Nótanan di Prensa: Un Revelashón

Nós  a duna nos opinión tocante e secuestro di Stanley Ignacio relashoná cu e asuntu di contrabanda di para exótico.

E caso di Joost Pronk, tá un caso excepshonal di un racista. Pronk tá e eje central den enter e asunto di contrabanda di para.

Después qu makamba inevitablemente a cue Pronk presu pasobra no por a haci otro cos y posteriormente a dun'é su libertad, Pronk den corant local a cuminsá broma tocante e echo qu contrabanda di para tá «bon nogoshi».

Pronk a expres'é na e máximo nivel, e nivel di un orgasmo racista: Iactancia (lesa: Perfil Sicológico di un Racista). Un nivel racista excepshonal pa un makamba. E nivel di «bati riba pechu» y «broma».

Den su arogancia racista Pronk a revelá algu, algu qu nós a scirbi cu frecuencia. Pa algu makamba tá aqui. Pa algu makamba no tin fin di renunciá na e «baráncanan inútil» aquí.

Pronk a revelá e factor multiplicador di beneficio y ganashi, qu tá e motibu principal di nan presencia aqui. Para chiquitu manera chonchorogái qu ta costa aquí 20 euro, ta costa na Europa 800 euro, según Pronk. Nós no ta papia di páranan «exótico» manera cacatúa o ara, sino un «símpel» chonchorogái. Un factor 40 di beneficio qu tá astronómico, ASTRONÓMICO.

Nós ta queda ripití qu pa «algu» makamba tá aqui ya cuátershen aña. Pa algu makamba, bou di mil un pretexto hipócrita, no tin fin di renunciá pa caba na nos pida «baráncanan».

Awe a sali den corant qu FIOD (Fiscale Inlichtingen en Opsporingsdienst) ta bai tras di diferente makamba pa evashón fiscal vía un companía establecí na Còrçáo llamá First Caribbean International Bank. E artículo ta menshoná ¡¡¡¡¡¡¡¡¡¡900 billón euro!!!!!!!!!!! 900.000.000.000 euro. Súmanan astronómico qu ta core vía nos teritorio. Nós méster realisá nós qu 900 billón euro ta referí na un companía so. ¿Cuantu companía no tin na Còrçáo qu ta ofrecé e servicio di evashón fiscal? Además méster realisá nós qu e montante astronómico aquí tá mas altu qu e Producto Interno Bruto (alrededor di 850.000.000.000) y casi dòbel di e Presupuesto Anual di Paisnan Abóu. Y solamente vía UN companía di off-shore. Y, además, 3 pa 5 billón florín antillano di nos supuesto debe nashonal compará cu 900 billón euro - qu na su turno tá un fracshón di realidad - tá ñaña, nada, cèn largá.

E paquico qu FIOD di ripiente tin interés den e asuntu aquí di evashón fiscal, nós lo trata separadamente.

Cifra ta papia palabra cla. Nada di discushonan complicá riba explotashón y beneficio sin cifra y sin prueba. Ata e pruébanan aquí.

Pa e motíbunan aquí nós a scirbi diferente be qu Ayudo di Desarrollo tá prostitushón di idioma. Ayudo di Desarollo tá realmente Invershón Estatal Macamba pa Explotashón. E wiriwírinan qu nán ta invertí aqui, tin un factor multiplicador di 40, tumando e caso-Pronk como punto di referencia. Por lo tanto cada florín o euro qu makamba invertí, ta generá 40 florín o euro. «Doux Commerce», dushi nogoshi, manera Karl Marx a llam'é (lesa: Colonialismo y Barbarismo Macamba (Karl Marx)).

Nós ta bolbe haci un llamada na nos compatriótanan economista. Tá ora qu nós ta cuminsá determiná cuantu makamba ta gana cu nós. Tá necesario cuminsá e cálculo for di tempu colonial, for di tempu qu a bende nós antepasádonan y tábatin nán presu den cámponan di concentrashón trahando sin ningún clase di pago o remunerashón, bou di condishonan infrahumano, intimidashón, teror y asesinato.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).