Baile Polderiano

Tá bon. Instrucshón di miníster di husticia macamba tá for di mesa. ¿E tá realmente for di mesa? Cu tempu nós lo ripará quico ta bai bini na su lugá. Macamba tá queda macamba. Tá naturlesa di e bestia. Mientras tantu e siguiente apúntenan:

1. Nombramentu di procurador general tá facultad di reino, por lo tanto finalmente macamba ta dicidí quen ta bira procurador general.

2. Procurador General como figura hurídico / hudicial tá e instrumento di poder represivo pa excelencia pa persiguí tur hende qu tá indeseá. E tá antó un arma contra p.e. disidencia anti-colonial y político bou di e pretexto di combatimentu di terorismo. Asina a bai den pasado y sémper bai esey lo tá e caso tanten nós tá colonia.

3. Obviamente, como nombramentu di PG tá competencia di macamba, lo nombra un «yu di tera» aceptabél y colaborativo pa cu interés macamba.

4. Tá posíbel nombra un macamba como PG. Esún qu ta bisa qu no por, ta lubidá qu e PG na Aruba durante y después di e caso di Holloway tábata Hans Mos, un macamba. Y como macamba el a protehá su compinchi macamba van der Sloot (e tata). Lesa: Caso van der Sloot den contexto.

Quita Instrucshón di miníster di Husticia macamba for di mesa no ta nificá mashá. Macamba ta queda controlá y dominá nós entre otro a través di e sistema hudicial.

Como punto 5, y esún principal, lo siguiente.

For di día di Declarashón Final, tantu gobièrnu macamba representá pa e secretario di estado di turno, como nós mes héndenan representá den e administrashón colonial local (central y insular) a bisa insistentemente qu Declarashón Final tá un paquete total, por lo tanto no negoshábel.

E echo qu supuestamente a eliminá e asuntu di instrucshón for di Declarashón Final, un elemento for di un paquete colonial represivo inaceptábel qu llama Declarashón Final, tá prueba qu tur asuntu den Declarashón Final tá negoshábel y eliminábel. Por lo tanto, Declarashón Final den su totalidad tá eliminábel.

Mas cla, ni awa.

Loque sí tá mas cla qu awa tá opshón Nò.

Nò na dominio colonial racista macamba
Nò na presencia militar macamba
Nò na opreshón macamba
Nò na explotashón macamba
Nò na ocupashón macamba
Nò na colonisashón macamba

Loque sí tá mas cla qu awa tá:

Sí na Libertad
Sí na Dignidad
Sí na Soberanía
Sí na Independencia


Papiamentu Bibu

***************************