Declarashon Final: Comienso (I)

Ofensiva Final

Awemainta den e programa Mòru Bon Día a entrevistá Chin Behilia. Naturalmente e tópico tábata e actual desarollo político. Lamentablemente pa motibu di compromiso nós no por a sigui e programa completamente. Loque sí a llama nos atenshón tá algún ponencia qu nós tambe a formulá cu frecuencia riba e página aquí di expreshón líber y bibu.

Chin Behilia ta conta, tempu e tábata políticamente activo, qu el topa cu un documento di Hirsch Ballin na 1990. Después, vía otro documento, mas y mas el a cuminsá llega na e conclushón qu e actual proceso tá parti di un plan pa controlá y dominá nós. Según Chin Behilia na e momento aquí nós tá den e tercer fase di e plan. Tambe el a menshoná otro fase di e plan: ceramentu di Shell y asina propiná nos sociedad un gòlpi fulminante. Nós quièr còrda e lector qu ya na 1988 den e revista «científico» CDA Verkenningen Hirsch Ballin a tuma iniciativa di e proceso actual. Aínda e tin un papel principal. Den e artículo Colonia o Colonia Plus nós a describí con e proceso aquí tá directamente vinculá cu derumbe di bloque soviético y Pacto di Varsovia.

Behilia ta bisa qu tábatin un momento qu macamba a dicidí di activá e proceso aquí y ta llega na e conclushón qu Trinta di Mei tábata e momento. ¿Cua te a argumento di Chin Behilia? Macamba tin miedu pa pèrdè su supuesto bon nòmber den exterior. Behilia a llam’é un «tik» riba nan dede. Trinta di Mei lo a pone macamba tremendamente den descrédito na nivel mundial y lo a perturbá e imagen y bon nòmber asina cautelosamente cultivá di seriedad, honestidad y inofensividad. Pues den vishón di Chin Behilia, e proceso qu a cuminsá cu Trinta di Mei, tá un proceso di retaliashón macamba. Bengansa macamba. Un contragolpe macamba.

Chin Behilia ta menshoná qu na caminda pa Statüt, Nashonan Uní no quièr a libra macamba di e obligashón di raportá na Comishón di Descolonisashón. Nos mes héndenan a bai Nashonan Uní y declará qu nós bou di Statüt lo goza di autonomía, por lo tanto no tábatin nada contra eliminá e obligashón di raportá. Papiamentu Bibu a llam’é un eror histórico. Na ningún momento méster a libra macamba di e obligashón ey y asina mantené e carácter y condishón colonial di Antilla. Nós a llama Statüt e codificashón hurídico di nos condishón colonial. Tapa e condishón colonial aquí cu Statüt tábata primordial pa no por acusá macamba di tá colonial. ¡Cuantu cos pa salbaguardiá nan supuesto bon nòmber! Tá e miedu visceral aquí di queda desenmascará como colonial rassista, tábata un di e motíbunan qu macamba méster a reconocé soberanía y independencia di Sürnám.

Nós a menshoná e punto importantísimo aquí entre otro den e artículo Fitna den Contexto o con llega na Independencia (Fitna tá e película anti-Islam di Wilders). Ora ta exponé nan colonialismo rassista, ta ocashoná un biahe liña recto pa baño. E ta crea doló di barica instantáneo. ¿Paquico? Pasobra e supuesto bon nòmber tá esún cos qu ta generá billones y billones di florín den nan operashonan internashonal di explotashón na mundu. Y cèn, manera nós a scirbi na diferente ocashón, ta macamba su dios, su soño y su pesadilla. Y ora mishi cu macamba su interés, cèn, ta mishi cu su esencia, su razón di tá.

Na su manera di miré, Chin Behilia a describí un proceso di colonisashón qu, na nos manera di miré, nunca a para. Sémper bai e proceso ey a queda vigente. Cuátershen aña e tá vigente. Nós a splica den Colonia o Colonia Plus, qu Statüt tábata parti di un proceso histórico di descolonisahón na escala mundial cu ún grán diferencia: Nos proceso no tábatin nada di aber cu descolonisashón. Statüt tá resultado di política macamba corupto como parti di un historia colonial corupto di awor casi cuátershen aña, qu a corumpí nos representántenan y inducí na colaborá cu e notorio declarashón ante Nashonan Uní na fabor di e supuesto autonomía. Den un remetido den Amigoe, A. Durand a llama e último cuátershen áñanan e forma máximo di corupshón. Por lo tanto, Statüt tá un documento corupto. Statüt tá un derivado corupto di un política bárbaro rassista corupto di cuátershen aña. Statut tábata simplemente e vèrnis pa tapa e berdadero carácter y condishón colonial rassista corupto di Antilla. Autonomía, manera nós a splica na diferente ocashón, tábata un ilushón. Esey no ta nificá qu den transcurso di tempu macamba méster a cede influencia y dominio colonial rassista.

¿Den cua sentido macamba méster a cede poder colonial rassista? Na nivel di educashón na papiamentu, culturalmente cu un rebibamentu y reafirmashón di nos cultura y patrimonio. Diferente expreshón cultural manera tambú, a sali for di scuridad. Reafirmashón di nos idioma papiamentu.

Declarashón Final tá un Solushón Final, un Endlösung estilo macamba, un Declarashón Final di Dominio Colonial Rassista Abrí y Total contra nós pa controlá, o al menos purba controlá sociedad antillano na tur nivel. Instrucshón di miníster di husticia macamba p.e. tá un instrumento mas di còntròl. Un campo di concentrashón qu llama bantustán. Tá eleméntonan clásico di un sistema di apartheid y bantustán qu «rooineknan» macámbanan manera e de Klerknan y Vervoertnan a crea na Suráfrica.

Den e artículo Educashón Clásico y Papiamentu na 2007, dos aña pasá, nós a scirbi lo siguiente:

«Y cu un capítulo mas den historia colonisadó na caminda, o sea mas di e mesún receta for di día qu nos tá colonia, y e mero echo qu abiertamente y sin ningún clase di escrúpulo ta bai tin còntròl directo riba nos mes presupuesto, nos mester queda pendiente di còrtamentu den presupuesto pa p.e. educashón na papiamentu, desarollo di papiamentu como idioma mama y hasta expreshón cultural popular (p.e. Kas di Kultura).»

E miníster di Educashón macamba Plasterk a llama hulandés e «elemento di coheshón» den reino macamba. Idioma di tur colonisadó sémper tábata un arma di opreshón y dominio. ¿Na 2009 esey di ripiente no tá e caso mas? E concepto «elemento di coheshón» den nos contexto colonial rassista, caminda idioma macamba tá un instrumento mas di dominashón y opreshón, tá un ehemplo pa excelencia di loque tá prostitushón di idioma, o sea llama dominashón, coheshón. Esaqui a sali for di boca di un supuesto izquierdista, un supuesto progresivo. Nós tá preparando un artículo específicamente dedicá na prostitushón di idioma.

Chin Behilia tin razón, macamba a penetrá y tá penetrando sociedad antillano na diferente nivel: financiero, económico, hurídico, fiscal, social, ético y moral. Tá falta e proceso final aquí pa, den nan concepto, llega na un còntròl total o totalitario; estilo fascista nazi. Nán tin experiencia ya cuátershen aña. Den loque nós ta diferenciá cu mayoría tá qu e proceso di colonisashón sémper tábata, tá y sémper lo tá e meta principal. Inclusive na un país soberano manera Sürnám, caminda ya pa algún tempu tin 5000 macamba ta migra bai alla, tá creando e mesún problema fundamental rassista macamba: un presencia demográfico macamba sustancial ta crea apartheid y segregashón. Tá genético.

Históricamente macamba tá contra nos emancipashón, soberanía y independencia. Macamba tá enemigu di nos proceso di emancipashón. Permití macamba penetrá, ta nificá crea cabai di Troya den nos sistema di maneho y gobernashón di nos sociedad. Laga macamba controlá e structúranan di còntròl manera polís, husticia y procuraduría general y fiscalía tá complementá e proceso di còntròl, opreshón y dominashón y ta transformá e structúranan aquí di còntròl den structúranan di represhón totalitario fascista rassista nazi.

Sémper macamba lo ocupá e puéstonan clave. A bai asina leu qu según e areglo nobo por nombra macamba na calque posishón publico. P’esey ora nós papia di colonialismo, nós ta papia di rassismo. Colonialismo tá inseparábel di rassismo. Colonialismo tá den su esencia, den su fundamento rassista. Colonialismo tá rassismo pa excelencia.

Día a cuminsá cu e proceso di balcanisashón di Antilla y anecshón di BES, nós no a realisá nós qu BES políticamente y geopolíticamente ta bai crea un problema pa nós.

Na promé lugá lo crea un situashón na Boneiru qu lo resultá den un posishón minoritario di boneriano. Ya den corant a Sali un artículo qu dénter di algún aña, boneriano lo tá minoría. ¿Y quen lo tá mayoría? ¿Y qui posishón boneriano lo tin ocupá den e sociedad ey, totalmente cambiá? Boneiru lo tá e promé ehemplo di institushón siglo XXI di apartheid moderno. Boneiru lo tá un bantustán oficialmente.

Mañán nós lo (purba) sigui cu e serie aquí.


Papiamentu Bibu