OTAN

AWE AD den un artículo ta cita dos político PESO FRUMINGA di Christen Unie, figúranan, particularmente nos compatriota Cynthia Ortega, bon confiá y ignorante!

Awor qu BES y particularmente Boneiru a bira teritorio maKKKamba anexá, teritorio HÒRTÁ, AUTOMÁTICAMENTE Boneiru ta cai bou di influensha di OTAN, ni masque maKKKamba bisa qu no tá asina. Asina tá.

Paquico? Pasobra maKKKamba ta miembro di e mesún pandilla criminal miembro di OTAN, lembelansa mericano, fiel cachó di scochi.

Pa mayó facilidad, aquí ta sigui e documéntonan relevante di OTAN:

Documéntonan di OTAN:

THE BRUSSELS TREATY

THE NORTH ATLANTIC TREATY


Un método clásico tá qu nán mes tá ocashoná un problema, un accidente, un incidente como ARGUMENTO FALSU pa bisa qu a atacá nán pa asina activá e mecanismo di AGRESHÓN (E tratado ta llam’é defensa) manera stipulá den artículo 2-6 di THE NORTH ATLANTIC TREATY.

Algún caso clásico di supuesto incidente o provocashón qu nán ta interpretá como agreshón contra nán, tá:

1. E conflicto diplomático entre México y Merca na 1846 qu a duna presidente Polk e pretexto di declará México guera y asina ocupá teritorio mehicano y posteriormente anexá teritorio mehicano.

2. E ataque haponés contra Pearl Harbour di cua nán tábata na altura y mesora a usa pa declará Hapón guera.

3. Tonkin. E supuesto ataque di Vietnam riba e barcu di guera mericano USS Madox den Golfo di Tonkin qu a duna Merca e pretexto pa cuminsá bombardeá Vietnám (Nòrt). Después a resultá qu mericano mes a torpedeá nan mes barcu pa por a usé como pretexto pa nan agreshón militar contra Vietnám!

4. 9/11 tá e último PRETEXTO mas notorio y mas destructivo di e último década. Tin suficiente indicashón qu mericano mes a ehecutá e atáquenan y usa nán después como pretexto pa someté y sucumbí mundu na guera permanente.

9/11 a sirbi como pretexto pa e guéranan contra Afganistán y Iraq. Entretantu bou di marioneta Obama a abri diferente guera di agreshón manera Paquistán, Yemen, Somalia, Libia. Y laga nós no lubidá Palestina, Venezuela, Colombia, Haití, Cuba.

Historia ta llen di e cásonan aquí pa crea e PRETEXTO pa bai guera.

Nós tá na altura con OTAN a habracá y destruí Libia bou di e PRETEXTO di Liberashón. Aqui un artículo riba loque OTAN a destruí y loque Libia tábata:

Destroying a Country's Standard of Living: WhatLibya Had Achieved, What has been Destroyed

by Prof. Michel Chossudovsky
Pueblo qu tá soberano, qu no ta balia na amèn di e criminalnan aquí, qu no ta pèrmití nán haci y deshací na nan antoho, qu no tá sumiso na nan dictádonan, qu no ta duna nán acceso ilimitá pa dos placa na recúrsonan natural manera Cuba y Venezuela, TÁ META di agreshón y destrucshón. Con qu para. Si méster bombardeá e país completo, bombardeá e país na filingrana, bombardeá structúranan civil manera hòspital, iglesia, brùg, scol, tá haci e!

E médionan di DES-INFORMASHÓN MASIVO manera CNN, Fox, NY Times, Volkskrant, NRC, Radio Nederland Wereldomroep, Voice of America etc etc tá haci trabou di cómplice y miembro di e mesún un pandilla criminal. Nán tá e arma mas importante! E médionan di comunicashón tin qu CONDISHONÁ hende promé, pa por aceptá agreshón militar contra puéblonan soberano. Tur tá DIFERENTE CARA di e MESÚN MÒNSTER!!!!!!!

E criminalnan maKKKamba y yanki tá hibando un guera INCONDISHONAL, 24/7 contra loque nán ta llama paisnan forahido, paisnan qu nán a declará enemigu pasobra no ta pèrmití e criminalnan maKKKamba y yanki hòrta bai gol.

E META TÁ AWOR VENEZUELA!!!!!!!!!!

Pa tal meta ya mashá tempu tin diferente mecanismo di guera y agreshón activá pa por FABRICÁ e PERCEPSHÓN qu un INTERVENSHÓN na VENEZUELA (mescos qu Libia) TÁ INEVITÁBEL!!!!!!! Es mas, TÁ NECESARIO!

Un di e fórmanan PRINCIPAL tá pa medio di MATRISNAN DI OPINIÓN pa por HUSTIFICÁ AGRESHÓN, INVASHÓN, OCUPASHÓN.

E matrisnan di opinión principal tá:

1. HUMANITARIO
O sea cu e pretexto qu tá tumando lugá un desáster humanitario, tá invadí. E ehèmpelnan mas recién tá Haití después di e teremoto y awor Libia. Aqui méster adishoná awendía e avalancha di noticia tocante inseguridad na Venezuela pa medio di International Crisis Group na Bruselas.

2. ÁRMANAN DI DESTRUCSHÓN MASIVO
Iraq na 2003 y awor e germánonan (maKKKamba, yanki y inglés) tá ripitiendo e historia cu IRÁN y NÒRT COREA.

3. TERORISMO
Riba e premisa aquí a invadí Afganistán. Promé ta papia di cooperashón cu terorista. Después ta papia di protecshón di terorismo. Finalmente ta papia di albergamentu di terorista. Riba e premisa aquí ta acusando Venezuela di tin relashón íntimo cu FARC, qu Rafael Correa di Ecuador a ricibí cèn di FARC, qu Venezuela ta supli FARC di arma, etc. etc.

4. NARCOTRÁFICO
Mesún historia ta conta. Algún tempu pasá congreso mericano a traha un informe qu ta mustra dede riba Venezuela como un narco-estado. Venezuela, bisiña di e productor mas grandi di cocaína (Colombia), supuestamente tá culpábel di e echo qu Merca ta e consumidor mas grandi di droga. Tur esaqui mientras Nashonan Uní a reconocé Venezuela como un di e paisnan qu ta combatí tráfico y cultivo di droga cu mas eficiencia. Venezuela inclusive a queda declará como país líber di cultivo.

5. MISHÓN Y CIVILISASHÓN o DEMOCRACIA y DERÉCHONAN HUMANO
Si antes mishón y civilisá, ya qu nós supuestamente tá salbahe, tábata e pretéxtonan pa hustificá crimen, sclabitud, dominio, explotashón y genocidio, awor a reemplasá nán pa deréchonan humano y democracia pa por hustificá e mesún áctonan bárbaro.

6. TRAFICASHÓN DI MUCHA
P.e. Haití. Militar maKKKamba bou di pretexto humanitario a SECUESTRÁ alrededor di SHEN MUCHA haitiano DEPORTÁ MaKKKambalandia y bende, a través di supuesto ONG, cada mucha pa 100.000 euro. MaKKKamba a asistí Merca den e invashón qu a tuma lugá después di e teríbel teremoto qu e afectá Hatí.

7. PROSTITUSHÓN (traficashón di adulto)

Loque den AD a parce un artículo inocente qu ta laga dos persona na palabra qu parce un acto noble, tin un trasfondo. Tá necesario mira loque e dos políticonan di Christen Unie a bisa, den su berdadero contexto.

Pa finalisá, cua tá e contexto?

Ya pa mashá tempu tá usando Antilla den nan guera di destabilisashón y agreshón contra nós y  Venezuela en particular! Boneiru lo NO TÁ EXCEPSHÓN!!!!! Al contrario, AWOR qu Boneiru tá TERITORIO maKKKamba anexá, OTAN su frontera OFICIALMENTE a llega te den porta venezolano y cu MAYOR RASÓN lo usa Boneiru pa nan métanan criminal!!!!!!!!

Lo anterior tá e contexto di ocupashón maKKKamba di Antilla: un palanca stratégico den sentido militar, económico y financiero pa sigui hòrta y parasitá riba loque no tá di nán. Ya pa cuátershen aña!

Colonialismo den tur su facétanan tá comparábel cu un parásito. Un mihó comparashón asta tá un tumor cancerígeno, maligno. Particularmente estado maKKKamba tá un estado parasitario, tá manera un tumor.

Riba e comparashón, nós lo sigui otro día.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

INDEPENDENSHA PROMÉ!!!!! SOBRÁ DESPUÉS

Nos rumán revolushonario y soberano Maria Cazabrujos a scirbi awe, 7 di sèptèmber, un comentario riba Erwin Rafaela di Sinta Duru.

Nós tambe a dicidí di reacshoná. Como Rafaela su wall riba Facebook no ta pérmití nós reacshoná, nós a publicá nos reacshón caminda Maria Cazabrujos a pone su reacshón.

Pa pone nos escrito den e contexto corecto, nós ta publicá e nota di Rafaela y di Maria Cazabrujos.

ERWIN RAFAELA:

Karni òf piská.

by Sinta Duru on Tuesday, September 6, 2011 at 4:54pm

Rumannan ku ta konektá riba facebook, atenshon!

Frankamente bisá ami sí tin masha problema mes ku e situashon aktual na Kòrsou, kaminda mayoria hende di e komunidat aki ta sinta soportá abuzu, insulto i tur sorto di chambonada.

Na unda nos tur su kurashi, brio i bon intenshonnan a keda? Di unda a sali ku nos awor na e edat di hende grandi ta para bira manera un sèt di hende sokete pa wanta ofensa i humiashon kontinuamente?

Un kantidat di nos algun aña pasá a subi avion bai Ulanda pa studia i prepará nos mes pa por okupá un profeshon di manera ku nos por aportá na adelanto di NOS Kòrsou.

Sí, anto nos ta yama nos mes hende drechi tambe, pasobra nunka nos no a hòrta, ni mishi ku propiedat di hende òf kometé aktonan inmoral [kòrda esei bon!!!].

Al kontrali nos a krea debenan astronómiko ku e speransa di por sigui un estudio ku éksito, pa finalmente progresá den e mundu aki.

Kòrsou ni ningun otro pais na drechi lo no por sin un arsenal sufisientemente grandi di profeshonal pa yuda subi e nivel di e komunidat! Ta kiko otro FULANO lo tabata ke anto?

No opstante tur sakrifisio ku a hasi, hibando luchanan riba un base krítiko i skèrpi pa un mihó komunidat kurasoleño, despues di nos regreso a keda biba na nos isla natal, wantando tin biaha inhustisia, deskriminashon i egoismo di nos mes hendenan. Nos a oponé ku forsa kontra di un partido manera PAR.

Awe nos ta laga abuzadornan ku ta pretendé di ta polítiko yama nos black jètsèt, anto ainda trata na instigá e pueblo kontra di nos ku tambe ta djaki? Sikiera mi ta ferwagt ku kada ken lo sa ku no ta tur kos ta di soportá. Paisnan ku a haña nan ku un diktador ta pasobra e pueblo a sera su boka i guli manda abou. Pues ta un hecho sin mas ku ta den nos mes man si e kultura hostil aki, di rabia, odio i vengansa lo sigui plama i putri hinter e komunidat aki. Nos ku tin tur bon intenshon mester sa ku tin un límite di toleransia. Sa sigur ku den bida mester skohe pa ta sea karni òf piská. Tuma komo ehèmpel katibunan ku a lucha pa logra nan libertat, otronan ku a resistí kolonialismo i opreshon ulandes.

Enlace: Karni òf piská


MARIA CAZABRUJOS:

Maria Cazabrujos 

‎.Ora Helmin menshona un nomber di un hende semper semper e ta mustra e kos robes ku e hende ta hasi i saka, for di dokumentunan KU E TA KONSULTA . E asuntu di Blackjetset na Korsou si bo no por analisa historia politiko di nos pueblo(nan) lo bo no por komprende e kalifikashon aki Hendenn manera abo lo no por komprende e kalifikashon di e palabra Oligarka i por ultimo Erwin mester komprende ku si e no ta pertenese na e kueba di Alibaba e no mester preokupa es mas e mester a sostene i trata alo menos na studia e situashon ku Helmin Wiels abini ta presenta pa mas ku 8 anja kaba. Erwin mi no por lubida e hetjo ku semper bo tbt rabia riba Helmin Wiels. Erwin bo sa bon bon ku e Pais aki a deteriora simplemente pamotibu di abusadornan ku ta manera komehein i ta predeta riba e poblashon. Mi ta sigur kubo sa tur esaki pero simplemente pa bo adversa Helmin Wiels i posibelmente tambe pasobra bo ta den e filanan di esnan ku ta pretende di bini bek, of ta paga pa pennan manera dibo, bo ta ventura riba e sendero aki. MI TA RETABO ATROBE PA ORGANISA UN PROGRAMA KAMINDA BO TA DISKUTI KU HELMIN WIELS LOKENAN KU BO TA PRETENDE. Envidia i jaloersheid ta un Virus peligroso i ta lagabu komete hopi disparati ku bo pen

about an hour ago ·  ·  3 people

E REACSHÓN DI PAPIAMENTU BIBU:
Lamentablemente riba su wall mí no por reacshoná. Comandante Wiels permanentemente ta exponé shirishiri cu porquería.

Ma loque tá mas importante tá qu e oligarquía y su bómbanan local qu comadante Wiels a llama Black Jetset, na nan turno ta dependé di poder KKKolonial maKKKamba. Nán ta existí, PASOBRA poder KKKolonial maKKKamba ta protehá nán precisamente pasobra nán tá e colaboradornan local qu ta permití maKKKamba sigui ocupá y dominá.

CON?

Wèl. Declarashón Final, e Solushón Final o Endlösung manera e názinan tábatin prepará pa hudiu, tábata posíbel sin colaborashón y traishón di PAR y Godett?!!

INDEPENDENSHA.

Nós lo no tábata independiente caba sin no tá pasobra e oligarquía y su bómbanan di Black Jetset no ta quere den independensha pasobra nan privilégionan ta dependé directamente di poder KKKolonial maKKKamba?!!

Enter nos sistema di política, husticia, aparato polisial, Ministerio Público, maneho, gobièrnu, curpa di ley tá penetrá pa e tentáculo KKKolonial maKKKamba pa por sigurá còntròl, dominashón y ocupashón KKKolonial. Pa colmo tin un gobernador qu ta representá poder KKKolonial directamente y qu ta intervení ora tá necesario manera a sosodé cu e referéndum na Boneiru. Un representashón KKKolonial (Vertegenwoordiging), pasobra claro! e hòmber pretu sintá riba e stul di gobernador, ta queda un hòmber pretu, por lo tanto inconfiábel pa maKKKamba. Enter e entorno di gobernador tá maKKKamba, pa tin sigur qu e no ta pifia. Y te na ora e pifia, no nós ta persigué, sino maKKKamba. MaKKKamba ta pensa: Bo n' sa nunca. Y pa caba di coroná e obra, a pone un Comishón di Supervishon KKKolonial qu algún payaso local pa purba tapa su berdadero naturalesa KKKolonial raSSista maKKKamba.

Cámbionan di ley, revishón di leynan orgánico tin dos trampa KKKolonial. E promé tá gobernador qu después (te na ora y firma) ta mandé pa e di dos trampa o llabi KKKolonial qu tá conseho KKKolonial di miníster qu tambe conocé dos figurante o payaso di fondo pa duna e totalidad un toque caribe pa despistá nos héndenan.

CON NÓS POR LLEGA NA CAMBIO?!!!!! BERDADERO CAMBIO?!!!!! CAMBIO STRUCTURAL?!!!!! COMO KKKOLONIA?!!!!!

Comandante Wiels tá librando un batalla TITÁNICO!

MaKKKamba tá haciendo tur lo posíbel pa para e proceso revolushonario soberano.

Y tantén nós tá KKKolonia, e ármanan KKKolonial lo queda na disposishón di maKKKamba pa por FRENA e proceso.

E ÚNICO MANERA QU E PROCESO DI CAMBIO POR TIN ÉXITO, TÁ CU INDEPENDENSHA.

INDEPENDENSHA PROMÉ!!!!! SOBRÁ DESPUÉS!!!!!!!!!!!

Cu independensha e ármanan KKKolonial maKKKamba ta queda des-armá. Asina e «liña di bida» di e oligarquía y e jetset pretu cu maKKKamba formalmente ta queda còrtá y ta bisa MAS FÁCIL pa atendé debidamente cu nán. Asina maKKKamba NO TIN NINGÚN ARMA FORMAL (ley, Statüt, gobernador etc etc) pa por intervení DIRECTAMENTE. Lo no tá un asuntu qu ta regla di un día pa otro. M'a e POSIBILIDAD pa atendé realmente cu e problema tá aumentá considerablemente!!!!!

P'esey:

INDEPENDENSHA AWÓ !!!! NO AWORÓ!!!!!

INDEPENDENSHA PROMÉ!!!!! SOBRÁ DESPUÉS!!!!!!




Papiamentu Bibu




E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

DERECHO NA LIBERTAD: UN DERECHO NATURAL

Cada pueblo oprimí, cada pueblo ocupá, cada pueblo colonisá tin un meta principal, stratégico: LIBERTAD. Por dura un aña, dies aña, un siglo, dos siglo o cuáter siglo, finalmente LIBERTAD tá inevitábel Y necesario pa por logra un desarollo y bienestar nashonal duradero Y berdadero.

Loque nós conocé awendía como derecho, ta bin for di e raís fundamental DERECHO NATURAL. For di derecho natural, a través di tempu hende a cuminsá codificá, loque nós conocé como derecho positivo. Ma e raís fundamental tá queda SÉMPER derecho natural.

Derecho natural tá e origen di tur derecho. E derecho natural primordial tá libertad. Mas fundamental qu bida mes, pasobra qui bal bida, si bó no tá líber. Por lo tanto, pa recapitulá, e derecho natural fundamental primordial tá LIBERTAD.

Laga nós trata di duna antó un descripshón conciso di derecho natural pa no expandé muchu.

E nórmanan qu ta integrá derecho natural, tá di carácter hurídico, un realidad hurídico obhetivo y no princípionan di carácter moral o religioso.

E princípionan di derecho natural, ta basa nán riba naturalesa humano. E normativa natural ta di carácter general y universal. E nórmanan di derecho natural tá INALIENÁBEL (no por quita nán for di hende precisamente pasobra nán ta sali directamente for di naturalesa humano) y INTRANSFERÍBEL. Derecho natural tá e promé fuente di tur derecho, anterior y superior na tur derecho.

Tá IMPORTANTE qu nós NO TA PÈRMITÍ ningún teoría, y principalmente teoríanan di e ocupadó KKKolonial raSSista maKKKamba, brua nós. Ya mashá hende TÁ bruá. Continuamente méster tende nos mes héndenan teoretisá tocante limitashón di tamaño (nós tá un isla), limitashón di demografía (cantidad di hende), di integrashón en bes di independensha, di globalisashón. Esún último, globalisashón, no tá nada mas qu un capa pa sconde e realidad: imperialismo noroccidental maKKKamba, mericano y inglés.

Observá pa ehèmpel CON den nos mes himno, nós ta degradá nós mes:

Kòrsou isla chikitu,
baranka den laman.

Pió tábata e supuesto himno componé pa páder Radulphus titulá "Dushi Kòrsou". Nós lo queda debe un análisis.

Tá necesario, inevitábel qu nós ta bai na raís, na e raís mas profundo di e problema.

CUA TÁ E PROBLEMA?

MIEDU PA TÁ LÍBER.

Nós méster tá radical. Radical den e sentido martiano (José Martí) qu a bisa qu «Na raís ta bai e hende berdadero. Radical no tá mas qu esey: esún qu ta bai na raís. No por llama radical es qu no ta mira cos den su fondo.»

E citado di José Martí tá incompleto. E citado di Martí ta caba cu un frase qu tá esencia di solidaridad, compashón, humanismo, en fin, Amor pa bo próhimo. Martí na palabra: «Ni hende, qu no ta yuda na seguridad y dicha di demás hende.»

José Martí a duna nós e argumento ideal pa desarmá, desarticulá esnán qu quièr tilda nós di radicalismo.

Algún tempu pasá Marcel Kross a scirbi qu DERECHO NA LIBERTAD tá un DERECHO INCONDISHONAL.

Esaqui tá e splicashón, sin cansa, sin tambaleá, sin totobiá qu nós tin qu duna día adén, día afó pa laga nos héndenan mira qu:

1. Nos libertad tá secuestrá pa maKKKamba,
2. No tin condishón mará na nos libertad. Qu ta dependé di nós mes pa tum'é MESORA, SIN CONDISHÓN.

Mas aléu nós lo concluí cu algún condishón di importansha.

Pues, no por papia di libertad, tanten nós cas tá ocupá. No por papia di autonomía tanten nós cas tá ocupá. No por papia di democracia, tanten nos cas tá ocupá, No por papia di estado di derecho, tanten nos cas tá ocupá. No por papia ni siquiera di bandera o himno, tanten nos cas tá ocupá. Bandera y himno tá símbolonan PATRIO pa excelencia di un pueblo digno, líber y soberano. Patrio tá nificá relativo o perteneciente na Patria. Y patria tá ÚNICAMENTE posíbel si nós tá Líber, Independiente y Soberano.

"Sí, pero nós tá manera un tutu." "Nós tá di tur un poco", bó ta tende otro hende bisa. "Nós tá multicultural", ótronan ta alegá. "Quico tá un yu di Còrçao?", esnán llen di duda ta puntra. Nós tin identidad? Etc etc etc.

Arguméntonan falsu pa quita/tene nós for di e ÚNICO caminda qu llama LIBERTAD.

Ótronan ta bisa (y huntu cu nán e susuradornan maKKKamba) "ma pueblo a scohe pa queda den reino". O "méster tene un referéndum" atrobe ótronan ta bisa.

Cu Marcel Kross, nós ta bolbe ripití: DERECHO NA LIBERTAD tá INCONDISHONAL. Por lo tanto referéndum tá un condishón inaceptábel y TÁ e perfecto trampa KKKolonial pa tene nós den e BÈRPÙT KKKolonial Bou di e TAPAKESHI KKKolonial raSSista maKKKamba.

Marcel Kross a formulá un argumento fulminante contra referéndum. Su argumento, qu no ta pèrmití ni e mas mínimo espacio pa un contra-urgumento tá:

Día maKKKamba, bou di guía di Willem I, a dicidí qu tá basta cu ocupashón spañó di nan cas, nán no tene referéndum. Cla y raspá. Más cla, ni awa.

Mescos ta conta pa otro lúchanan pa libertad. Día mericano, bou di comandancia di George Washington a dicidí qu tábata basta pa cu colonialismo inglés, no a tene referéndum. Día Libertador Simón Bolívar y su generalnan a dicidí qu tábata basta pa cu ocupashón colonial di La Patria Grande, no a tene un referéndum. Asina nós por sigui bai. Finalmente, día maKKKamba a dicidí qu méster a pone un fin na ocupashón nazi alemán di nan cas, tampoco a tene un referéndum.

Awor, quico falta nós qu nós SÍ QUIÈR CONDISHONÁ NOS LIBERTAD?!!!

Libertad tá incondishonal. Asina tábata for di tempu qu mundu tá mundu. Nada no a cambia!!!!

Contra tur argumento falsu, tin contra argumento CONTUNDENTE pa desarmá tur mentira, falacia, argumento falsu.

E avalancha di mentira tá enorme. Cuátershen aña di nazismo maKKKamba, a distorshoná nos manera di pensa, a crea den nós un inferioridad descomunal, a deformá nós. Y di tal manera a deformá nós qu nós mes tá condishonando nós libertad, tambe esnán mas formá.

Tur e birtudnan y bentáhanan di un berdadero democracia, caminda ta biba cu curasón y sentido patrio asúntunan fundamental manera referéndum, participashón popular (pa medio di un democracia participativo y protagónico), rèspèt pa deréchonan humano, estado di derecho, husticia y particularmente husticia social, deber social, dignificashón di e pueblo humilde y trahadó, uza tur recurso nashonal pa «yuda na dicha y felicidad di demás hende» pa por logra «e mayó suma di felicidad posíbel», TÁ SOLAMENTE POSÍBEL CU INDEPENDENSHA!!!!!

INDEPENDENSHA TÁ E PORTA DI ORO QU NÓS TIN QU PASA P’E.

Méster splica, splica, splica, splica, splica y sigui splica pa saca nos héndenan for di e neblina di e tapakeshi KKKolonial maKKKamba.

Méster splica, splica, splica, splica, splica y sigui splica pasobra asta e cuádronan soberano tá ignorá e tópico. Mayoría ta preferá e sensashón di día; e redu di día.

Méster splica, splica, splica, splica, splica y sigui splica pa forma nos cuádronan y banguardia soberano. Pa nán tá IMPREGNÁ, SUMERGÍ, LLENÁ plenamente den y di e bèrdad absoluto qu LIBERTAD tá INCONDISHONAL!

Formashón di cuadro tá esencial pa un revolushón, Che Guevara a siña nós den su escrito titulá "El cuadro, columna vertebral de la revolución".

Como nós a menshoná anteriormente qu tin algún condishón, nós debe abo, querido lector, un breve exposishón. Nós lo caba asina y lo trata di tá lo mas breve posíbel.

Derecho natural, su codificashón derecho positivo y su aplicashón diario HUSTICIA y particularmente HUSTICIA SOCIAL mester tá nos motor, nos rasón di tá.

E liña còra tá DERECHO. E ÚNICO manera pa por cumpli cu derecho TÁ, HACI HUSTICIA.

Ora violá un derecho, y colonialismo y ocupashón tá e VIOLASHÓN mas FLAGRANTE, ya pa cuátershen aña, di nos derecho na libertad, ANTO MÉSTER HACI HUSTICIA.

Inhusticia inevitablemente méster conducí na husticia. No por tapé, no por scondé, no por mitigué, no por bisa qu tá pasado.

Nós tá papiando di PRINCÍPIONAN BÁSICO DI DERECHO.

1. E transgresor/criminal, esún qu a cometé e crimen tin qu sinta quetu, cera su boca y SCUCHA e víctima, sea e tá arepentí o no. Ora huzga un crimen, e víctima ta dicidí CON e transgresor TIN QU paga INDEMNISASHÓN pa su crimen. Día a huzga e názinan na e tribunal di Núremberg, e víctima tábata na mes momento ACUSADOR, HUEZ y EHECUTOR di e CASTIGU y RECEPTOR di INDEMNISASHÓN.

2. E crimen tá comprobá. No tin ningún necesidad di aportá ningún prueba mas. No ta tolerá ningún clase di supuesto prueba di parti di e transgresor pa MITIGÁ, suavisá e crimen qu el a cometé. Contra un crimen comprobá no tin NINGÚN CIRCUNSTANSHA ATENUANTE.

3. E transgresor y criminal maKKKamba pa derecho tin e obligashón di INDEMNIFICÁ, O sea PAGA pa su crimen cometé.

4. DURASHÓN y GRAVEDAD di e crimen, tá FUNDAMENTAL pa e peso y durashón di e INDEMNISASHÓN. Nós ta dicidí CON maKKKamba tin qu paga, CUANTU e tin qu paga y PA CUANTU tempu e tin qu paga.

Además, además querido lector, si a ocupá o tá ocupando un cas, a secuestrá o tá secuestrando, for di qui tempu e tende qu TANTEN e víctima no bisa nada, no exihí, no demandá, anto e situashón ilegítimo, e crimen ta sigui. E transgresor, e criminal no tin antó e obligashón moral di pone un fin na e situashón ilegítimo, di pone un fin na e crimen?

Nós ta ripití aqui loque nós a scirbi na diferente ocashón na diferente caminda: maKKKamba no tin NINGÚN CLASE di BÈRGÜENSA pa nan crimenan qu nán a cometé y ainda tá cometiendo.

No e criminal, e transgresor ta dicidí qu tá basta. Esey NÓS TA DICIDÍ.

Nada di arguméntonan falsu manera tábata hopi tempu pasá, nada di qu nós ta frustrá, nada di qu nós ta vengativo, nada di qu nós ta llen di odio, nada di qu nós ta blo coba den pasado, nada di qu nós tá emoshonal y mil y un mentira y nònsèns KKKolonial.

Esún qu a secuestrá otro hende, a deportá nán, a interná nán den campo di concentrashón, a invadí cas di otro hende, ocupá e cas, durante su ocupashón a terorisá, a asesiná y di cua SU ACTUAL RIQUESA Y BIENESTAR ta bin DIRECTAMENTE di e áctonan criminal describí y comprobá y TE QU E DÍA AWE TÁ OCUPANDO MI CAS, MÉSTER PAGA PA SU CRIMEN.

A ocupá cas di otro hende, a priv'é di haci uzo di su cas libremente y sin ningún clase di restricshón, a priv'é di disfrutá di su frútanan, qu a resultá den ingreso perdí.

E colonisador a secuestrá, a deportá, a ocupá teritorio sin paga p'e, a haci uzo di obra di man, bou di condishonan infrahumano, sin paga p'e, no a paga ningún clase di prima soshal.

No tá mas qu HUSTU, no tá cumpli cu HUSTICIA antó, si finalmente e ta paga pa ASINA TANTU violashon di princípionan básico di derecho?

HUSTICIA, punto.

A cometé un crimen, ta huzga e crimen, y ta paga pa e crimen. Esey tá berdadero derecho y husticia.

Tur sobrá tá papiamentu di den shap. Tá pèrdèmentu di tempu. Tá, quita for di e caminda stret.

E PROMÉ ACTO DI HUSTICIA, sin embargo, pa asina e derecho natural más básico haña berdadero nificashón y efecto, tá: desocupá mi cas y dunami atrobe, porfín, e llabi di mi cas pa mí por tá LÍBER.

PB


E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).