmente Zunder a bolbe cas, Sürnám, pa finalisá su tesis.
Antilla. Recientemente, y ya nós a publiqu’é, a sali den prensa makamba qu FIOD lo purba di haña còntròl riba 900 billón euro. Y, nós ta bolbe ripití, ta trata di 900 billón euro como resultado di un investigashón riba he llamado «BTW carroussel fraude» na un compañía so na Còrçáo. Tá jis un parti chiquitu.
Como e tipo di cásonan pa complicidad generalmente no sa sali den prensa, e historia aquí tá di carácter singular. Sin embargo e noticia aquí ta duna idea di e súmanan astronómico qu ta pasa vía Antilla. E ta duna mesora un idea di e importancia di Antilla y su posishón estratégico pa makamba. Nós tá un punto nodal pa tur clase di transacshón, nabegashón, aviashón, carga, base militar, fuéntenan estratégico renovábel y no-renovábel. Además ya cuátershen aña como recurso humano nós tá dunando aporte esencial na bienestar di e colonisadó y ocupadó colonial rassista.
Tá di sumo y extremo importancia qu nos especialístanan financiero ta aplicá e modelo Zunder pa Antilla y cuminsá calculá loque makamba ya cuátershen aña a hòrta for di nós y aínda tá hòrtando for di nós.
E ora ey loque makamba ta pretendé qu nós a costa nán y loque makamba a hòrta for di nós a causa di cuátershen aña di colonisashón, ocupashón y explotashón, lo producí un debe di estado makamba pa cu nós qu hamás nán por caba di paga. E debe histórico aquí di estado makamba na nós, tá e base pa e indemnisashón qu makamba méster paga nós día nós tá sintá na mesa cu nán pa finalisá e cuéntanan y llega na acuerdo riba nos día di independencia.
Papiamentu Bibu
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario