Na 2002
cu angustia m’a mira tuma lugá un gòlpi fascista y awor awe 5 di mart, mí
méster a tende qu comandante Chávez a fallecé. Aunque curasón tá pimpá di tristesa,
tá un tristesa resigná.
Un bida
largu dedicá na busca “e mayó suma di felicidad posíbel” di su pueblo y asina
duna contenido concreto y palpábel na e ideal di Libertador Simón Bolívar. Su bida
tábata consagrá na su pueblo. Comandante Chávez tábatin Pueblo den su alma y
cada fibra di su curpa.
Mescos
qu Fidel como ateo y humanista na su manera y den su tempu, Comandante Chávez
como cristián tábata e traductor, traductor político si bó quièr, pa excelencia
di Cristu Rendentor: amor, solidaridad, compashón y humildad.
Awor no
ta e momento pa menshoná tur logro di e traducshón concreto y palpábel di amor,
solidaridad y compashón pa su pueblo.
Nós por
tá tranquil. Tin millones di Chávez. Loque tábata similla ya tá un troncón
fuerte, salú y bunita qu tá fuente inconteníbel y incontrolábel di mas Chávez.
Y pa
papia cu Fidel y parafraseá Fidel: Seamos como Chávez.
Ta quedami
bisa qu Ami Tambe Tá Chávez.
Biba
Chávez!!!!!
E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).
