PARista Hel-Còrá

Na caminda pa nombra Norberto Ribeiro como líder político di Partido Democrat, tábata notábel qu realmente no tábatin ataque PARista riba Ribeiro su supuesto traishón. Prácticamente tur noticia relashoná cu e asuntu aquí, tábata superficial.

Bou di George, yu di PARista, Partido Democrat no tábata ni carni, ni pisca. Nunca un ideología fiho y cla. Finalmente como mensahe di campaña político, George a dicidí, impregná pa e tapaqueshi Makamba, di posishoné riba e supuesto liña social-demócrata di ningún hende menos qu Bos di PvdA. E mesún Bos qu na 2006 como OPOSITOR a vota na fabor di expandé presencia militar makamba na Afganistán.

Ribeiro tá PARista di cuna. Den médionan di comunicashón PAR a laga e bulamentu di waya di Ribeiro tranquil. No a ataqué. No a tildé di traishón.

¿Ribeiro berdaderamente a bula waya? ¿O, manera a haci cu MAN, a hinca Ribeiro, PARista di cuna, den barica PD, pa contraarestá LdK y PS den e próximo elecshonan insular?

Nos historia político conocé mas di e cásonan aquí. Asina FOL, después di a uni cu SI bira FOL-SI, a queda oraño di pafó, ma di padén a bira coló marón SI, representando cierto grupo di poder. Aínda tá asina.

Nós mes ta quere qu Ribeiro den PD tá nada mas qu un PARista camuflá di coló còrá. Un cabai di Troya mas como palanca pa logra caba balcanisashón di Antilla y Anecshón di BES.

Pendiente fin electoral di FOL, Ribeiro lo remplasá Godett den un futuro coalishón di asignatura PARista.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).