Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

5/13/2009

Declarashón Final: Pensa Soberano - p. 2 (5)

Ofensiva Final

Awe nós ta sigui cu loque nós a cuminsá ayera. Nós ta bolbe riba e entrevista cu Wit como ehemplo clásico con macamba ta uza lenguahe tapá, eufemismo y mentira. Nós ta duna atrobe algún ehemplo di «honorábel» hués Bob Wit.

Ora macamba quièr còrta nos arguméntonan, manera Wit a haci den e programa, nán ta gusta bisa qu nós tá emoshonal. Chin Behilia den un programa a llega di remarcá esey. Mayoría di nós den discushón na e momento qu ta remarcá esey, ta stanca, pega y no ta logra formulá un palabra drechi. Tá e típico tapaboca.

E contradicshón di Wit:

E ta llama e paquete (Declarashón Final) «Statuut-proof». Heyden no a cuestion'é. ¿Paquico? Den razonamentu lógico esaqui llama un falacia, o sea si un autoridad, y mayoría di nós ta considerá Wit un autoridad, ta bisa qu tá asina, anto tá bèrdad. Sigur si ta trata di un hurista y macamba.

Mas aléu e ta bisa (nós no a haci ningún corecshón):

«E ta fit den Statuut. Mí no ta bisa qu e tá perfecto, pasobra e no tá. Tin diferente aspecto na mi parecer por wòrdu drechá. Pero ta parcemi qu esey lo bira hopi difícil pa hacié aworaqui. Quièr men, mihó nós ta tuma esey aworaqui por lo pronto y sigui, laga nós bisa, sigui lanta e país Còrçáo y aqui cincu aña manera tá pará den tur leynan tin un evaluashón y nós tin bon argumento pa, laga nós bisa, modificá e paquete ora tá asina leu.»

E ta «fit den Statuut», ma e no tá perfecto. Por drecha diferente aspecto. E ta llama mas aléu autonomía crequeché.

¿Con nós ta haci construí un «país» o sociedad riba un fundeshi mal trahá? Wit definitivamente tá contradictorio. ¿Con por sigui cu algu qu e mes ta llama «no perfecto», «diferente aspecto por wòrdu drechá», «nós tin diferente argumento pa modificá aqui cincu aña». Tin diferente argumento qu Wit ta considerá bálido awor, pero qu nós lo méster uza te aqui CINCU aña. ¡Tá insólito! Si tin diferente argumento pa modificá e notorio paquete, ta nificá qu tin diferente asuntu qu no tá bon. ¿Paquico sigui antó?

Nò, Wit no tá contradictorio, sino colonial y cómplice di e mesún mentira colonial racista di sémper, ya pa cuátershen aña.

Además, Wit ta referí na Statüt y su ilushón di autonomía. M’a ya cuátershen aña e sociedad aquí tá basá riba un fundeshi mal trahá, e fundeshi colonial parasitario racista macamba.

Hués Wit su veredicto (ni siquiera na final): e ta quere qu tá difícil drecha loque no tá bon. Pues laga nós tuma loque tin y después ta drecha. ¿Tá qui mediocridad esaqui tá? ¿Qui tipo di veredicto esaqui tá pa un hués? ¿For di qui tempu ta construí un cas cu un fundeshi malu?

Además, atrobe, ¿Paquico e paquete ta «fit» den Statüt? ¿Paquico un fundeshi malu (paquete / Declarashón Final) tá «fit» den otro fundeshi malu (Statüt). Tá un conclushón lógico: Un paquete corupto obviamente ta «fit» den un Statüt corupto.

Determiná e tipo di lenguahe aquí, lorá den eufemismo, falacia y mentira tá un proceso lento. No solamente tá un proceso lento, sino extremadamente penoso. Tá penoso mira den tur su magnitud loque cuátershen aña di colonialismo, sclabitud, opreshón, teror, intimidashón, racismo, explotashón y genocidio tá. Sin embargo, tá necesario pa por cura herida.

Nós a llama e proceso di «desentoxicashón colonial racista», un proceso lento y penoso. Albert Helman a llam’é «quita e cápanan» qu ta nubla nos bista. No solamente e ta nubla nos bista, sino qu particularmente e ta tapa bèrdad, scondié den nos subconsciente hustamente pasobra e tá doloroso. Tá na mes momento un mecanismo di defensa contra un bèrdad doloroso, penoso y bergonsoso. Sin embargo, tá necesario pa por cura y liberá nós di un carga di cuátershen aña di barbarismo.

Lubidá cuátershen aña ta sirbi solamente autor di e crimen. Mientras no ta confront’é cu su crimen, l’e queda cometé crimen. Mientras no lanta para y bisa tá basta, l’e sigui ocupá y explotá nos cas, l’e cera nós den un cámber chiquitu di e cas, mientras e tá sintá den sala, rèc pía y disfrutá di loque tá legítimamente di nós.

¿Con reclamá loque legítimamente tá di nós? Creando consenshi basá riba bèrdad. Y bèrdad ta cuminsá cu e idioma qu nos ta papia y scirbi.

Mientras nós ta permití qu mentira tá parti di nos uzo cotidiano, nós no por tá líber y soberano.

Después qu a core cun’é for di nos cas, aínda nós lo queda cu e maña di bai sconde den e cámber chiquitu qu nós tábata adén durante e último cuátershen áñanan. Sin embargo, sin embargo nós lo bai ripará quico ta nificá cana den nos mes cas, abri su porta y cana pafó, líber, papia cu bisiña, líber, haci nogoshi cu bisiña, líber, mira nos yunan core den cas, den curá, bai cerca bisiña, líber, pasa día cerca bisiña, líber, ricibí bishita, líber, planta nos mes mátanan manera nós quièr, líber, drecha cas manera nós quièr, líber, haci cas mas grandi, líber, líber, líber.

Papiamentu Bibu

No hay comentarios: