Un Victoria Trascendental

Un còmbersashón cotidiano ayera diadomingu mientras e referéndum venezolano tá na caminda. Lugá: Paisnan Abóu. Un diálogo entre un revolucionario surinameño y un surinameño, paisano, qu hui for di su patria mashá aña pasá.

Revolucionario: «Awe tá un día interesante, ¿bó n’ ta haña? Awe tin un referéndum tumando lugá na Venezuela.»
Paisano: «Wèl. Chávez ta busca mas poder pa después e cohe poder pa sémper como dictador. Además tin corupshón. Y además mí ta haña si un gobièrnu derechista bini, anto laga bin numa. Pueblo a scohe.»
Revolucionario: «Corupshón tin tur caminda na mundu y tambe y especialmente na Hulanda. Solamente qu aqui a institushonalis’é y legalis’é. Pero ami no ta mira corupshón. Corupshón no ta interesami un caraho. Ami ta mira e pueblo qu antes tábata biba den pobresa absoluto y qu awor tin perspectiva. Mi ta mira un pueblo qu awor ta disfrutá di cuido médico gratuito. Mi ta mira un pueblo qu awor por bai scol y sigui un estudio universitario. Mi ta mira un pueblo por fin líber y soberano. Si mañán un gobièrnu derechista bin na poder tur e benefícionan aquí lo pasa pa historia y atrobe, sí, atrobe nós lo queda someté na explotashón y opreshón pa imperio mericano y su secuasnan macamba pa un tempu largu atrobe.»

Di Bolívar pa Martí, y pasando pa tur e otro luchadornan pa libertad qu patria caribo-latinoamericano a conocé, manera Tula, Carpata, Boni, Baron, l'Ouverture, revolushón bolivariano comandá pa Hugo Chávez Frías, huntu cu Rafael Correa, Evo Morales, Daniel Ortega, Fernando Lugo y tanto otro mas na su custía, tá e gran fuente di claridad y speransa qu humanidad conocé den e témpunan difícil aquí. Esaqui tá un victoria trascendental contra dominio germano mundial.

Ya Bolívar na 1829, un aña promé qu su morto, a scirbi qu «Merca ta parce destiná pa Providencia pa plaga América di miseria na nòmber di libertad». Y den nan rabu macamba, eternamente presente como parásito.

Latinoamérica y Caribe. Tá un patria. Soberanía y independencia di esún ta dependé di e otro. Huntu como bloque por tin soberanía, progreso, humanismo, solidaridad.

Nos libertad, nos como antillano, curasoleño, rubiano, boneriano, sabano, sanmarteño, eustaciano, ta dependé di e gran plan di un patria grandi di libertad, soberanía, hermandad, solidaridad, humanismo.

Simón Bolívar a scirbi: «Un pueblo ignorante tá un instrumento ciegu di su propio destrucshón.» Papiamentu Bibu a nace p’esey for di e mas profundo deseo di libertad. Papiamentu Bibu humildemente ta ofrecé e palábranan aquí y asina aportá su granito na consenshi di un pueblo.


Papiamentu Bibu


************************