HIMNO Y BANDERA

Mañán tá día di bandera.

Diferente bandera pegá na auto. Hende dòrná na bandera.

Mañán lo sali palabra virtuoso for di boca di hende qu ni siquiera ta quere den bandera y himno y no tá digno di duna rèspèt na bandera y himno.

Asina m'a topa cu un conocí den un supermercado. Nós a intercambiá saludo, puntra con tá bayendo cu cada unu su bida. "Bó tá tur dòrná", mi di. "Bó sa, e díanan aquí nós méster tá mas uní qu nunca. Y loque bó ta mira tá desunión", el a contestá. Mi pregunta tábata: "Qui bal bandera y himno, sin patria?" "Mí tin patria!", tábata su contesta indigná. "Ma patria ta nificá independencia y soberanía", m'a contest'é. "Por lo tanto qui bal bandera y himno, sin independencia, sin soberanía, sin libertad?"

Cu e último remarque, e tábata evidentemente desubicá. Ni siquiera el a bisa ayó.

Den su Discurso de Angostura, prócer y Libertador Simón Bolivar a formulá diferente idea, concepto fundamental, bálido ayera, awe y mañán. Mí ta cita dos:

"Por el engaño se nos ha dominado más que po la fuerza"

"Un pueblo ignorante es un instrumento ciego de su propia destrucción"

Awe na inicio di e campaña presidencial comadante Chávez di:

"Lo que está en juego es la independencia nacional. En primer lugar."

Independencia tá e PROMÉ CONDISHÓN pa por logra tur sobrá. "Sin independencia, nada tá posíbel. Cu independencia, en principio, tur cos tá posíbel", e independentista sürnam Marcel Kross a bisami na diferente ocashón.

Bandera y himno tá expreshón bibu di un patria líber, independiente y soberano.

M'a primintí mí mes qu lo mí tene e reflecshón còrticu.

Qu aínda después di cuátershen aña maKKKamba tá ocupando nós cas, tá basá riba ignoransha y mentira. Concéptonan manera Estado di derecho, país, país Kòrsou, democracia, bandera, himno etc etc NO TIN NINGÚN BALOR tanten nós tá colonia. Cada unu tá atributo di un patria líber, independiente y soberano caminda no ta existí arbitrariedad KKKolonial maKKKamba.

Qu ignorántenan y bendepátrianan ta usa nán, tá obvio. Qu soberánonan y independentístanan ta usa nán, tá grave.

Na nós qu ta quere incondishonalmente den independencia, laga nós sigui canta nos himno na bos altu y sigui alsa nos bandera como speransa firme y inquebrantábel den un patria líber y independiente.

Y esnán qu no ta quere den indenpendencia? NO CANTA NADA. NO ALSA NADA.

PB




E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).