Encuentro

Entretantu nós a pone algún grabashón for di Youtube di un compositor qu tá fascinante: Osvaldo Golijov.

Golijov tin un ópera titulá Ainadamar. Central den e ópera aquí tá asesinato di e poeta spañó Federico García Lorca. Nós tá scuchando Ainadamar e díanan aquí pa por scirbi un reseña. No tá un empresa fácil, pasobra música pa nós, na promé lugá, tá un «sentimentu».

Adelantando riba e «imposibilidad» aquí, es decir di purba capta sentimentu cu palabra, nós ta publicá aqui un poema di García Lorca for di un di su colecshonan mas importante.

Encuentro

Ni ami ni abo tá
den disposishón
di topa cu otro.
Abo… paquí bó mes sa.
¡Stima mes m’a stim’é!
Sigui e camind’ ey numa.
Na mi manan
mi tin e burácunan
di clabu.
¿Bó n’ ta mira antó
con mí ta pèrdè sánguer?
No mira nunca p’atrás,
bai poco-poco
y resa mané’ mí
na San Cayetano,
pasó ni ami ni abo tá
den disposishón
di topa cu otro.

Federico García Lorca

(for di Poema del Cante Jondo)


© 2008 Papiamentu Bibu



E bitácora aquí tá abrí awor pa reacshón. Tur reacshón tá someté na moderashón y solamente lo sali publicá si e "bitacorístanan" ta haña qu ta trata di un reacshón constructivo (no necesariamente mester tá di acuerdo cu nós).