Den un conbersashón relashoná cu e artículo Declarashón Final, un persona, riba e pregunta paquico macamba awor sí ta cooperando cu balcanisashón di Antilla mientras sémper nán tábata contra, a contestá: tá pa amplia territorio.
Pa macamba Antilla tá teritorio macamba. Punto. ¿Por papia antó di aumento di teritorio? Si ta considerá Antilla como territorio ocupá ilegalmente pa Paisnan Abóu y solamente si mir’é for di punto di bista di anecshón di íslanan BES qu a tuma lugá, anto por papia di aumento di teritorio. Por lo tanto, anexando BES nós por papia di aumento di teritorio, tantu terestre como marítimo. Si conta acerca e notorio concepto di zona económico exclusivo, anto por papia di un aumento considerábel.
E aumento aquí, cu anecshón di BES, tá loque nazi tábata llama Lebensraum. Ocupashón macamba tin diferente punto común cu ocupashón nazi di Paisnan Abou. E figúranan den nos structura estatal colonial y e administrashón colonial local tin nan paralelo durante ocupashón nazi di Paisnan Abóu. Nós a llega di menshoná algún di nán den pasado. Ora nos análisis di Statüt tá cla, nós lo detallá e similitudnan entre ocupashón nazi di Paisnan Abou durante di dos guera mundial y ocupashón macamba di Antilla pa mas qu tres siglo. Un ehemplo di actualidad: e recién nombramentu colonial di e político macamba Henk Kamp (VVD) como Representante di Reino pa territorio anexá BES, un posishón comparábel cu Comisario di Reino(a), tá comparábel cu e posishón di e nazi alemán Arthur Seyss-Inquart como Reichskommissar durante ocupashón nazi di Paisnan Abóu.
Lebensraum, qu ta nificá espacio vital, o sea den concepto nazi y macamba, crea mas espacio di dominio, explotashón y saqueo. Esaqui no tá nada nobo. Macamba tá practicando e política nazi aquí ya pa mas qu treshen aña. Un gran parti di nan espacio vital nán a pèrdè ora promé Indonesia y posteriormente Sürnám a bira independiente.
Si te poco tempu pasá teritorio antillano (incluyendo Aruba) tábata colonia, awor a haci di teritorio BES, pa anecshón, teritorio macamba. Còrçáo, huntu cu San Martin y Aruba, aínda tin e status di colonia.
Pa diferente motibu por ehemplo e posishón di Boneiru lo complicá. Na promé lugá e transformashón di colonia den teritorio macamba, ta haci ceseshón mas difícil. Na di dos lugá, colonisashón germano (inglés y macamba) den su sentido clásico, es decir pobla un área qu bo mes héndenan, manera a haci na Merca y tambe na Suráfrica y Zimbabue, lo crea un factor demográfico macamba. Por lo tanto, esaqui lo crea un factor político macamba. E boneriano, manera nós a llega di scirbi, den futuro lo no existí mas. Di e forma di colonisashón aquí e profesor cubano Jorge Gómez Barata a scirbi:
En Zimbabwe y en Sudáfrica, holandeses y británicos dieron al colonialismo una perspectiva diferente. El oro y las riquezas eran tantas que se requería otro paradigma de dominación. Allí, como antes había ocurrido en Norteamérica, los colonos concibieron la idea de asentarse para siempre y, en lugar de colonias o factorías, fundaron países para ellos y sus descendientes, dejando de ser colonos para ser africanos. Además de la riqueza, se apropiaron de la identidad. La diferencia de enfoques determinó la actitud ante la población nativa.
Mientras los españoles, que aunque mediante la esclavización, las mitas y las encomiendas, integraron a la población autóctona a su modo de producción, los británicos y holandeses en Sudáfrica y Rhodesia, como antes hicieron en Norteamérica, decidieron prescindir de los pueblos originarios. Para unos concibieron las reservaciones indígenas y, para Sudáfrica y Rhodesia los bantustanes y el apartheid.
Prescindir profesor Gómez ta scirbi. Tuma distancia. No incorporá. No integrá. O sea separá for di. O sea bantustán y apartheid. Segregashón racial. E ta zona como un cliché, pero finalmente tur dos tá invento germano, y apartheid tá un palabra macamba simbolizando política macamba. Nós quièr refrescá memoria cu bantustanan manera Suffisant. Apartheid den forma di Emmastad y Julianadorp. Aínda. No méster di trali ni bario pa tin apartheid. E tá parti di e código genético.
Aínda tá asina. Na Paisnan Abou tá registrando strañero a base di nan etnicidad. ¿Tin diferencia entre colonialismo racista macamba di mas qu tres siglo y loque tá tumando lugá awor? ¿Tin diferencia entre Segregashón racial nazi y política macamba actual?
Laga nós bolbe na nos asúntunan estatal.
Pa Còrçáo y Aruba, for di un posishón como colonia, lo tá muchu mas fácil reclamá y exigí nos soberanía, qu Boneiru for di su posishón anexá (si acaso algu asina manera e boneriano aínda ta existí).
Pues, si después di a balcanisá Antilla, partié na pidapida, a bai mas leu y a gibraltarisá Antilla anexando BES. Dado caso Aruba y Còrçáo bira independiente, sí por papia di aumento di teritorio macamba según derecho internashonal cu anecshón di BES. Especialmente si pa medio di Ramoncito Booi a bai di acuerdo pa regalá teritorio.
Gibraltarisashón no tá nada mas qu un término. Nós por a uza tambe «malvinisashón» qu tá deducí di Malvinas. Tur quièr indicá e mesún proceso di anecshón (parcial) di un teritorio y asina ocupé indefinidamente.
E paso macamba di anexá BES, tin como fondo qu macamba por haci y deshací sin ningún clase di «Supervishón», y for di e posibilidad qu algún momento den futuro Còrçáo y Aruba como colonia no tá sosteníbel, a pesar di e «tour de force» pa hinca nos den un coshèt colonial racista qu llama Declarashón Final. Nós no por saca for di nos pensamentu, cada bes qu nós ta mira y pronunciá e palábranan aquí, di pensa riba Solushón Final, Endlösung, e precepto nazi pa hudíu.
Otro factor qu nós a llega di mishi cun’é tá e regalo qu Antilla tá haciendo Paisnan Abóu cu anecshón di BES.
Si di un banda e remarque qu ta trata di aumento di teritorio tá un realidad. Pues, según derecho internashonal una bes BES ta bai di acuerdo pa bira municipio «sui generis», ta trata di un aumento di teritorio. Sin embargo e otro íslanan tambe tá teritorio, den e caso aquí teritorio colonial.
Si den caso di Còrçáo aínda por reclamá beneficio di eventual explotashón di riquésanan marítimo y terestre renovábel y no renovábel, den e caso di BES nós a regalá macamba e bolo completo.
E bolo tá teritorio terestre, marítimo (12 milla) y e zona económico exclusivo (200 milla). Pa loque ta trata teritorio macamba na Europa, según Wikipedia, e teritorio económico exclusivo ta abarcá 57.000 km2. Esaqui tá 1 bia y mei Paisnan Abou su teritorio terestre. Nós no tin e tempu ni e instruméntonan na nos disposishón pa calculá cu cuantu km cuadrá Paisnan Abou ta aumentá su zona económico exclusivo y cu esey Lebensraum, espacio vital. Espacio Vital pa un pais qu día pa día ta bira menos importante den un Europa den expanshón. Un necesidad sicológico di explotashón y saqueo.
E necesidad aquí tá un tema interesante relashoná qu macamba su orientashón atlántico como miembro di e «hermandad» germano imperial genocida. Esaqui nós méster laga pa otro día.
¿Y pa futuro?
Después di a pèrdè Còrçáo y Aruba como colonia den futuro, BES lo queda como un pia na tera na teritorio caribo-latinoamericano como punto di salida di e mesún política di explotashón y saqueo.
Papiamentu Bibu
No hay comentarios:
Publicar un comentario