Un biaha mas Antilliaans Dagblad. Fecha 7/6/2010.
Prominentemente riba portada ta sali e siguiente informe: «Onderzoek BC-gate stokt».
E supuesto BC-gate tá relashoná cu e supuesto deliberashonan secreto entre anterior miembro di UPB (partido di Booi) Anthony Nicolaas y Jopie Abraham (líder di PDB) na Boneiru pa tumba gobièrnu di Booi.
Ora lo a sali den publicidad documéntonan secreto tocante e supuesto deliberashonan, a través di e representante colonial local Goedgedrag, a duna directamente òrdu na Ministerio Público pa cuminsá un investigashón.
Antilliaans Dagblad ta raportá loque anteriormente a sali den prensa, qu representante colonial local Goedgedrag a ordená (AD ta papia di «solicitá») cuminsá cu un investigashón.
E òrdu aquí no ta bini di Goedgedrag, sino di su doño di trabóu: gobièrnu makkkamba. Goedgedrag por tá antillano, pero e tin qu duna cuenta y razón na makkkamba. Goedgedrag tá numa un portabós, un mucha mandá. Makkkamba ta nombr’é y makkkamba ta core cun’é. Por lo tanto e òrdu di Goedgedrag tá un òrdu qu ta bini directamente for di seno di gobièrnu makkkamba. Goedgedrag su posishón tá comparábel cu esún di Reichskommisar Seys Inquart den tempu di ocupashón nazi di Makkkambalandia. Un diferencia: a scohe un figura local pa tapa e carácter colonial feudal berdadero di loque gobernador realmente tá: un representante colonial makkkamba qu tin qu sirbi interesnan makkkamba.
Goedgedrag tá e figura colonial clásico tormentá pa cuátershen aña di crimen colonial qu Franz Fanon a llama e hòmber pretu cu másquer blancu.
E òrdu colonial di persecushón tá un prueba contundente, visíbel di loque nós ta bisando mashá tempu caba:
Den nos contexto colonial feudal, Ministerio Público tá e brasa colonial represivo makkkamba.
E òrdu colonial di persecushón ta proba otro asuntu: qu separashón di podernan di estado (e supuesto Trias Política di Montesquieu), en todo caso dénter di nos contexto colonial feudal, tá un GRAN MENTIRA.
Título di e artículo qu awe nós ta someté na escrutinio, tá otro prueba di mentira colonial. Laga nós mira.
Después qu formalmente Abraham di PDB a colaborá pa makkkamba por a concretisá nan empeño di anexá Boneiru, ¿qui importancia aínda persecushón di Nicolaas y Abraham por tábatin? NINGÚN.
Qu, según AD, Ministerio Público na Antilla no tin suficiente fondo pa caba cu e «caso» y ta dependé di makkkamba, ta nificá qu Ministerio Público Antilla tá un extenshón di Ministerio Público na Makkkambalandia. P’esey, inconscientemente e reportero di AD René Zwart, a CONFESÁ ora den su subtítulo el a scirbi «OM Willemstad», confesando asina qu OM den reino makkkamba tá un entidad so. Willemstad tá un sucursal qu ta sirbi persecushón y represhón colonial rassista makkkamba.
Ministerio Público tá e brasa colonial represivo makkkamba pa persiguí esnán qu ta bai contra nan interesnan colonial económico y financiero. Y pa sirbi tal meta, makkkamba tin còntròl riba Ministerio Público. Pa sirbi tal motibu quièr controlá Procurador General a través di e notorio Instrucshón directo di Miníster makkkamba di Represhón (eufemísticamente llamá miníster di husticia) na Procurador General local.
Mundu Contrali. Cu mentira, día adén-día afó, a crea un mundu contrali na realidad. Un mundu contrali totalitario qu ta pretendé qu nos tá criminal y qu makkkamba méster controlá di forma total o totalitario, precisamente e instruméntonan qu directamente ta sirbi represhón manera curpa policial, Ministerio Público y Magistratura. Ta trec’é di un forma sutil qu arguméntonan falsu manera traficashón di droga, terrorismo, crimen internashonal, estado di derecho y tantu otro mentira y falacia. ¿Paquico? Na promé lugá pa controlá, reprimí y persiguí pa por mantené nan còntròl colonial económico y financiero pa por sigui dominá y explotá teritórionan qu nán ta ocupá. Y particularmente den nos caso pa uza nos cas como base pa dominashón y agreshón militar contra Caribe y Latinoamérica. Na di dos lugá pa pretendé qu nán còntròl di taréanan vital manera aparato hudicial tá necesario pasobra nós mes no tá capás. Nán supuestamente SÍ ta sirbi husticia.
Mundu Contrali pa excelencia: Precisamente esnán, makkkamba, qu ya pa cuátershen aña tá cometiendo crimenan contra nos humanidad, tá ocupando nos cas, tá violando e ley fundamental di libertad di un pueblo, precisamente makkkamba ta pretendé di tene husticia na altu. MENTIRA.
Tá totalitarismo pa excelencia: un pueblo, makkkamba, ya no ta realis'é qu e tá violando e derecho natural fundamental di tur derecho qu tá LIBERTAD. E MENTIRA tá asina perfecto, qu un pueblo, prácticamente den su totalidad, no ta realis´'e qu tá privando otro pueblo di su derecho natural fundamental radical qu tá LIBERTAD.
E caso di BC-gate, Godett, Komproe y tantu otro caso no ta sirbi husticia, sino única- y exclusivamente interés colonial económico y financiero makkkamba. Nós tur, SIN EXCEPSHÓN tá desechábel y eliminábel. Còntròl di nos aparato hudicial tá esencial pa eliminá, chantaheá, extorshoná, persiguí y eliminá tur esnán qu ta stroba nan dominashón colonial financiero económico rassista di nos cas.
Nota final: por lo tanto loque AD a llama «solicitá», tá prostitushón di idioma. Ministerio Público, a través di gobernador, ta sigui òrdu directo for di Makkkambalandia.
Conclushón Final:
¿Con bin di ripiente a caso di BC-Gate tá dretando publicidad di nobo? O sea, ¿paquico di ripiente ta menshoná e dificultadnan qu Ministerio Público lo tábatin cu e caso? Atrobe e referéndum na Boneiru tá hungando un papel importante.
Recientemente Boneiru a aprobá un referéndum 10 día promé qu e infame fecha 10-10-10. Diés día promé qu e fecha ey, a pone un bòm bou di e planan colonial makkkamba.
Sin e decishón boneriano di tene un referéndum, BC-gate lo a muri un morto tranquil pasobra el a cumpli su mishón di someté Boneiru na dominashón colonial rassista makkkamba.
Awor qu Boneiru a pesar di tur clase di chantahe a dicidí di tene un referéndum, pa colmo diés día promé qu e infame fecha di 10-10-10, ta bolbe saca e garoti colonial for di cashi pa chantaheá.
No tin pió ciegu qu esún qu n’ que mira.
Día troca MENTIRA MAKKKAMBA pa BÈRDAD nós lo lanta para y cu convicshón y amor patrio logra nos Independencia.
Papiamentu Bibu
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario