Un revista-laboratorio dedicá na poesía, proza, ciencia, arte, música, historia, política na papiamentu
El amor, madre, a la patria
No es el amor ridículo a la tierra
Ni a la hierba que pisan nuestras plantas.
Es el odio invencible a quien la oprime.
Es el rencor eterno a quien la ataca.

Jose Martí

7/30/2009

«Nán ta haci nogoshi cu nos yunan»

E simán aquí, un biá más, diferente di nos yunan a bolbe sali for di cas pa bai sigui studia na e país y biba entre e héndenan qu ya tin nós cuátershen aña ocupá.

Laga nós pone un banda, pa un ratu, tur pensamentu y principio anti-colonial. Nós ta manda nós yunan den exilio pa un país qu ya mashá tempu no tin ningún reputashón di excelencia académico, si acaso algún día nán tábatin un bon nòmber. Nivel, y por lo tanto, calidad educashonal macamba tá di tercer rango. Sistema educashonal macamba tá un sistema di producshón masivo qu un producto mediocre na final di e banda transportadó. Enter e sistema tá remodelá pa sirbi solamente economía, e aspecto humano no ta conta. ¿Y cua tá e aspecto humano? Qu na promé lugá calque sistema méster sirbi hende y méster forma hende, y no contrali.

«Nán ta haci nogoshi cu nos yunan», un mama a reclamá na televishón durante un entrevista ora tábata tuma despedida di nos yunan. ¡E mama dushi aquí no por a imagin’é con el a dal e clabu riba su cabés! ¿M’a e tá realmente consciente qu nós tá nogoshi pa macamba ya cuátershen aña? ¿Qu nós tá un recurso mas pa macamba? ¿E tá consciente qu mandando nos yunan Paisnan Abóu, for di unda un gran mayoría no tá bolbe, nós tá desarollando Paisnan Abóu? Tá tragedia di nos condishón colonial ya cuátershen aña. Na ningún momento a través di e cuátershen áñanan aquí macamba a desarollá nós, sino totalmente contrali. Nós ta desarollá nán. Nos recúrsonan, nos tera, nos héndenan, cu tur loque nós tin, ta desarollá nán.

¿Qui día ta bin un cambio den esaqui? Día nós descolonisá, independisá pa poco-poco nós cue rumbo pa soberanía. A partir di nos independencia, caminda lo tá largu aínda. No ta sacudí quita cuátershen aña for di nos lomba. E structúranan feudal y colonial, e asimetría social qu un élite macamba dominante na cabés no tá algu qu ta bòltu cambia di un día pa otro. Ma a cumpli cu esún condishón pa cuminsá trece cambio, independencia, pasobra awor simplemente nós por cuminsá tuma decishón pa nós mes. Nós por dicidí cu quen nós ta atendé y cu quen nò. Nós ta dicidí quen ta drenta nos cas y quen nò. Esey ta nificá qu nós mes por dicidí unda nós ta manda nos yunan bai studia. Y nós por protehá nos mercado laboral pa asina tin trabóu pa nos yunan, si nán dicidí bolbe cas algún día.

Asina so nós por cuminsá crea e condishonan qu ta permití crea bienestar y progreso berdadero, creando e condishonan qu ta pèrmití e yunan qu quièr, bolbe cas y duna un aporte patriótico na desarollo.

Cu independencia, en principio, tur cos tá posíbel.

Papiamentu Bibu

7/23/2009

Base Militar Strañero

Imperio mericano, di cua macamba ta forma un parti integral, quièr sigui expandé militarmente. Aparte di cientos di base militar ya na mundu bou di mando di diferente centro di operashón militar manera Southcom, Northcom, Africom etc., awor e compleho germano quièr cuminsá operá cuáter base militar na Colombia. Tá parce un contradicshón qu un imperio, awor qu su stabilidad social, económico y financiero tá más débil qu nunca, qu su estado financiero ta unu di bancarota, ta sigui expandé militarmente. Loque ta parce un contradicshón a primera bista, tá consecuencia lógico di naturalesa di un imperio. Un imperio qu ta tambaleando, nò, qu ta den su proceso di decaimentu (algu qu por dura algún década te algún siglo), sémper ta purba reafirmá y/o reconquistá teritorio pa sigui dominá y explotá.

Nós, Antilla, qu parce un granito den e gran huega di ahedrés aquí, tin un posishón importante pa loque ta trata nos posishón for di cua e compleho militar-económico-financiero ta operá pa controlá, dominá y explotá patria caribo-latinoamericano. Macamba ta forma un eslabón di importancia, pasobra macamba ta haci loque su doño ta manda bisé, mientras tantu su interesnan ta queda salbaguardiá.

Den e contexto aquí e diferente guéranan qu mundu noroccidental germano, entretanto alemán a bira un miembro activo, ta hiba na mundu ta toca nós tambe. E guéranan di ocupashón genocida contra nos rumanan iraquí, afgano, paquistaní, iraní – y den pasado vietnamés, coreano etc. etc.. - tá tambe nos guera. Tá e mesún guera qu ya algún siglo germánonan ta hiba contra nós. Tin dos opshón: o sucumbí como catibu o resistí.

Obama den su campaña político pa presidencia di Merca tábata cla. Merca mester reafirmá y reconquistá su posishón di liderazgo y influencia na América Latino. Eufemismo pa dominio y explotashón. Definitivamente Merca a pèrdè influencia y dominio na América Latino. Tin diferente momento y desarollo qu tá indicativo. Derota di e plan neoliberal TLC (Tratado di Liber Comercio). Creashón di Mercosur cu un posíbel expanshón incorporando Venezuela. Creashón di Unasur, un modelo di integrashón y cooperashón, inclusive di seguridad. Creashón di Alba (Alianza Bolivariana para los Pueblos de nuestro América) sin participashón yanqui (o sea tambe macamba). Creashón di modélonan di cooperashón y solidaridad manera Petrocaribe. Decishonan manera derogamentu di e resolushón di 1962 qu a expulsa Cuba durante último asamblea general di O.E.A. na San Pedro Sula na Honduras. Ya mundu latinoamericano no ta balia na nan amèn.

Imperio tá e mesún imperio. ¿Quico a cambia? En bes di su tradishonal cara germano, Imperio a haña un capa di vèrnis pretu pa confundí sobrá di mundu. Obama lo no retirá trópanan mericano manera el a primintí. Obama a intensificá e guera na Afganistán y a ampli’é te den Paquistán. Obama a autorisá e gòlpi di estado na Honduras. Obama a cumpli cu su obligashón como comandante en hefe di baña su manan den nos sánguer pa proba qu e ta haci loque a mand’é haci. Obama, manera ya nós a scirbi, tá ideológicamente contaminá. Obama tá, pa papia cu Franz Fanon, di cueru pretu, másquer blancu.

Den e contexto histórico aquí lo crea e básenan militar yanqui na Colombia. Nán, manera e básenan militar strañero yanqui y macamba na Antilla, t’éy pa inherencia colonial, invashón colonial y dominashón colonial y explotashón colonial. Cu e métanan aquí Imperio a resucitá su Cuarta Flota Imperial. No pa changa porco, ni pishiporco.

Tin un otro motibu di gran importancia pa cua ta crea e básenan aquí. Tin dos manera mas di controlá y dominá un nashón soberano y independiente, aparte di gòlpi di estado, magnicidio, invashón, revolushonan di coló guiá pa organisashón no-gubernamental. Unu tá económico y financiero a través di mecanísmonan manera Fondo Monetario Internashonal y Banco Mundial. E manera aquí ta funshoná especialmente cu paisnan póber y/o débil. Antilla tambe tá testigu di e manera aquí. Un país ricu na fuéntenan natural difícilmente por queda chantaheá.

E otro manera probá, desintegrashón di Unión Soviético tá ehemplo, tá impulsá un careda armamentista. O sea, crea un realidad y un sentido di menasa y obligá Venezuela invertí demasiado capital den defensa y armamento, capital qu por a invertí mihó den combatimentu di pobresa, desarrollo humano, salubridad, educashón etc. etc., creando di tal manera problémanan social y asina debilitá sociedad venezolano di padén.

Papiamentu Bibu

7/22/2009

Lectura Recomendá

Nós tin basta día sin publicá. Awe, después di basta tempu, nós ta bolbe presentá un lista di lectura recomendá.

E lista tá un poco largu.

From WW II To WW III: Global NATO And Remilitarized Germany
- by Rick Rozoff - 2009-07-15
One of the main objectives of NATO was to rearm Germany as a military bulwark

Towards a Global Currency?
- by Michel Chossudovsky - 2009-07-20
Towards the integration of the Dollar and the Euro?

Ignorance in America.
- by Prof. John Kozy - 2009-07-17

Washington behind the Honduras coup: Here is the evidence
Repression intensifies
- by Eva Golinger - 2009-07-15

Colombia y Panamá, escalas del dinero sucio
Cómo EEUU financia la desestabilización en Latinoamérica
Allan G. Greenberg

América Latina 1760-2010 (I)
América Latina 1760-2010 (II y última)

El SouthCom toma el poder en un Estado del ALBA
Thierry Meyssan


Bases militares gringas en Colombia
.
Renacen objetivos norteamericanos de agresión

Pakistan-US plan falls into place

7/16/2009

Racismo Macamba: “Dringend! Geen Marokkanen!”

sitestat

Palabra del Día: Sonámbulo

En los seres humanos el sueño tiene cinco fases, durante las cuales se reduce la intensidad de las ondas cerebrales hasta alcanzar un estado de profunda relajación. Esta baja actividad se mantiene en el hipotálamo ―donde reside la conciencia― y en el córtex cerebral, que controla los movimientos del cuerpo. En el caso de los sonámbulos, las ondas de cierta área del cerebro son irregulares, por lo que no cumplen con la función de inhibir la región motora. Se ha descrito el caso de una persona que escaló un monte y sólo se despertó al llegar a la cumbre, desde donde fue rescatada por bomberos. Éstos se sorprendieron de que hubiera llegado allí, habida cuenta de las enormes dificultades que ellos mismos experimentaron para alcanzar el lugar, a pesar de estar despiertos y bien equipados para escalar.

El sonámbulo es, pues, una persona que camina (o ambula) mientras duerme. La palabra proviene del latín somnus (sueño) con el verbo ambulare (caminar).

7/14/2009

Macamba mes ta demostrá quen macamba tá: Hipocresía Macamba

Macamba mes ta demostrá quen macamba tá. E único cos qu nós tin qu haci tá mustra dede riba e asuntu pa hende comprondé. Un macamba racista colonial fascista nazi no por tapa bèrdad. Ni masque quico qu e haci. Bula ariba, cai abóu: algún momento su naturalesa colonial racista fascista nazi ta bula sali for di su casca delegá.

Awe AD ta menshoná qu for di awor e nazi Brinkman di PVV sémper lo por participá na reunionan parlamentario den cuadro di ‘relashon di reino’. Notábel tá qu PVV a entregá un moshón den parlamento macamba apoyá pa Raak di SP y Halsema di GroenLinks. Pues izquierda y derecha extremo nazi macamba a uni den un solo frente contra nós. Tambe PVV tá sigur di apoyo di e otro partido supuestamente izquierdista PvdA. E hipócritanan di izquierda, manera sémper tá e caso den contexto di política colonial macamba, no tá contra colonialismo, no tá contra e echo qu continuamente Brinkman ta ofendé nós. Na nòmber di ‘democracia’ ta permití e nazi Brinkman participá na futuro reunionan sin cuestioná su ofénsanan, su insúltonan y su naturalesa fascista nazi. Esaqui tá realidad di política macamba.

E otro noticia tá, no tábata falta mas, tambe di squina di supuesto política izquierdista. E biaha aquí di parti di GroenLinks na boca di un tal van Gent, parlamentario pa dicho partido y qu tin Antilla den su cartera parlamentario. E artículo a sali tambe den AD (p.5) caminda e fracshón di GroenLinks ta scandalisá pa un supuesto intimidashón di un representante di NJCM (Nederlandse Juristencomité voor de Mensenrechten) den su supuesto intento di investigá e situashón di deréchonan humano na Antilla.

Na promé lugá, no ta menshoná quen, qui día o ora, na qui momento, bou di cua circunstancia por a menasá e representante aquí. Tá cómodo y fácil acusá sin duna mas detalle y confia den palabra di un persona. E artículo tin tur aspecto di sensashonalismo barata, di redu. Na di dos lugá calque informe tocante deréchonan humano na Antilla ta haci e régimen colonial macamba directamente responsábel. Pasobra hustamente violashón y trapamentu di derecho di un pueblo ya casi cuátershen aña ta e violashón mas flagrante y bárbaro di deréchonan humano.

Calque referencia na deréchonan humano na Antilla, ta directamente relashoná cu e violashón di nos deréchonan ya casi cuátershen aña. Tá ehemplo clásico di hipocresía y complicidad tantu di e representante macamba di NJCM como di e supuesto izquierdista progresivo van Gent papia di supuesto condishón di deréchonan humano na Antilla sin considerá, nota, raportá y finalmente denunciá y rechasá abiertament y públicamente e violashón mas palpábel y flagrante di violashón y trapamentu di nos deréchonan humano ya casi cuátershen aña.


Papiamentu Bibu

Palabra di Día: Sincretismo

Esta palabra hace referencia a un sistema consistente en conciliar los principios de varias doctrinas, religiones o filosofías. Entre los griegos, los cretenses tenían fama -merecida o no- de ser poco sinceros, por lo que la palabra kretizein (portarse como un cretense) pasó a significar 'portarse como un impostor'. El vocablo synkretikós fue acuñado por Plutarco para designar la fusión de culturas ocurrida en Roma unos tres siglos antes de Cristo.

Plutarco le aplicó el prefijo syn (con) para crear syncretikós (el que se alía con un adversario contra un tercero). En la época moderna, este vocablo de casi dos milenios de antigüedad, fue retomado para designar el movimiento encabezado en el siglo XVII por George Callixtus, que proponía la unión de las religiones protestantes entre sí y con el catolicismo. Actualmente se emplea en el portugués de Brasil para referirse a la incorporación de elementos de las religiones africanas en los ritos católicos, identificando a Yemanjá, la diosa africana del mar con la virgen María, o a San Jorge con el "santo guerrero" de algunas religiones africanas.

Fuente: www.elcastellano.org

7/07/2009

Bou di Solo di Candela a der'é...

Riba un día manera awe nos tata a fallecé diesnuebe aña pasá. E siguiente poema di Antonio Machado nós a traducí y dedicá na su felís memoria probablemente no mashá tempu después, tristu y desconsolá.


Bou di solo di candela a der’é
un atardi horibel na luna di yüli.

Na un paso je tumba habrí
tábatin rosa cu pétalo putrí
entre geranio di aroma áspero
y flor còrá. Shelu tábata
puru y blou. Tábata supla
Un airu fuerte y secu.

Na cabuya diqui cologá,
pesadamente, dos sepulturero
a laga e caha di morto baha
den fondo di e graf.

Y sosegando, el a zona cu gòlpi fuerte,
solèm, den silencio.

Un golpi di caha di morto riba tera
tá algu perfectamente serio.

Riba e caha pretu bultu di tera
llen di stòf tábata cai.

Airu tábata hiba e blanquecino
rosea for di e hundu graf bai cun'é.

Y abo, sin sombra ya, drumi y sosegá,
pas largu na bo huésunan…

Definitivamente,
drumi un soño tranquil y berdadero.

Antonio Machado

© 2007 Papiamentu Bibu

7/06/2009

Narco-Estado Macamba

Durante un transmishón di NOVA titulá Nederlands drugsbeleid loopt uit de hand, lo siguiente a sali na cla:

Organisashonan criminal na Paisnan Abóu ta producí un promedio di 20 pa 30 billón euro pa luna. Ta nificá realmente qu su producshón tá mínimo 30 billón euro. Acerca ta bin nogoshi den otro droga manera cocaína, marihuana, heroína y XTC (macamba tá campeón mundial exportashón). Na su turno relatá na esey tin traficashón di muhé (prostitushón), industria pornográfico y pornográfico infantil, bienes raís (tereno, cas y edificio comercial/industrial), labamentu di placa di droga, eféctonan pa cu otro sectornan di economía a través di emprésanan (construcshón, banco y otro tipo di comercio e industria), wega di placa (casino), e supuesto industria caritativo, especialmente pa tercer mundu a través di e supuesto organisashonan no-gubernamental (ONG o NGO), traficashón di mucha, turismo di droga etc. etc. Tur esaqui ta bon pa billones y billones di euro qu no tá actividad comercial/económico/financiero na margen di sociedad macamba, sino apórtenan esencial y fundamental na economía macamba. Acerca ta bin casi cuátershen aña di pártinan grandi di mundu. Por lo tanto ta trata di e perfil di un berdadero banda di criminal y ladrón. Acerca ta bin mal uso na gran escala di teritorio antillano (incluyendo Aruba) pa ocupashón colonial. Esaqui ta sosodé na un escala gigantesco y cu un desbèrgüenza publico di tal índole (e supuesto franquesa macamba) qu no por tá otro qu diferente persona for di sector público y sector privá ta activo den esaqui (polis, husticia, defensa, política, comercio).

Laga nós no lubidá e otro pata tradishonal qu a producí nan Siglo di Oro: explotashón y economía di campo di concentrashón basá riba deportashón, sclabitud y genocidio.

¿Quico tá e máximo ehemplo di corupshón? E rassista Brinkman qu ta bati nos cabés continuamente mientras su Paisnan Abóu tá e máximo ehemplo di corupshón. ¿Quico tá e máximo ehemplo di corupshón? Reichskommissar Bijleveld, como representante di e ocupadó y defacto regente colonial di Antilla y Aruba, qu recientemente a bisa qu p’e sclabitud tá pasado. Nos pregunta na Bijleveld tá: ¿for di qui día e burdugu ta dicidí qu tá basta?

No méster straña nós. Na su concepshón, su parto, su génesis estado macamba tábata corupto. Macamba no a bringa su independencia como contraparte bélico, sino como un estado pirata terorista, qu tábata emití licencia na candidato-pirata-terorista pa ehecutá áctonan terorista na nòmber di estado.

E enfermo crónico, awor casi cuátershen aña, cu tempu no ta sinti su enfermedad mas. E patología aquí a bira parti di nan código genético qu macamba no ta percibí mas como un desviashón patológico humano. Al contrario.

Papiamentu Bibu

7/01/2009

Honduras y Gòlpi di Estado

Diferente hende a llama e gòlpi di estado na Honduras Obama su promé gòlpi di estado na América Latino. Entre nán ta figurá e escritora y revolucionario Eva Golinger. Riba e día di e nefasto gòlpi di estado contra e único y legítimo presidente hondureño Manuel Zelaya, Presidente Chávez den óranan di atardi, ya después di 8 ora qu e gòlpi a transcurrí, corectamente a bisa qu esún qu na e momento aquí no a rechasá e gòlpi di estado tá sospechoso. Y asina tá. Errol Cova dialuna den un corant local a laga sa qu e administrashón colonial local di De Jong méster expresá su solidaridad cu pueblo hondureño.

Cova méster sa qu un acto asina tá prerogativa colonial di gobièrnu macamba (Statüt). Den e asuntu aquí De Jong-Elhage no tin ni bos ni voto. Nós tá colonia.

Nós for di e página aquí di expreshón líber y bibu ta expresá nos solidaridad incondishonal cu Presidente Zelaya. Pueblo hondureño su lucha tá nos lucha a través di e gran patria latinoamericano y caribe. Na e momento aquí nán ta forma e frente di batalla directo contra imperialismo mericano-macamba-inglés. Otro frente di batalla ta esún di nós contra colonialismo o opreshón racista macamba. Tá e mesún batalla.

Nós no por bacilá, totobiá, tambaleá ni duda. Nan lucha tá tambe esún di nós. Nós ta bringando e mesún lucha pa quita e yugo di opreshón y realisá berdadero libertad, berdadero soberanía, berdadero pas, berdadero husticia, berdadero bienestar y berdadero progreso a través di nos gran patria caribo-latinomericano, e gran meta di Libertador Simón Bolívar.

Papiamentu Bibu