E día después. Na moda di bisa. Nós a duna un indicashón general (awendía hende lo bisa «global») con, den nos caso, mecanismo di e proceso di independencia lo por cana. E tá análogo na e proceso di independencia di Sürnam. Su «parentesco» tá directamente relashoná cu e factor común: den ambos caso nós tin di aber qu e mesún colonisadó. Y e colonisadó su punto débil no tá variábel. Al contrario, su punto débil, for di día qu nós tin di aber cun’é a queda constante, invariábel.
Nós a pensa di tuma un poco distancia di escrítonan directamente político y dedicá mas tempu na literatura. Pues, nós tá sintiendo nós culpábel qu en especial e traducshón di Divino Comedia su tercer canto no tá cristalisando. Ma e último desaróllonan tá obligando nós duna nos opinión, un bes mas.
Recientemente a surgi un discushón entre Don Martina y Omayra Leeflang riba e supuesto «autoridad di duna instrucshón» qu e miníster hulandés lo méster tin pa cu procurador general colonial na Antilla (sí, e futuro Antilla restructurá). Evidentemente e futuro procurador general lo tá un macamba.
E asuntu aquí a ocashoná mashá discushón. E discushón mas notábel tá esún qu a surgi entre Omayra Leeflang y Don Martina.
Na promé lugá un bes mas Leeflang, qu mil y un teoría, atrobe ta incliná na censura ora algu no ta bai manera a quièr.
Na di dos lugá, méster remarcá qu e discushón entre Martina y Leeflang, tá emblemático pa e carácter infantil di hiba política na Antilla. O sea, e tá «infantilisashón» di nós forma di hiba política. Esaqui tá consecuencia directo di nos historia. Definitivamente no por consideré como un debate na nivel di representante di sociedad.
Finalmente, bisa qu e tópico en cuestión tá demasiado compleho y qu un discushón público ta confundí hende, ta expresá menosprecio pa ciudadanía antillano.
E asuntu aquí, mescos qu enter e trayectoria di consolidashón di colonisashón di Antilla, tá un asuntu di tur hende. Por lo tanto, cada persona qu ta sinti’é llamá di bisa algu, tin no solamente e derecho, sino tambe e deber di duna su opinión.
Esún qu ta haña qu no tá un asuntu público, tá, pa mi parti inconscientemente, tuma parti pa e colonisadó.
Na di tres lugá, atrobe, e discushón aquí, mescos qu tur otro discushón qu ta hiba riba e fase di colonisashón aquí, no ta atendé cu esencia di e problema.
Esencia di e asuntu tá: cu e acto aquí Paisnan Abou quièr un còntròl directo riba quen sí y quen no ta persiguí. E instrumento di poder aquí den man di miníster di husticia hulandés tá dun’é «carta blancu» pa atendé cu hende qu no ta cumbiní e colonisadó.
Además, for di punto di bista di derecho di estado, tá inaceptábel qu un miníster di husticia hulandés ta bai manehá e instrumento di poder aquí y no nos propio miníster di husticia. E poder aquí ta afectá directamente e separashón di podernan di estado qu nós conocé como Trias Politica.
Mayoría di nós tá conocí o a llega di tende di Trias Politica.
Trias Politica tá referí directamente na separashón di podernan di estado. Teoréticamente e ta consistí di e siguiente podernan:
1. Poder ehecutivo (gobièrnu)
2. Poder legislativo (parlamento)
3. Poder hudicial (magistratura: tanto curpa di hues como ministerio público)
Obviamente tá trata di un situashón ideal. Méster tene na cuenta qu obligatoriamente, y paradóhicamente, estado ta percurá pa instituí y organisá e tres podernan aquí.
Na Paisnan Abou, miníster di husticia tin e «autoridad di duna instrucshón» na ministerio público di pais. E posibilidad aquí obviamente «ta violá» e principio di separashón di poder ancrá den Trias Politica.
E autoridad aquí tá mará na algún regla. Un di nán tá qu pa por instruí ministerio público directamente, miníster di husticia ta requerí un conseho di Colegio di Procurador.
E pregunta fundamental tá:
¿Paquico Paisnan Abou, pa medio di nan miníster di husticia, quièr tin e «autoridad di instrucshón» pa cu loque méster tá «nós» procurador general?
¿Paquico den un «Antilla Nobo» e autoridad aquí no ta competencia di «nós» miníster di husticia?
¿Paquico Paisnan Abou quièr e instrumento di poder aquí pa asina nán miníster di husticia por duna instrucshón na «nán procurador general colonial»?
Nós tin qu tá cla riba cierto punto:
Statüt tá na un documento colonial racista pa por controlá un teritorio colonial. Pa por logra esey, den e relashonan statutario ta crea figúranan hurídico o figúranan derivá for di e relashón statutario ey. En específico ta formulá e relashón statutario di tal manera qu fácilmente por intervení, sea directamente, sea vía un buèlta. Mas y mas tá llegando e momento qu nós tin qu laga «nos lus» cai riba Statüt. Otro día.
E exigencia di Paisnan Abou tá e di tantísimo prueba di un poder strañero colonial qu quièr tin algu di bisa riba nos asúntunan interno.
Autoridad di duna instrucshón na ministerio público méster tá un asuntu interno como parti di maneho di miníster di husticia antillano y posteriormente di Còrçao, si necesariamente nós ta haña qu nós tin qu desmantelá Antilla.
E tá tambe e di tantísimo metementu impropio colonial di Paisnan Abou qu tá un consecuencia directo di e relashonan statutario manera formulá den Statüt.
Pa resumí, duna e miníster di husticia colonial e autoridad di duna procurador general colonial instrucshón, tá violá dos asuntu:
1. Violashón di nós estado di derecho
2. Violashón di nos derecho exclusivo di atendé cu nos asúntunan interno.
Finalmente e tá en pugna cu nos dignidad y nos rèspèt propio (awendía algún di nós lo bisa qu dignidad y rèspèt no ta trece pan riba mesa).
Pa esún qu no tá di acuerdo cu e proceso aquí, tin un solushón so: INDEPENDENCIA.
Una bes independiente, calque «deseo» qu Paisnan Abou tin pa qu un persona implicá den asúntunan ilícito o un crimen qu nán ta considerá di tá di nan interés nashonal, e ora ey tin qu cana e caminda di tratádonan internashonal.
9/11
For di día qu a tumba e dos edifícionan na New York, e notorio 9/11, mundu occidental bou di preshón mericano a cambia di tal manera, qu deréchonan fundamental no ta existí mas. Asina p.e. na Merca Habeas Corpus,[1] loque sémper tá considerá como un derecho fundamental importante, ya no ta existí. Gobièrnu mericano por, cu e pretexto di terorismo, detené un persona di forma ilegal, extrahudicial sin ningún clase di proceso. Y esún qu ta quere qu macamba tá demasiado decente y qu nán sí tá demasiado corecto, y qu nan sistema sí no ta permití esey, nós ta recomendá mira e programa Guantánamo Vught.
Es mas, awendía ya na Paisnan Abou no tá posíbel mas bisa lo siguiente:
Considerando e echo qu Paisnan Abou, bou di responsabilidad y aprobashón di Balkenende tá participando den un guera di ocupashón colonial di Iraq y Afganistán y tá partícipe na bombardeo y genocidio di un pais soberano, nós por imaginá nós qu tin hende qu tá considerá Balkenende un blanco legítimo di represalia.
Ripará bon qu nós no a bisa: Nós ta haci un llamada pa eliminá e criminal Balkenende como un di e actornan di e destrucshón y genocidio na Iraq.
Una bes declarashón final ta haña su ehecushón den tur clase di structura colonial manera un «autoridad di instrucshón», un procurador general colonial, un aparato hudicial mas y mas ocupá pa macamba, magistratura colonial ya caba ocupá den mayoría pa macamba, aparato policial controlá pa macamba, nós lo bai mira con tin be abiertamente, tin be di un forma sutil lo aplicá e aparato represivo aquí y lo cuminsá persiguí esnán qu no tá di acuerdo cu e racístanan colonial macamba aquí.
350 aña di colonialismo racista a proba esey.
PB
E bitácora aquí tá abrí awor pa reacshón. Tur reacshón tá someté na moderashón y solamente lo sali publicá si e "bitacorístanan" ta haña qu ta trata di un reacshón constructivo (no necesariamente mester tá di acuerdo cu nós).
No hay comentarios:
Publicar un comentario