Poesía Vertical X - 18

Fisúranan interior,
spletnan caminda ta filtra gota pa gota
e líquido diqui y apremiante
je invashón ey profundo
qu nós ta llama orashón.

Orashón, qu n’ tá algu qu ta resa
sino un inclasificábel sustancia
qu n’ tá trahá di un mod’i bisa,
aunque tin be e ta tapa curpa cu palabra
o fragmento di palabra,
manera soño qu ta bisti curpa na fábulanan quibrá,
cu histórianan desarticulá qu ta descarilá[1] pensamentu
y ta encarilá, en cambio, e sagrado asombro
qu ta fura e banda scondí di sernan.

Orashón y soño parce otro:
nán tá dos entidad o elemento
qu ta gotea den e entresíjonan[2] (ploinan) di un nada
qu ta parce algu.
¿Quico lo a ocurí si di ripiente lo a abri
e túbunan ey lento,
e canalnan ey pèrtá
caminda ta filtra orashón
y tal bes soño tambe?
¿Acaso ambos lo mescla cu otro?

Un torente lo lastra hende
for di su propio interior?
¿O tal bes orashón so lo sigui gotea,
gotea implacablemente
cu e mesún ritmo y e mesún midí
p’e abertura imprevisto?

Tá probábel qu orashón tá un parti fiho,
un porshón stabil
je naturalesa di cada hende,
e aplicashón di un discretísimo posología[3],
un cuota inmodificábel manera soño.
E dosis establecí
di un rescate straño y casi abrumador
qu nós ta hiba n’e centro
di nos propio sustancia.

Roberto Juarroz


© 2008 Papiamentu Bibu

---

[1] Sali for di riel

[2] For di Gran Diccionario de la Lengua Española Larousse:

entresijo

sustantivo masculino
1 ANATOMÍA Mesenterio, pliegue del peritoneo que une el intestino delgado con la pared posterior del abdomen.
sustantivo masculino plural
2 Interioridades o cosas ocultas:
le gustaría saber todos los entresijos.
3 ANATOMÍA vulgar Tripas, aparato digestivo.

Signum – Sinónimos del español:

entresijo:

Sinónimos
sustantivo:
dificultad: inconveniente, contrariedad, atolladero, complicación, embrollo
incógnita: misterio, secreto, reserva, ocultación
recoveco: trastienda, retorcimiento

[3] Ciencia qu ta studia dosificashón di remedi.

E bitácora aquí tá abrí awor pa reacshón. Tur reacshón tá someté na moderashón y solamente lo sali publicá si e "bitacorístanan" ta haña qu ta trata di un reacshón constructivo (no necesariamente mester ta di acuerdo cu nós).